ଆଂଚଳିକ ପାଣିପାଗ ବିଭାଗ କହିଛି ଆଜି ଠାରୁ ତିନି ଦିନ ଧରି ରାଜ୍ୟ ରେ ବର୍ଷା ଲାଗି ରହିବ। ପଶ୍ଚିମ କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟି ହୋଇ ଥିବା ଘୂର୍ଣ୍ଣି ବଳୟ, ଏହା ୪୮ ଘଂଟା ଭିତରେ ଲଘୁଚାପରେ ପରିଣତ ହେବ । ଏହାର ପ୍ରଭାବରେ ରାଜ୍ୟର କେତେକ ଜିଲ୍ଲାରେ ପ୍ରବଳ ବର୍ଷା ହେବାର ସମ୍ଭାବନା ରହିଛି ।
୨୯ ତାରିଖ ଠାରୁ ଦୁଇ ଦିନ ଧରି ଉପକୂଳ ଓଡିଶାରେ ବର୍ଷା ଲାଗି ରହିବା ସମ୍ଭାବନା ଅଛି । କାଲି ୮ ଟି ଜିଲ୍ଲାରେ ବର୍ଷା ହେବ । ପାଣିପାଗ ବିଭାଗ କହିଛନ୍ତି ଏହି ବର୍ଷା ମଧ୍ୟମ ଧରଣର ହେବ। ଲଘୁଚାପ ପାଇଁ ଉପକୂଳ ଓ ଉତ୍ତର ଓଡ଼ିଶାରେ ବର୍ଷା ସମ୍ଭବନା ରହିଛି । ତେଣୁ ସମୁଦ୍ରକୁ ନଯିବା ପାଇ ସୂଚନା ଦିଆ ଯାଇଛି।
ଆସନ୍ତା ୨ ଦିନ ଧରି ରାଜ୍ୟର ଏହି ସବୁ ଜିଲ୍ଲା ମାନଙ୍କରେ- ପୁରୀ, ଜଗତସିଂହପୁର, କେନ୍ଦ୍ରାପଡା, ଗଂଜାମ, ଭଦ୍ରକ, ବାଲେଶ୍ୱର , କଟକ, ଖୋର୍ଦ୍ଧାରେ ପ୍ରବଳ ବର୍ଷା ହେବାର ସମ୍ଭାବନା ରହିଛି । ଅନ୍ୟପଟେ, ଲଘୁଚାପ ଜନିତ ବର୍ଷାକୁ ଦୃଷ୍ଟିରେ ରଖି ଜିଲ୍ଲାପାଳ ମାନଙ୍କୁ ସତର୍କ କରାଇ ଛନ୍ତି ଡେପୁଟି ଏସଆରସି ।
ଡେପୁଟି ଏସଆରସି ପ୍ରଭାତ ମହାପାତ୍ର କହିଛନ୍ତି ଚାଷୀଙ୍କ ଫସଲ ସୁରକ୍ଷା ପାଇଁ କୃଷି ବିଭାଗ ଓ ଓୟୁଏଟି ସହ ଆଲୋଚନା କରାଯାଇଛି, ସେଥିପାଇଁ କିଛି ଚିନ୍ତା କରନ୍ତୁ ନାହିଁ।
ଖବର ଟିକୁ ସମସ୍ତଙ୍କ ସହିତ ଶେୟାର କରନ୍ତୁ।