ଉତ୍ତରପ୍ରଦେଶ କ୍ୟାବିନେଟ ମନ୍ତ୍ରୀ ତଥା ପୂର୍ବତନ ଭାରତୀୟ ଓପନର୍ ଚେତନ ଚୌହାନଙ୍କର ରବିବାର 73 ବର୍ଷ ବୟସରେ ଦେହାନ୍ତ ହୋଇଛି । ୟୁପି ମନ୍ତ୍ରୀ ଚେତନ ଚୌହାନ ହୃଦଘାତରେ ମୃତ୍ୟୁ ବରଣ କରିଛନ୍ତି । ଚୌହାନ ଗତ ମାସରେ କରୋନା ପଜିଟିଭ୍ ବୋଲି ଜଣାପଡିଥିଲା । ତାଙ୍କର ଅଙ୍ଗ ଗୁଡିକ କାମ କରିବା ବନ୍ଦ କରି ଦେଇଥିଲେ ଏବଂ ସେ ଗୁରୁଗ୍ରାମର ଡାକ୍ତରଖାନାରେ ଭେଣ୍ଟିଲେଟରରେ ଥିଲେ ।
11 ଜୁଲାଇରେ କରୋନା ହୋଇଥିଲା
ଉତ୍ତର ପ୍ରଦେଶ ସରକାରଙ୍କ କ୍ୟାବିନେଟ ମନ୍ତ୍ରୀ ଚୌହାନଙ୍କୁ କରୋନା ରିପୋର୍ଟ ପଜିଟିଭ ଆସିବା ପରେ ଜୁଲାଇ 11 ରେ ଲକ୍ଷ୍ନୌର ସଞ୍ଜୟ ଗାନ୍ଧୀ ପିଜି ହସ୍ପିଟାଲରେ ତାଙ୍କୁ ଭର୍ତ୍ତି କରାଯାଇଥିଲା । ଜୁଲାଇ 15 ରେ, ତାଙ୍କୁ ଲକ୍ଷ୍ନୌର PGI ରୁ ଗୁରୁଗ୍ରାମର ମେଦାନ୍ତା ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା । ଗତକାଲି ସ୍ୱାସ୍ଥ୍ୟ ଖରାପ ଥିବାରୁ ଭେଣ୍ଟିଲେଟର ରେ ରଖା ଯାଇଥିଲା । କରୋନା ଯୋଗୁଁ ୟୁପିରେ ଦ୍ୱିତୀୟ ମନ୍ତ୍ରୀଙ୍କ ମୃତ୍ୟୁ ହୋଇଛି ।
ଏହା ପୂର୍ବରୁ କମଲ ରାନୀ ବରୁଣ ମଧ୍ୟ କରୋନା କାରଣରୁ ମୃତ୍ୟୁ ବରଣ କରିଥିଲେ । ଗତ ମାସରେ ଜୁଲାଇ 21 ରେ ଅମରୋହା ଜିଲ୍ଲାର ନୌଗାଓଁ ବିଧାନସଭାର ବିଧାୟକ ଚେତନ ଚୌହାନ ତାଙ୍କର 73 ତମ ଜନ୍ମଦିନ ପାଳନ କରିଥିଲେ ।
କିଡନୀ କାମ ବନ୍ଦ କରିଦେଲା
ଶନିବାର ଦିନ ଡିଡିସିଏ ର ଜଣେ ବରିଷ୍ଠ ଅଧିକାରୀ କହିଥିଲେ, ‘ସକାଳେ ଚେତନ ଜୀଙ୍କର କିଡନୀ କାମ କରିବା ବନ୍ଦ କରିଦେଲା ଏବଂ ପରେ ଅନେକ ଅଙ୍ଗ ମଧ୍ୟ କାମ କରିବା ବନ୍ଦ କରିଦେଲା ସେ ଲାଇଫ ସପୋର୍ଟ ରେ ଅଛନ୍ତି । ଆମେ ପ୍ରାର୍ଥନା କରୁଛୁ କି ସେ ଭଲ ହୋଇଯାନ୍ତୁ’ । ଭାରତ ପାଇଁ 40 ଟି ଟେଷ୍ଟ ଖେଳିଥିବା ଚୌହାନ ସୁନୀଲ ଗାଭାସ୍କରଙ୍କ ଦୀର୍ଘ ଦିନର ଓପନିଂ ପାର୍ଟନର ଥିଲେ । ସେ ଦିଲ୍ଲୀ ଏବଂ ଜିଲ୍ଲା କ୍ରିକେଟ୍ ଆସୋସିଏସନ ରେ ମଧ୍ୟ ବିଭିନ୍ନ ପଦବୀରେ ରହିଥିଲେ ଏବଂ ଅଷ୍ଟ୍ରେଲିଆ ଗସ୍ତରେ ଭାରତୀୟ ଦଳର ମ୍ୟାନେଜର ମଧ୍ୟ ଥିଲେ ।
पूर्व अंतरराष्ट्रीय खिलाड़ी, मंत्रिमंडल में मेरे सहयोगी, श्री चेतन चौहान जी के असामयिक निधन का व्यथित कर देने वाला समाचार प्राप्त हुआ।
प्रभु श्री राम, श्री चौहान जी के परिजनों को इस अपार दुःख को सहने की शक्ति एवं दिवंगत आत्मा को अपने श्री चरणों में स्थान प्रदान करें।
ॐ शांति
— Yogi Adityanath (@myogiadityanath) August 16, 2020
ସିଏମ୍ ଯୋଗୀ ଆଦିତ୍ୟନାଥ ଟ୍ୱିଟ୍ କରି କହିଛନ୍ତି ଯେ କ୍ୟାବିନେଟରେ ମୋର ସହକର୍ମୀ ପୂର୍ବତନ ଅନ୍ତର୍ଜାତୀୟ ଖେଳାଳି ଶ୍ରୀ ଚେତନ ଚୌହାନଙ୍କ ଅକାଳ ବିୟୋଗର ଦୁଖ ଖବର ମିଳିଲା । ଭଗବାନ ଶ୍ରୀ ରାମ, ଶ୍ରୀ ଚୌହାନ ଜି ଙ୍କ ପରିବାରକୁ ଏହି ଅପାର ଦୁଖକୁ ସହିବାକୁ ଓ ତାଙ୍କ ଆତ୍ମାକୁ ଶ୍ରୀ ଚରଣ ରେ ସ୍ଥାନ ପ୍ରଦାନ କରନ୍ତୁ । ॐ ଶାନ୍ତି ‘
ଚୌହାନ ବିଶ୍ୱର ପ୍ରଥମ କ୍ରିକେଟର ଥିଲେ ଯିଏ ଶତକ ହାସଲ ନକରି ଦୁଇ ହଜାର ରନ୍ ସ୍କୋର କରିଥିଲେ ।
ୟୁପି ର କ୍ୟାବିନେଟ ମନ୍ତ୍ରୀ ତଥା ପୂର୍ବତନ ଓପନର୍ ଚେତନ ଚୌହାନ 21 ଜୁଲାଇ 1947 ରେ ଜନ୍ମଗ୍ରହଣ କରିଥିଲେ । ସେ କ୍ରିକେଟର ଭାବରେ କ୍ୟାରିୟର ଆରମ୍ଭ କରିଥିଲେ । ସୁନୀଲ ଗାଭାସ୍କରଙ୍କ ସହ ତାଙ୍କର ଯୋଡି ଅତ୍ୟନ୍ତ ଲୋକପ୍ରିୟ ଥିଲା । ଭାରତର ପୂର୍ବତନ ଓପନର୍ 40 ଟି ଟେଷ୍ଟରେ 2084 ରନ୍ ସ୍କୋର କରିଥିଲେ ଏବଂ ତାଙ୍କର ସର୍ବାଧିକ ସ୍କୋର 97 ଥିଲା । ଏହା ବ୍ୟତୀତ ସେ 7 ଟି ୱାନଡେ ଅନ୍ତର୍ଜାତୀୟ ଖେଳିଥିଲେ । ସେ ଶତକ ହାସଲ ନକରି କ୍ୟାରିୟରରେ ଦୁଇ ହଜାର ରନ୍ ସ୍କୋର କରିବାରେ ଦୁନିଆର ପ୍ରଥମ କ୍ରିକେଟର ଥିଲେ ।
ଦୈନନ୍ଦିନ ଘଟୁଥିବା ଘଟଣା ବିଷୟରେ ଅପଡେଟ ପାଇବା ପାଇଁ ଆମ ପେଜକୁ ଲାଇକ କରି ଆମ ସହିତ ଯୋଡି ହୁଅନ୍ତୁ ।