ମତେ ବାନ୍ଧିଲ ଏବେ ସମ୍ଭାଳ । 40 ଲକ୍ଷ ଭୂତ ଆସିବେ ଥାନା ପାଚେରିକୁ ଉଡେଇ ଦେବେ । ତୁମେମାନେ ଭୂତମାନଙ୍କ ସଭାପତିକୁ ବାନ୍ଧିଛ । ନିଇତି ଆତ୍ମା ପ୍ରେତାତ୍ମାଙ୍କ ସହ ମୁଁ କଥା ହୁଏ । ଭୂତ ମାନଙ୍କ ମିଟିଂରେ ମୁଁ ସଭାପତି ହେଇକି ଯାଉଛି । ମୁଁ ଯାହା ଚାହେଁ ସେଇଆ ହୁଏ । ଯେତେବେଳେ ଇଚ୍ଛା କଳାହାଣ୍ଡିଆ ମେଘ ଘୋଟେଇ ଆଣେ । ମୁଁ ଏକାସାଙ୍ଗେ 40 ଲକ୍ଷ ଭୂତଙ୍କୁ ଡାକି ଏକାଠି କରିଦେବି ଆଉ ରାଜରାସ୍ତାରେ ହଇଚଇ ସୃଷ୍ଟି କରିଦେବି । ମୁଁ ହେଉଛି ବିପିନ ବାପା ଭୂତଙ୍କ ସଭାପତି ।
ଏଭଳି କହି 40 ଲକ୍ଷ ଭୂତଙ୍କ ସଭାପତି ବୋଲି ଦାବି କରୁଥିବା ବିପିନ ବାବା ଏବେ ଜେଲ ର ଚାରିକାନ୍ଥ ଭିତରେ ଚକି ପଶୁଛନ୍ତି । ଆଉ ଜେଲରେ ଥାଇ ଚିତ୍କାର କରି କହୁଛି ମୁଁ ଚାହିଁଲେ 40 ଲକ୍ଷ ଭୂତଙ୍କୁ ଡାକି ଆଣିବି, ଆଉ ଥାନା ପାଚେରି ଲୁହାବାଡ ସବୁକିଛି ଓପାଡି ଦେବି । ପୋଲିସ ବାବୁମାନେ ବି କୁହାକୁହି ହେଉଛନ୍ତି, ଏତେ କହୁଛୁ ଯଦି ଡାକେ ଦେଖିବା ତୋ ଭୂତଙ୍କୁ । ଏତେ ସରି ହେଲା ପରେ ମୁହଁ ତୋଡ କମ୍ ହେଇନି ବାପା ବିପିନ କୁମାର ରାଉତରାୟର ।
କାଲି ଯେଉଁ କଥା କହୁଥିଲେ ଆଜି ବି ସେଇ କଥା କହୁଛନ୍ତି । ତାଙ୍କ ପାଖକୁ କୁଆଡେ ପୂର୍ବତନ ସ୍ୱାସ୍ଥ୍ୟ ମନ୍ତ୍ରୀ ସ୍ଵର୍ଗୀୟ ନବ ଦାସଙ୍କ ଆତ୍ମା ଆସୁଛି ଏବଂ ତାଙ୍କ ସହ କଥାବାର୍ତ୍ତା ହେଉଛି । 40 ଲକ୍ଷ ଭୂତକୁ କଣ୍ଟ୍ରୋଲରେ ରଖିଥିବା ବିପିନ ବାବା ଭୂତଙ୍କୁ ଲଗେଇ ଥାନା ଭାଙ୍ଗିଦେବ ବୋଲି ଧମକ ଦେଉଛି । ବିପିନ ବାବାଙ୍କ କଥା ଶୁଣିବାକୁ ଅତି ଅଜବ ଲାଗୁଛି ଯାହା ଶୁଣି ଲୋକେ ହସୁଛନ୍ତି । ସୂଚନାନୁସାରେ ବିପିନଙ୍କ ନାଁରେ ତିନୋଟି ୱାରେଣ୍ଟ ରହିଥିଲା ।
ବିପିନ ପୋଲିସକୁ ଚକମା ଦେବାରେ ମାହିର ହୋଇଥିବା ବେଳେ ତାଙ୍କୁ ପୋଲିସ ଗିରଫ କରିବାରେ ସଫଳ ହୋଇଛି । ମା ବଗଳାମୁଖୀଙ୍କ ସାଧନା କରୁଥିବା କହି ସୋସିଆଲ ମିଡିଆରେ କିଛିଦିନ ହେବ ଚର୍ଚ୍ଚାରେ ରହିଥିଲେ ବିପିନ । ଭୂତଙ୍କ ନାଁରେ ବିଭିନ୍ନ କାହାଣୀ ରଚି ନିଜକୁ ଭୂତ ପ୍ରେତାତ୍ମାଙ୍କ ସଭାପତି ବୋଲି କହୁଥିଲେ । ମଶାଣି ଭିତରେ କୁଆଡେ 15 ମିନିଟ ମନ୍ତ୍ର ପଢିବା ପରେ 40 ଲକ୍ଷ ଭୂତ ଆସିଥିଲେ ।
ଭୁବନେଶ୍ବରକୁ 45 ମିନିଟ ପାଇଁ ଅନ୍ଧାର କରି ଦେଇଥିଲି ଏବଂ ଜଣେ ପ୍ରତିସ୍ଥିତି ରାଜନେତାଙ୍କ ଆତ୍ମା ଆସି ତାଙ୍କୁ ସାହାଯ୍ୟ ମାଗିବା ଆଦି କଥା କହି ସୋସିଆଲ ମିଡିଆରେ ଚର୍ଚ୍ଚାରେ ଥିଲେ ବିପିନ । ଆଉ ଏବେ ଜେଲର ଚାରିକାନ୍ଥ ଭିତରେ ଭୂତଙ୍କ ସାହାଯ୍ୟ ପାଇଁ ଅପେକ୍ଷା କରିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।