ଆଉ ରହିପାରିଲେନି ବିଦ୍ୟାଶ୍ରୀ, ସେଥିପାଇଁ ତ ଶହୀଦ ଦେବାଶିଷଙ୍କ ଘରକୁ ଧାଇଁ ଆସିଲେ । ଦେବାଶିଷଙ୍କ କୁନି ଝିଅକୁ ନିଜ ହାତରେ କୋଳେଇ ନେଇ ଗେଲ କରିଛନ୍ତି । ଦେବାଶିଷଙ୍କ ପରିବାର ଦୁଃଖର ସମୟରେ ତାଙ୍କ ପାଖରେ ଆସି ଠିଆ ହୋଇଛନ୍ତି ବିଦ୍ୟାଶ୍ରୀ । ଯବାନ ଦେବାଶିଷ ଶହୀଦ ହେବା ପରେ ଗାଁ ଠାରୁ ନେଇ ସହର ପର୍ଯ୍ୟନ୍ତ ପୁରା ରାଜ୍ୟ ସତେ ଯେମିତି ଦୁଃଖରେ ଭାଙ୍ଗି ପଡିଛି । ଏହି ଦୃଶ୍ୟକୁ ସମସ୍ତ ଗଣମାଧ୍ୟମ ନିଜ ସ୍କ୍ରିନରେ ଦେଖାଇଥିଲେ ।
ବିଦ୍ୟାଶ୍ରୀଙ୍କ ଆଖିରେ ଯେତେବେଳେ ଏହି ଦୃଶ୍ୟ ପଡିଥିଲା ସେ ମଧ୍ୟ ପରିବାରର ଦୁଃଖର ସମୟରେ ଟିକିଏ ସାଥିରେ ଛିଡା ହେବାକୁ ଦୌଡି ଆସିଛନ୍ତି । ସେ ଦେବାଶିଷଙ୍କ ବାପାଙ୍କୁ ବୁଝେଇବା ସହ ତାଙ୍କ ମା’ଙ୍କୁ ମଧ୍ୟ ଧୈର୍ଯ୍ୟ ଦେଇଛନ୍ତି । ଖାଲି ସେତିକି ନୁହେଁ ବରଂ ଦେବାଶିଷଙ୍କ ପତ୍ନୀଙ୍କ ପାଖରେ ବସି ମଧ୍ୟ ତାଙ୍କୁ ଖୁବ ପ୍ରେମର ସହ ବୁଝେଇଛନ୍ତି ବିଦ୍ୟାଶ୍ରୀ । କିଛିଦିନ ହେବ ସବୁ ଟିଭି, ପେପର ଏବଂ ସୋସିଆଲ ମିଡିଆରେ କେବଳ ଦେବାଶିଷଙ୍କ ଖବର ଦେଖିବାକୁ ମିଳୁଛି ।
ଦେବାଶିଷ ବୀରଗତି ପ୍ରାପ୍ତ କରିଛନ୍ତି ଅର୍ଥାତ ଦେଶ ମାତୃକା ପାଇଁ ନିଜ ପ୍ରାଣ ଉତ୍ସର୍ଗ କରିଛନ୍ତି । ଯବାନ ପୁଅକୁ ହରେଇବା ବାପାମା’ଙ୍କ ମନରେ ଗଭୀର ଆଘାତ ଦେଇଥାଏ । ସେମିତି ଯୁବା ବୟସରେ ସ୍ଵାମୀ ଛାଡି ଚାଲିଯିବା ମଧ୍ୟ ସ୍ତ୍ରୀ ପାଇଁ ବେଶ ଦୁଃଖପୂର୍ଣ୍ଣ ହୋଇଥାଏ । ହେଲେ ଏହି ଦୁଃଖକୁ ବିଦ୍ୟାଶ୍ରୀ ନିଜେ ଅଙ୍ଗେ ନିଭାଇଛନ୍ତି ।
ସେଥିପାଇଁ ତ ଆଜି ଆଉ ଜଣେ ସ୍ତ୍ରୀ’କୁ ମନୋବଳ ଦେବା ପାଇଁ ଧାଇଁ ଆସିଛନ୍ତି । ଅଳ୍ପ ବୟସରେ ସ୍ଵାମୀଙ୍କୁ ହରାଇବା ଦୁଃଖ ଯେ କଣ ତାହା ବିଦ୍ୟାଶ୍ରୀ ବେଶ ଭଲେ ଜାଣିଛନ୍ତି । ସମସ୍ତଙ୍କ ସହ କଥାବାର୍ତ୍ତା ହେବା ପରେ ସେ ଶହୀଦ ଦେବାଶିଷଙ୍କ ଫଟୋରେ ଫୁଲମାଳ ଏବଂ ଉତ୍ତରୀୟ ମଧ୍ୟ ଅର୍ପଣ କରିଥିଲେ । ଦେବାଶିଷଙ୍କ ପତ୍ନୀଙ୍କୁ ସମବେଦନା ଜଣାଇବା ସହ ତାଙ୍କ କୁନି ଝିଅକୁ କୋଳେଇ ନେଇ ଆଶୀର୍ବାଦ ଦେଇଥିଲେ ବିଦ୍ୟାଶ୍ରୀ ।
ଆଉ ଫେରିବା ବେଳେ ଦେବାଶିଷଙ୍କ ବାପାଙ୍କୁ ନିଜ ଜୀବନର ଦୁଃଖଦ କାହାଣୀ ମଧ୍ୟ କହି ଯାଇଥିଲେ । ପୁଅ ପାଇଁ ଦୁଃଖ କରନି ବରଂ ଗର୍ବ କରି ବାପାଙ୍କୁ ବୁଝେଇ ଯାଇଥିଲେ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।