ବିବାଦ ସବୁବେଳେ ତାଙ୍କ ପଛେ ପଛେ ଲାଗି ରହିଥାଏ । ସେ ବି ବୋଧ ହୁଏ ବିବାଦ ଘେରରେ ବଞ୍ଚିବାକୁ ଭଲପାନ୍ତି । ଆଜ୍ଞା ହଁ, ବିବାଦୀୟ ଯାତ୍ରା ଅଭିନେତ୍ରୀ ରାଣୀ ପଣ୍ଡା ସବୁବେଳେ ଚର୍ଚ୍ଚାର ପରିସର ଭିତରେ ରହିଥାନ୍ତି । ନିକଟରେ ସେ ସାଂସଦ ତଥା ଅଭିନେତା ଅନୁଭବ ମହାନ୍ତିଙ୍କୁ ଖୁଲମଖୁଲା ବିବାହ ପ୍ରସ୍ତାବ ଦେଇଥିଲେ । ଏନେଇ ଅନୁଭବ ମଧ୍ୟ ପ୍ରତିକ୍ରିୟା ରଖିଥିଲେ କି, ରାଣୀ ଜଣେ ଭଲ ବୋହୂ ଓ ସ୍ତ୍ରୀ ହୋଇପାରିବେ । ତେବେ ଅନୁଭବଙ୍କ ପ୍ରତିକ୍ରିୟା ପରେ ରାଣୀ ପଣ୍ଡା ପୁଣି ଥରେ ନିଜ ପ୍ରତିକ୍ରିୟା ରଖିଛନ୍ତି ।
ରାଣୀ କହିଛନ୍ତି, ଅନୁଭବ ବୋଧେ ମୋ ବିଷୟରେ ଜାଣିବାକୁ ଚେଷ୍ଟା କରିଛନ୍ତି, ଆଉ ଜାଣିବା ପରେ ମୋତେ ନେଇ ମନ୍ତବ୍ୟ ଦେଇଛନ୍ତି ଶୁଣିକି ଭାରି ଖୁସି ଲାଗିଲା । ଅନୁଭବ ଯଦି ସତରେ ତାଙ୍କୁ ଗ୍ରହଣ କରନ୍ତି ତେବେ ସେ ବାଲିଯାତ୍ରା ପଡିଆ ବୁକିଂ କରିବେ ଆଉ ତିନିଦିନ ଯାକ ଗରିବ ଲୋକ ଖାଇବେ । ଅନୁଭବଙ୍କ ଏ ପର୍ଯ୍ୟନ୍ତ ଡିଭୋର୍ସ ହେଇନି । ଡିଭୋର୍ସ ହେଲା ପରେ ମୁଁ ତାଙ୍କ ଉପରେ ନଜର ପକେଇବି, ଏବେ ଅପେକ୍ଷାରେ ଅଛି ବୋଲି କହିଛନ୍ତି ରାଣୀ ।
ଯଦି ବର୍ଷାଙ୍କୁ ମୋ କଥା ଖରାପ ଲାଗୁଛି ତେବେ ସେ ନିଜ ଭୁଲ ସୁଧାରନ୍ତୁ ଓ ଭୁଲ ସ୍ଵୀକାର କରି ସବୁଦିନ ପାଇଁ ଅନୁଭବଙ୍କ ପାଖକୁ ପଳେଇ ଆସନ୍ତୁ । ସେ ଯଦି ସ୍ଲୋ ପଏଜନ ତେବେ ମୁଁ ବମ୍ । ମୋ ସାଙ୍ଗେ ଲାଗିବେ ଯଦି କେଉଁଠି ଉଡିକି ପଡିବେ । ଏବେ ସେ ବିଜେଡିର ପ୍ରଚାର ପାଇଆନ ବହୁତ ଯାଉଛନ୍ତି ।
ଅନୁଭବଙ୍କୁ ହଟେଇକି ନିଜେ ବିଜେଡିରେ ପଶିବାର ବୋଧେ ପ୍ଳାନ ଅଛି । ସମସ୍ତେ ଜାଣିଛନ୍ତି ତାଙ୍କ ପ୍ଳାନ । ରାଣୀ ଆହୁରି କହିଛନ୍ତି କି, ମୁଁ ସବୁବେଳେ ଅନୁଭବଙ୍କୁ ସମର୍ଥନ କରି ଆସିଛି ଆଉ ଆଗକୁ ବି କରିବି । ଯଦି ବର୍ଷାଙ୍କୁ ଭଲ ଲାଗୁନି କି ତାଙ୍କ ପାରିବାରିକ ଓ ବ୍ୟକ୍ତିଗତ ମାମଲାରେ ମୁଁ ବା ଆଉ କିଏ କହୁ ବୋଲି ତେବେ ସେ ପୂର୍ବରୁ ମୁଁ ଯାହା କହିଛି ତାହା ସେ କରନ୍ତୁ ସବୁଠୁ ଭଲ ହେବ ।
ଏହାସହ ନୂଆବର୍ଷରେ ଓଡିଶାବାସୀଙ୍କ ପାଇଁ ମଙ୍ଗଳ କାମନା କରିଛନ୍ତି ଅଭିନେତ୍ରୀ ରାଣୀ ପଣ୍ଡା । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।