ଆଜି ଆମେ ବିବାହ ସମ୍ବନ୍ଧିତ କିଛି ଶାସ୍ତ୍ର ଲିଖିତ ଅନୁଚିନ୍ତା ବିଷୟରେ ଜାଣିବା । ବିବାହ ହେଉଛି ଆଠ ପ୍ରକାରର । ଯଥା- ବ୍ରହ୍ମ, ଦୈବ, ଆର୍ଷ, ପ୍ରଜାପତ୍ୟ, ଆସୁର, ଗାନ୍ଧର୍ବ୍ୟ, ରାକ୍ଷସ ଓ ପୈଶାଚ । ବର ଠାରୁ ଧନ ନେଇ ତାକୁ କନ୍ୟା ବିବାହ ଦେଲେ ଏହାକୁ ଆସୁର ବିବାହ କୁହାଯାଏ । ନିଜ ଇଚ୍ଛାରେ ବର କନ୍ୟା ବିବାହ କଲେ ଏହାକୁ ଗାନ୍ଧର୍ବ୍ୟ ବିବାହ କୁହାଯାଏ । କନ୍ୟା ପିତା ଠାରୁ କନ୍ୟାକୁ ଛଡେଇ ଆଣି ବିବାହ କେଲ ତାକୁ ରାକ୍ଷସ ବିବାହ କୁହାଯାଏ ।
ବରକୁ ନିଜ ଘରକୁ ନିମନ୍ତ୍ରଣ କରି ଆଣି ଯଥା ଶକ୍ତି କନ୍ୟାକୁ ଅଳଙ୍କୃତ କରି ବିବାହ ଦେଲେ ତାଙ୍କ ଠାରୁ ଉତ୍ପନ୍ନ ପୁତ୍ର ଉଭୟ କୁଳର ଏକୋଇଶ ପୁରୁଷ ଉଦ୍ଧାର କରେ । ବାଟୁଳ। ପତିତ, କୁଷ୍ଠ ରୋଗୀ, ନପୁଂସକ, ନିଜଗୋତ୍ର ରେ ଜାତ, ଅନ୍ଧ, ବଧିର ଓ ଅପ୍ସସ୍କାର ରୋଗୀକୁ କନ୍ୟା ଦେବା ଅନୁଚିତ । ବରର କୁଳ, ସ୍ଵଭ୍ବ, ବୟସ, ରୂପ, ବିଦ୍ୟା, ଡ଼ିଏଚଏନ ଓ ପିତ୍ରାଦିର ସହାୟତା ଗୁଣ ପରୀକ୍ଷା କରି କନ୍ୟା ଦାନ କରିବା ଉଚିତ ।
ଯେଉଁ ପୁରୁଷର ଗୃହ ଓ ଗ୍ରୀବା ସୁଦୃଢ ହୋଇଥିବ, ଶୁକ୍ର ଗାଢ ହୋଇଥିବ, ମୁତ୍ର ଶବ୍ଦ ଓ ଫେଣଯୁକ୍ତ ହୋଇଥିବ ତାକୁ ଉତ୍ତମ ଲକ୍ଷଣଯୁକ୍ତ ପୁରୁଷ କୁହାଯାଏ । ବର ମାତାର ନାମ କନ୍ୟା ନାମ ସମାନ ହେଲେ ସେଠାରେ ବିବାହ ଦେବା ଅନୁଚିତ, ଏହା ଦୋଷାବହ ହୋଇଥାଏ ।
କେଉଁ କନ୍ୟା ଲଜ୍ଜାହୀନ, ସ୍ଵଭାବ ଉଗ୍ର, ଦାନ୍ତ, ଅସୁନ୍ଦର, ଆଖି ଫିଙ୍ଗଳ ବର୍ଣ୍ଣ, ସର୍ବାଙ୍ଗ ଲୋମଯୁକ୍ତ ଓ କଟି ସ୍ଥୂଳ, ଏହିପରି କନ୍ୟା ବିବାହ ଯୋଗ୍ୟ ନୁହେଁ । ଯେଉଁ କନ୍ୟା ଶ୍ୟାମା, ଯାହାର କେଶ ଉତ୍ତମ, ଦେହ ଅଳ୍ପ ଲୋମଯୁକ୍ତ, ଭ୍ରୂଲତା ସୁନ୍ଦର, କରିତ୍ର ଉତ୍କୃଷ୍ଟ, ଗମନ ମନୋହର, ଦାନ୍ତ ସୁନ୍ଦର ଓ କଟି ଦମବୁରୁ ତୁଲ୍ୟ ସେ ବିବାହ ଯୋଗ୍ୟ । ସମାନ ପ୍ରକାର ଜାତ କନ୍ୟା, ଶିଷ୍ୟର ସନ୍ତତି, ଗୁରୁର ସନ୍ନତି ଏମାନଙ୍କ ସହିତ ବିବାହ ନିଷିଦ୍ଧ ଅଟେ ।
ବଡଭାଇ ବିବାହ ନହୋଇ ଥିଲେ ସାନ ଭାଇ ବିବାହ କଲେ ପତିତ ହୁଏ । ବଡଭାଇ ଯଦି ବିଦେଶରେ ଥାଆନ୍ତି, ଅତିରୋଗୀ, ଶାରୀରକ ଅକ୍ଷମ କିମ୍ବା ଚୋର ହୋଇଥାଏ ତେବେ ସାନ ଭାଇ ବିବାହ କରିପାରିବେ । ବଡ ଭଉଣୀ ଥାଉ ସାନ ଭଉଣୀର ବିବାହ ଶାସ୍ତ୍ର ନିଷିଦ୍ଧ ଅଟେ । ଏକା ବର୍ଷରେ ଦୁଇ ଭାଇ କିମ୍ବା ଦୁଇ ଭଉଣୀ ବିବାହ କରିବା ଅନୁଚିତ ।
ଛ’ ମାସ ମଧ୍ୟରେ ବିବାହ କଲେ କନ୍ୟା ତିନି ବର୍ଷରେ ବିଧବା ହୁଏ । ମାମୁଁର ଝିଅ, ମାତୃ କୁଳରେ ଜାତ ହୋଇଥିବା କନ୍ୟା ଓ ସମାନ ପ୍ରବରରେ ଜନ୍ମିତ କନ୍ୟା ସହିତ ବିବାହ ନିଷିଦ୍ଧ ଅଟେ । ଭିନ୍ନ ଭିନ୍ନ ମାତା ଠାରୁ ଜା ହୋଇଥିବା ସନ୍ତାନ ଏକ ଦିନରେ ଓ ଏକା ମଣ୍ଡପରେ ବିବାହ କରିପାରିବେ ।
ବିବାହ ଆରମ୍ଭ ପୂର୍ବରୁ ଅଶୌଚ ଘାତିଳେ କର୍ମ ବନ୍ଦ ହେବା ଉଚିତ । ବିବାହ ସମୟରେ କନ୍ୟା ଋତୁମତି ହେଲେ ତାକୁ ସ୍ନାନ କରାଇ ସଂସ୍କାର କରି ବିବାହ କରାଇବା ଉଚିତ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।