କୁଲି ନଂ 35 ହିଁ ବ୍ରହ୍ମପୁର ରେଳ ଷ୍ଟେସନରେ ତାଙ୍କର ଏକମାତ୍ର ପରିଚୟ । କୁଲି କହି ଡାକି ନେଇ ବୋଝ ବୋହିବା ପାଇଁ କିଛି ଟଙ୍କା ପାଉଣା ଦିଅନ୍ତି ଲୋକେ । ହେଲେ ସେ ଖୁସିରେ ପେଟ ଓ ପ୍ଲାଟଫର୍ମ ମଧ୍ୟରେ 35 ନଂର ପରିଚୟ ସମସ୍ତଙ୍କ ବୋଝକୁ ମୁଣ୍ଡେଇ ଆଗେଇ ଚାଲିଛନ୍ତି ଏହି ନାଲି ସାର୍ଟ ପିନ୍ଧା ଯୁବକ । ତାଙ୍କର ପୁରା ନାମ ହେଉଛି ଏସଏଚ ନାଗେଶ ପାତ୍ର ତଥା ବ୍ରହ୍ମପୁର ରେଳ ଷ୍ଟେସନର କୁଲି ନଂ 35 । ତେବେ ରାତିରେ କୁଲି ସାଜୁଥିବା ଏହି ଯୁବକ ଦିନରେ ଜଣେ ଶିକ୍ଷକ ହୋଇଯାନ୍ତି ।
ଦିନରେ କୁନି କୁନି ପିଲାଙ୍କୁ ବିଦ୍ୟା ବାଣ୍ଟନ୍ତି ଓ ରାତିରେ ସହରଯାକ ଲୋକଙ୍କ ବୋଝ ବୁହନ୍ତି । କୁକୁଡାହାଣ୍ଡି ବ୍ଲକର ମନୋହର ଗାଁରେ ନାଗେଶଙ୍କ ଘର । ମା ଘରଣୀ ହୋଇଥିବା ବେଳେ ବାପା ଜଣେ ଦିନ ମଜୁରିଆ । 2006 ରେ ଦଶମରେ ପଢୁଥିବା ବେଳେ ପାଠ ଛାଡି ହଠାତ ସୁରାଟ ଚଳାଇ ଯାଇଥିଲେ ନାଗେଶ । ଦୁଇ ବର୍ଷ ସୂତାକାଳରେ କାମ କରିବା ପରେ ସେ ହାଇଦ୍ରାବାଦ ଚାଲି ଆସିଥିଲେ । ହେଲେ ସେଠାରେ ବି କାମରେ ବେଶୀଦିନ ମନ ଲାଗିଲାନି ।
ଭାଗ୍ୟକୁ 2011 ରେ ବ୍ରହ୍ମପୁର ରେଳ ଷ୍ଟେସନରେ କୁଲି କାମ ବାହାରିଲା । ଟେଷ୍ଟରେ ପାସ୍ ହେବା ପରେ ସେବେଠୁ ସଞ୍ଜ ହେଲେ କୁଲି ନଂ 35 ପାଲଟିଯାନ୍ତି ନାଗେଶ । ଆଉ ସକାଳ ହେଲେ ସେ ବନିଯାନ୍ତି ଜଣେ ସାହିତ୍ୟ ଶିକ୍ଷକ । ତେବେ କୁଲି କାମ କରୁଥିବା ବେଳେ ବୋଝ ବୋହିବା ସହ ପୁଣି ଥରେ ପାଠପଢା ଆରମ୍ଭ କରି ଦେଇଥିଲେ ନାଗେଶ । 2012 ରେ ମାଟ୍ରିକ ଆଉ ତା’ପରେ +2 ଏବଂ +3 ପାସ୍ କରି ପିଜି ମଧ୍ୟ ପଢିଥିଲେ ।
ଏତିକିରେ ତାଙ୍କ ସେ ଅଟକି ଯାଇ ନଥିଲେ । ଗରିବ ପିଲାଙ୍କୁ ସାହାଯ୍ୟ କରିବା ପାଇଁ ସେ ଷ୍ଟୁଡେଣ୍ଟ ଏକାଡେମୀ ଖୋଲିଥିଲେ । ଯେଉଁଠି ସେ ଆଜି ବି 50 ରୁ 55 ପିଲାଙ୍କ କ୍ଯାରିୟର ଗଢୁଛନ୍ତି । ତାଙ୍କୁ ଯେଭଳି ଦଶମ ଶ୍ରେଣୀରେ ପାଠପଢା ଛାଡି ଦାଦନ ଖଟିବାକୁ ପଡିଲା ସେଭଳି ପରିସ୍ଥିତି ଆଉ କାହାସହ ନହେଉ । ସମୟ ଥାଉ ଥାଉ ପିଲାମାନେ ଯେପରି ଏକଥାକୁ ବୁଝିବେ ଆଉ ପାଠପଢାରେ ମନ ଦେବେ ସେଥିପାଇଁ ପ୍ରୟାସ ଜାରି ରଖିଛନ୍ତି ନାଗେଶ ।
ଗରିବ ପିଲାମାନେ ତାଙ୍କ ସୁବିଧା ଅନୁଯାୟୀ ବେତନ ଦେଇ ନାଗେଶଙ୍କ ପାଖେ ପାଠ ପଢୁଛନ୍ତି । ଜୀବନରେ ଅନେକ ସଂଘର୍ଷ ଦେଖିଥିବା ନାଗେଶ ନିଜ ପାଇଁ ସ୍ଵପ୍ନ ଦେଖିବା ସହ କୁନି କୁନି ପିଲାଙ୍କ ସ୍ଵପ୍ନକୁ ସାକାର କରିବାକୁ ଚେଷ୍ଟା ଜାରି ରଖିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।