ଆଉ ମାତ୍ର କେଇ ଦିନରେ ଅଷ୍ଟ୍ରେଲିଆରେ ହେବାକୁ ଥିବା ଟି-୨୦ ବିଶ୍ଵକପ ପାଇଁ ପ୍ରସ୍ତୁତି ଜୋରଦାର କରି ଦେଇଛନ୍ତି ବିଭିନ୍ନ ଦଳ । ଏଥିରେ ଭାଗ ନେବାକୁ ଥିବା ସମସ୍ତ ଦେଶର କ୍ରିକେଟ ଟିମ୍ ନିଜ ଦଳ ଘୋଷଣା କରି ସାରିଥିବା ବେଳେ ଟିମ୍ ଇଣ୍ଡିଆ ମଧ୍ୟ ନିଜର ୧୫ ଜଣିଆ ଦଳ ଘୋଷଣା କରିସାରିଛି । ଏହାସହ ଚାରିଜଣ ଅତିରିକ୍ତ ଖେଳାଳିଙ୍କୁ ମଧ୍ୟ ଷ୍ଟାଣ୍ଡବାଏରେ ରଖିଛି । କିନ୍ତୁ ଆହତ ସମସ୍ଯା ଭାରତ ପାଇଁ ଚିନ୍ତାର କାରଣ ପାଲଟିଛି । ଯାହା ଟି-୨୦ ବିଶ୍ଵକପ ପୂର୍ବରୁ ଦଳର ଚିନ୍ତାକୁ ଦ୍ଵିଗୁଣିତ କରିଦେଇଛି ।
କିନ୍ତୁ ଏହା ଭିତରେ ବି ଟିମ୍ ଇଣ୍ଡିଆ ପାଇଁ ଏକ ଖୁସି ଖବର ମଧ୍ୟ ରହିଛି । କାରଣ ଟି-୨୦ ବିଶ୍ଵକପ ପୂର୍ବରୁ ପୁଣି ଥରେ ନିଜ ସ୍ୱାର୍ଡ ବଦଳାଇବା ପାଇଁ ଟିମ୍ ପାଖରେ ସୁଯୋଗ ରହିଛି । ଆଉ ଟିମ୍ ରେ ଯଦି ପରିବର୍ତ୍ତନ ହୁଏ ତେବେ କାହାକୁ ନିଆଯିବ ତାକୁ ନେଇ ଚାଲିଛି ଚର୍ଚ୍ଚା । ଏନେଇ ଆଇସିସି ର ନିୟମ ମୁତାବକ ଆସନ୍ତା ଅକ୍ଟୋବର ୯ ତାରିଖ ପର୍ଯ୍ୟନ୍ତ ପ୍ରତିଟି ଟିମ୍ ନିଜ ସ୍ୱାର୍ଡରେ ପରିବର୍ତ୍ତନ କରିପାରିବେ । ଆଉ ସୁପରବାର୍ ପର୍ଯ୍ୟାୟରେ ରହିଥିବା ଦଳ ଗୁଡିକ ପାଇଁ ଏହି ସମୟସୀମା ୧୫ ଅକ୍ଟୋବର ପର୍ଯ୍ୟନ୍ତ ରଖାଯାଇଛି ।
ଆଉ ଏହି ସୁପରବାର୍ ଟିମ୍ ମଧ୍ୟ ଭରତ ମଧ୍ୟ ସାମିଲ ଅଛି । ତେଣୁ ଟିମ୍ ଇଣ୍ଡିଆ ପାଖରେ ମଧ୍ୟ ସ୍କ୍ବାର୍ଡ ପରିବର୍ତ୍ତନ ପାଇଁ ୧୫ ଅକ୍ଟୋବର ପର୍ଯ୍ୟନ୍ତ ସମୟ ରହିଛି । ଏହାପରେ ଯଦି କୌଣସି ଦଳ ଟିମ୍ ରେ ପରିବର୍ତ୍ତନ କରିବାକୁ ଚାହିଁବେ ତେବେ ଆଇସିସି ଠାରୁ ସ୍ଵତନ୍ତ୍ର ଅନୁମତିର ଆବଶ୍ୟକ ପଡିବ । ଯେହେତୁ ଟି-୨୦ ବିଶ୍ଵକପ ପାଇଁ ଆହୁରି କିଛିଦିନ ବାକି ଅଛି ତନୁ ଘୋଷଣା ହୋଇଥିବା ଦଳରେ ଭାରତ ପରିବର୍ତ୍ତନ କରିପାରେ ବୋଲି ଆଶା କରାଯାଉଛି ।
ଆହତ ସମସ୍ଯା ଯୋଗୁଁ ପୂର୍ବରୁ ଅଲରାଉଣ୍ଡର ରବୀନ୍ଦ୍ର ଜାଡେଜା ଦଳରୁ ବାଦ ପଡିଛନ୍ତି । ସେହିପରି ବିଶ୍ଵକପ ଦଳରେ ସାମିଲ ଥିବା ଦୀପକ ହୁଡା ମଧ୍ୟ ଆହତ ଅଛନ୍ତି । ସେହିପରି ବୋଲର ଯଶପ୍ରୀତ ବୁମରାହ ମଧ୍ୟ ଟିମ୍ ରୁ ବାଦ୍ ପଡିବା ନେଇ ଏବେ ଆଶଙ୍କା ରହିଛି । କାରଣ ଦକ୍ଷିଣ ଆଫ୍ରିକା ବିପକ୍ଷ ପ୍ରଥମ ଟି-୨୦ ମ୍ଯାଚରେ ବୁମରାହଙ୍କୁ ଚୁଡାନ୍ତ ଏକାଦଶରେ ସାମିଲ କରା ଯାଇନାହିଁ । ତେଣୁ ବୁମରାହ ମଧ୍ୟ ଆହତ ସମସ୍ଯାରୁ ପୁରା ମୁକୁଳି ନଥିବା ନେଇ ଆଶଙ୍କା ପ୍ରକାଶ ପାଇଛି ।
ତେବେ ଆଗକୁ ଯଦି ଟିମ୍ ଇଣ୍ଡିଆ ନିଜ ଦଳରେ ପରିବର୍ତ୍ତନ କରେ ତେବେ ଷ୍ଟାଣ୍ଡବାଏରେ ଥିବା ଚାରିଜଣ ଖେଳାଳିଙ୍କ ମଧ୍ୟରୁ କାହାକୁ ଏଣ୍ଟ୍ରି ମିଳିପାରେ । ଘୋଷିତ ଦଳରେ ମହମ୍ମଦ ଶାମି, ଶ୍ରେୟାଶ ଆୟର, ରବି ବିଷ୍ନୋଇ ଏବଂ ଦୀପକ ଚହର ଷ୍ଟାଣ୍ଡବାଏରେ ଅଛନ୍ତି ।
ଦକ୍ଷିଣ ଆଫ୍ରିକା ବିପକ୍ଷ ପ୍ରଥମ ମ୍ଯାଚ ଦୀପକ ଚହରଙ୍କ ଦମଦାର ପ୍ରଦର୍ଶନ ଯୋଗୁଁ ତାଙ୍କୁ ବିଶ୍ଵକପ ଦଳରେ ସୁଯୋଗ ମିଳିପାରେ । ସେହିପରି ସଞ୍ଜୁ ଶାମସନ ଓ ଇଶାନ କିଶାନଙ୍କୁ ନେଇ ମଧ୍ୟ ଚର୍ଚ୍ଚା ହେଉଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।