ଜଣେ ମା’ ଭୀଷଣ ଗର୍ଭ ଯନ୍ତ୍ରଣା ସହି ଛୁଆକୁ ଜନ୍ମ ଦେବେ ଆଉ ଜଣେ ମା’ ଛୁଆ ଧରି ଛୁଆ ମାରିବେ ! ଡାକ୍ତର, ନର୍ସ ଓ ହସ୍ପିଟାଲ କର୍ମଚାରୀଙ୍କ ଉପସ୍ଥିତିରେ ମହିଳା କେମିତି ଛୁଆ ଚୋରି କଲେ ! ଗରିବ ଲୋକଙ୍କ ଏକମାତ୍ର ଭରସା କଟକ ବଡ ମେଡିକାଲକୁ ଆଉ ଭରସା ପାଉନି । କଟକ ପ୍ରତାପନଗରୀ ଅଞ୍ଚଳର ସ୍ଵିଟି ରାଉତ, ଅନ୍ୟଜଣେ ମହିଳାଙ୍କ ପିଲାକୁ ଚୋରି କରି ନେଇଥିଲେ । ଆଉ ଛୁଆ ଫେରାଇବା ସମୟରେ କହିଥିଲେ ଏକ କାହାଣୀ ।
କହିଥିଲେ କି କଟକ ବଡ ମେଡିକାଲରେ ସେ ପୁତ୍ର ସନ୍ତାନକୁ ଜନ୍ମ ଦେଇଥିଲେ । ହେଲେ ଭୁଲରେ ପୁଅ ବଦଳରେ ସେ ଝିଅକୁ ଧରି ଚାଲି ଯାଇଥିଲେ । ଆପଣ ଜାଣିଲେ ଆହୁରି ଆଶ୍ଚର୍ଯ୍ୟ ହେବେ ଉକ୍ତ ମହିଳାଆଣକ ସ୍ୱାସ୍ଥ୍ୟ ପରୀକ୍ଷା ପରେ ଜଣାପଡିଲା କି, ସେ କୌଣସି ସନ୍ତାନ ଜନ୍ମ ଦେଇନାହାନ୍ତି । କେବଳ ହାତରେ ଡିସଚାର୍ଜ ସାର୍ଟିଫିକେଟ ଗୋଟେ ଧରି ପୋଲିସକୁ ଭୁଆଁ ବୁଲାଇବାକୁ ଚେଷ୍ଟା କରିଥିଲେ । କଟକ ବଡ ମେଡିକାଲରୁ ଛୁଆ ଚୋରି ହେବା ପରେ ପ୍ରଶ୍ନ ଉଠୁଛି ୱାର୍ଡରୁ ଛୁଆ କେମିତି ଚୋରି ହେଲା ?
ଡାକ୍ତର ଓ ହସ୍ପିଟାଲ କର୍ମଚାରୀଙ୍କ ଉପସ୍ଥିତିରେ ଜଣେ ମହିଳା ଛୁଆ ଚୋରି ବେଳେ ଅଥଚ କେହି କେମିତି ଜାଣି ପାରିଲେନି ! ରାତିପାହିଲେ ଦୂରଦୂରାନ୍ତରୁ ହଜାର ହଜାର ରୋଗୀ କଟକ ବଡ ମେଡିକାଲକୁ ଆସିଥାନ୍ତି । ଯଦି ସେଠାରେ ଏମିତି କେହି ଆସି ଆଖିରେ ଆଙ୍ଗୁଠି ଗେଞ୍ଜି ଛୁଆ ଚୋରି କରିନେବେ ତେବେ ଲୋକେ କାହା ଉପରେ ଭରସା କରିବେ ?
ପ୍ରଥମେ ଛୁଆ ଚୋରି ଖବର ସାମ୍ନାକୁ ଆସିବା ପରେ ପୋଲିସ ସେଠାରେ ଉପସ୍ଥିତ ହୋଇ ତଦନ୍ତ ଆରମ୍ଭ କରିଥିଲା । ଏହି ସମୟରେ ପ୍ରତାପନଗରୀ ଅଞ୍ଚଳର ସ୍ଵିଟି ରାଉତ ସେଠାରେ ଆସି ପହଞ୍ଚିଥିଲା । ତା’ର ଅଭିଯୋଗ ଥିଲା କି, ସେ ଗୋଟେ ପୁତ୍ର ସନ୍ତାନ ଜନ୍ମ ଦେଇଥିଲା । ହେଲେ ଭୁଲବଶତଃ ପୁଅ ବଦଳରେ ଶିଶୁ କନ୍ୟାକୁ ନେଇଯାଇଛି । ଏହାପରେ ସେ କେଉଁ ଦିନ ଆଡମିଶନ ହେଲେ ଓ କେବେ ପିଲା ଜନ୍ମ ହେଲା ସବୁ କଥା ତାଙ୍କୁ ପଚରା ଯାଇଥିଲା । ହେଲେ ତା’ କଥା ଅନୁଯାୟୀ ହସ୍ପିଟାଲ ରେକର୍ଡ ମେଳ ଖାଇ ନଥିଲା ।
ଶେଷରେ ଧରା ପଡିଥିଲା କି ସେ ଛୁଆଟାକୁ ଲୁଚେଇକି ହସ୍ପିଟାଲରୁ ନେଇଛି ଓ ଚୋରିକୁ ଘୋଡାଇବା ପାଇଁ ଏଭଳି କାହାଣୀ କହୁଛି । ତେବେ ଏହା ପୂର୍ବରୁ ମଧ୍ୟ ବଡ ମେଡିକାଲରେ ଏଭଳି ଅନେକ ଘଟଣା ଘଟିଛି । ତେଣୁ ଏନେଇ ହସ୍ପିଟାଲ କତ୍ତୃପକ୍ଷଙ୍କୁ ସତର୍କ ରହିବା ଆବଶ୍ୟକ ରହିଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।