ପତ୍ନୀ ବର୍ଷା ପ୍ରିୟଦର୍ଶିନୀଙ୍କ ଏକ ପୁରୁଣା ଅଡିଓ କଲ୍ କୁ ନେଇ ସୋସିଆଲ ମିଡିଆରେ ବର୍ଷାଙ୍କୁ ସିଧାସଳଖ ପ୍ରଶ୍ନ କରିଛନ୍ତି ସାଂସଦ ଅନୁଭବ ମହାନ୍ତି । ଅନୁଭବ ବର୍ଷାଙ୍କୁ ପଚାରିଛନ୍ତି, ‘କି ବର୍ଷା ତୁମେ କୁହ ଏ ସ୍ଵର କାହାର ? ଫୋନରେ ତୁମେ ଓ ତୁମ ଭଉଣୀ ମୋ ପରିବାର ବିରୁଦ୍ଧରେ କଣ ଏମିତି କଥା ହେଉଥିଲା ?” ଦୁଇ ବର୍ଷ ତଳର ଏହି ପୁରୁଣା ଅଡିଓ କ୍ଲିପକୁ ନେଇ ପ୍ରଶ୍ନ ଉଠାଇଛନ୍ତି କେନ୍ଦ୍ରପଡା ସାଂସଦ ଅନୁଭବ ମହାନ୍ତି ।
ପତ୍ନୀ ବର୍ଷା ପ୍ରିୟଦର୍ଶିନୀଙ୍କ ସହ ତାଙ୍କର ବିବାହ ବିଚ୍ଛେଦ ମାମଲା କୋର୍ଟରେ ବିଚାରାଧୀନ ଥିବାବେଳେ ଟ୍ଵିଟରରେ ଏଭଳି ଏକ ପୋଷ୍ଟ କରିଛନ୍ତି ଅନୁଭବ । ଯେଉଁଥିରେ ବର୍ଷା ଏବଂ ତାଙ୍କ ଭଉଣୀ ବନାନୀ ସାହୁ କିଛି କଥା ହେଉଥିବା ଶୁଣିବାକୁ ମିଳୁଛି । ତେଣୁ ଟ୍ବିଟରରେ ଅଡିଓ ଲିଙ୍କ ପୋଷ୍ଟ କରି ବର୍ଷାଙ୍କୁ ଜବାବ ମାଗିଛନ୍ତି ଅନୁଭବ । ଅନୁଭବ ଲେଖିଛନ୍ତି, “ତୁମ ଛବିକୁ କଳଙ୍କିତ କରିବା ମୋର ଉଦ୍ଦେଶ୍ୟ ନୁହେଁ । ମୁଁ ତୁମକୁ ସମ୍ମାନ ଦିଏ ।
ଗୋଟିଏ ଅଡିଓ ମୋତେ ଓ ମୋ ପରିବାରକୁ ଅପମାନିତ କରିବା ସହ ମାନସିକ ଯନ୍ତ୍ରଣା ଦେଉଛି । ଜଣେ ବନ୍ଧୁ ଭାବେ ମୁଁ ଏହି ଟ୍ବିଟ କରୁଛି । ମୋତେ ଉତ୍ତର ଦିଅ ।” ୨୦୨୨ ମସିହାର ଏହି ଭାଇରାଲ ଅଡିଓ କ୍ଲିପର ତଦନ୍ତ ପାଇଁ ଡିଜିପିଙ୍କୁ ଚିଠି ଲେଖିଥିଲେ ଅନୁଭବ । ଅଡିଓରେ ବର୍ଷା ତାଙ୍କ ଭଉଣୀଙ୍କୁ କହୁଥିବା ଶୁଣିବାକୁ ମିଳୁଛି କି, ମୁଁ କଲ୍ ରେକର୍ଡ ଅଡିଓ ସବୁ ଡ଼ିଲିଟ କରିଦେଇଛି । ସାହୁ ସିଷ୍ଟର୍ସରେ ତା’ର ଡାଉଟ ଥାଏ ନା, ତାକୁ ବି ଡ଼ିଲିଟ କରିଦେଇଛି । ଭାଗ୍ୟ ଭଲ ମୋତେ ଆଜି ତୁମେ ବଢିଆ ମେସେଜଟିଏ ଦେଇଛ ।
ଆଉ ବାକି ଛୋଟ ମୋଟ ସବୁ ଚାଟ ବି ଡ଼ିଲିଟ କରିଦେଇଛି । ସବୁ ବୁଦ୍ଧି ଲଗେଇ କରିଦେଇଛି ନା ଆଉ । ଏହାସହ ବର୍ଷା ଅନୁଭବଙ୍କୁ ନେଇ ମଧ୍ୟ କହୁଛନ୍ତି, ମୁଁ ମାମିଙ୍କ ପାଖେ କଥା ହେଉଥିଲି ସେତେବେଳେ ସେ ଆସିଲା ହେଲେ ମୁଁ ତା’ ସହ ଜମାବି କଥା ହେଲିନି । ଆଉ ମାମିଙ୍କୁ କହିଲି, ମାମି ଭାବିଲ ଯଦି ଏଇଟା ନ୍ଯୁଜରେ ଆସିବ ତେବେ ସବୁ ହଲଚଲ ହୋଇଯିବ । ଆଉ ତା’ର ପଦବୀ ଫଦବୀ ସବୁ ପଳେଇବ । ତା; ପରେ ଆମେ ଖାଉଛୁ ସେ ଷଣ୍ଢ ଭଳିଆ ଏଣ୍ଟ୍ରି ମାରିଲା ।
ଆଉ ମୋତେ ଯେମିତି ଦେଖିଲା ମୁହଁ ବୁଲେଇ ଦେଇ ପଳେଇଲା । ମୁଁ କହିଲି, ଶୁଣ ଆଉ କେବେ ଚିହ୍ନିବ ତୁମେ ବାପ ପୁଅ ଦୁଇଜଣ ମୋତେ ! ଏହିଭଳି ଅନେକ ସନ୍ଦେହଜନକ କଥା ବର୍ଷା ହେଉଥିବାର ଶୁଣିବାକୁ ମିଳିଛି ଅଡିଓ ରେକର୍ଡରେ । ତେବେ ଦେଖାଯାଉ ଆଗକୁ ଅନୁଭବଙ୍କୁ କଣ ଜବାବ ଦେଉଛନ୍ତି ବର୍ଷା । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।