ଗ୍ରୁପ-ସି ଠିକା କର୍ମଚାରୀଙ୍କ ଦରମା ଯେତିକି, ନେତାଙ୍କ ଗାଡିରେ ତା’ଠାରୁ ଅଧିକ ଟଙ୍କାର ପେଟ୍ରୋଲ ପଡୁଥିବ । ଗ୍ରାଜୁଏଟ କରିଥିବା କର୍ମଚାରୀ ମାତ୍ର ୯ ହଜାରରେ ଖଟୁଥିବା ବେଳେ ମାଟ୍ରିକ ଫେଲ୍ ନେତା ମନ୍ତ୍ରୀ ପାଉଛନ୍ତି ଲକ୍ଷ ଲକ୍ଷ ଦରମା । ବିହାରରେ ପିଅନଙ୍କ ଦରମା ଠାରୁ ବି ଓଡିଶାରେ ଠିକ କର୍ମଚାରୀଙ୍କ ଦରମା କମ୍ । ବର୍ଷା ପାଗରେ କିଏ ଘରେ ଚିକେନ କଷୁଛି ତ ଆଉ କିଏ ପକୁଡି ଖାଇ ମସ୍ତରେ ଶୋଇଛି । ନେତା ମନ୍ତ୍ରୀ ବି ହୁଏତ ଘରେ ବସି ବର୍ଷାର ମଜା ନେଉଥିବେ ।
ହେଲେ କୋଟି କୋଟି ସଫଳ ବ୍ୟକ୍ତିଙ୍କୁ ଗଢିଥିବା ଶିକ୍ଷକମାନେ ବର୍ଷାରେ ଭିଜି ନିଜ ହକ୍ ପାଇଁ ଲଢୁଛନ୍ତି । ୬ ବର୍ଷ ଚୁକ୍ତି ଭିତ୍ତିକ ଚାକିରି ବିରୋଧରେ ଏକତ୍ର ହୋଇ ଠିକା କର୍ମଚାରୀମାନେ ସଂଘର୍ଷ କରୁଛନ୍ତି । ବିଧାୟକଅଙ୍କ ଦରମା ନେଇ ଚର୍ଚ୍ଚା ହେଉଛି ହେଲେ ସ୍କୁଲରେ ଖଟୁଥିବା ଏହି ଶିକ୍ଷକଙ୍କ କଥା କିଏ ବୁଝୁଛି ! କେତେ କେତେ ନେତା, ମନ୍ତ୍ରୀ, ସଚିବ ଓ ସରକାରୀ କର୍ମଚାରୀ ସମସ୍ତେ କୌଣସି ନା କୌଣସି ସ୍କୁଲରୁ ପାଠପଢି ଆସିଥିବେ ।
ଆଉ ଆଜି କିଏ ୫୦ ହଜାର ତ ଆଉ କିଏ ଲକ୍ଷେ ଦରମା ପାଉଛନ୍ତି । ହେଲେ ଗୁରୁଦକ୍ଷିଣା ଦେବାକୁ ଏମାନେ ଭୁଲି ଯାଇଛନ୍ତି । ଓଲଟା ଗୁରୁମାନଙ୍କୁ ଅପଦସ୍ତ କରୁଛନ୍ତି । ୬ ବର୍ଷ ଧରି ଖଟିବା ପରେ ବି ହାତରେ କିଛି ନାହିଁ ଆଉ ଆନ୍ଦୋଳନ ସତ୍ତ୍ୱେ ବି ସରକାର ଶୁଣୁନାହାନ୍ତି ।
ଅନ୍ୟ କୌଣସି ରାଜ୍ୟରେ ଏଭଳି ପ୍ରଥା ନଥିବା ବେଳେ ଓଡ଼ିଶାରେ କାହିଁକି ଏହା ପ୍ରଚଳିତ ରହିଛି ? ଏହି ଠିକା ପ୍ରଥା କେବେ ଉଚ୍ଛେଦ ହେବ । ସ୍ଥାୟୀ ଶିକ୍ଷକଙ୍କ ସହ ସମାନ ସମୟ କାମ କରି ଓ ସମାନ ପରିମାଣର କାମ କରି ମଧ୍ୟ ସେମାନଙ୍କୁ କମ୍ ଦରମା ଦିଆଯାଉଛି । ଏହାସହ ୬ ବର୍ଷର ଚାକିରି ପରେ ତାଙ୍କର ଚୁକ୍ତି ଖାରଜ ହୋଇଯାଉଛି ।
ଏସବୁ ପ୍ରଥା ଉଠାଇ ଅନ୍ୟ ଶିକ୍ଷକଙ୍କ ସହ ତାଙ୍କୁ ସମାନ ପ୍ରାପ୍ୟ ମିଳୁ ବୋଲି ଦାବି କରି ଢୁ ଢୁ ବର୍ଷାରେ ମଧ୍ୟ ରାଜ୍ୟର ଅନେକ ଶିକ୍ଷକମାନେ ଆନ୍ଦୋଳନରେ ସାମିଲ ହୋଇଥିବାର ଦେଖିବାକୁ ମିଳିଛି । ତେବେ ଦେଖାଯାଉ ସରକାର କେବେ ଏମାନଙ୍କ ଦୁଃଖ ବୁଝୁଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।