କଖଡି ବାସିନ୍ଦା ବିଜେବି କଲେଜ ଛାତ୍ରୀ ରୁଚିକା ମହାନ୍ତିଙ୍କ ମୃତ୍ୟୁ ମାମଲାକୁ ନେଇ ଏବେ ସାରା ଓଡିଶା ସରଗରମ ରହିଛି । ଏହି ମାମଲାରେ ସମସ୍ତେ କଲେଜ କତ୍ତୃପକ୍ଷଙ୍କୁ ଦାୟୀ କରୁଛନ୍ତି । ରାଗିଂ ରୋକିବା ପାଇଁ ଅନେକ ଆଣ୍ଟିରାଗିଂ ସେଲ ଓ ଅନ୍ଯାନ୍ଯ ବ୍ୟବସ୍ଥାମାନ ହୋଇଥିଲେ ମଧ୍ୟ ଏବେବି ଅନେକ କଲେଜରେ ଛାତ୍ର-ଛାତ୍ରୀମାନେ ରାଗିଂର ଶିକାର ହେଉଛନ୍ତି । ଯାହାର ଜ୍ଵଳନ୍ତ ଉଦାହରଣ ହେଉଛନ୍ତି ରୁଚିକା । ସେ ଅତ୍ୟନ୍ତ ମେଧାବୀ ଛାତ୍ରୀ ଥିଲେ ଓ ୟୁପିଏସସି ଦେବାର ସ୍ଵପ୍ନ ଦେଖୁଥିଲେ ।
କିନ୍ତୁ କଲେଜ ସିନିୟରଙ୍କ ରାଗିଂ ଆଜି ତାଙ୍କୁ ଜୀବନ ହରିବାକୁ ବାଧ୍ୟ କରିଛି । ଯାହା ସେ ନିଜ ସୁଇସାଇଡ ନୋଟରେ ସ୍ପଷ୍ଟ ଭାବେ ଲେଖିଛନ୍ତି । ଏହାକୁ ନେଇ ଏବେ ଚାରିଆଡେ ଆନ୍ଦୋଳନ ମଧ୍ୟ ଦେଖାଯାଉଛି । ତେବେ ଏନେଇ ରମାଦେବୀ କଲେଜର ଜଣେ ଛାତ୍ରୀ ନିଜ ମନ୍ତବ୍ୟ ରଖିଛନ୍ତି । ସେ କହିଛନ୍ତି କି ଏଭଳି ଚରମ ପଦକ୍ଷେପ ପୂର୍ବରୁ ବାପାମା’ଙ୍କୁ ଆଖିରେ ରଖ । ୟୁପିଏସସି ଭଳି ବଡ ବଡ ସ୍ଵପ୍ନ ଯଦି ଦେଖୁଛ ତେବେ ହୃଦୟକୁ ଏତେ ନରମ କାହିଁକି ରଖୁଛ ।
ଆମକୁ କେହି କିଛି କହିଦେବ ଆଉ ଆମେ ସୁଇସାଇଡ କରିଦେବା ଏଇଆ ଜୀବନ ନୁହେଁ । ରୁଚିକା ନିଜ ସୁଇସାଇଡ ନୋଟରେ ତିନିଜଣ ସିନିୟରଙ୍କ ପାଇଁ ଜୀବନ ହାରୁଛି ବୋଲି ଲେଖିଛନ୍ତି । କିନ୍ତୁ ସେ ଯଦି ସେହି ତିନିଜଣଙ୍କ ନାମ ଲେଖିଥାନ୍ତେ ତେବେ ମରିବା ପୂର୍ବରୁ ହୁଏତ କିଛି ସାହସିକତାର କାମ କରିଥାନ୍ତେ ବୋଲି କହିଛନ୍ତି ଛାତ୍ରୀଜଣକ । ଆମ ଜୀବନରେ ଆମେ ବହୁତ ସ୍ଵପ୍ନ ଦେଖୁଛୁ କିନ୍ତୁ ବଞ୍ଚିବାକୁ ହେଲେ ଏତେ ବି କୋମଳ ହୃଦୟ ରଖିବା ଉଚିତ ନୁହେଁ ।
ଆତ୍ମହତୟଆ ସବୁଠାରୁ ଏକ ଖରାପ ଜିନିଷ ବୋଲି ଛାତ୍ରୀ କହିଛନ୍ତି । ଖାସ କରି ଆଜିକାଲି ଦୁନିଆରେ ବିଲକୁଲ ମଧ୍ୟ ସରଳ ହେବା ଉଚିତ ନୁହେଁ । ଯିଏ ଦୟା ଓ ସମ୍ମାନ ପାଇବାର ପାତ୍ର ତାଙ୍କୁ ହିଁ ଦୟା ଓ ସମ୍ମାନ ଦେଖାଅ । ଯଦି ଜଣେ ସିନିୟର ଜୁନିୟରଙ୍କ ସହ ଭଲ କରୁନି ତେବେ ସେ ମଧ୍ୟ ଜୁନିୟର ଠାରୁ ସେଇଆ ଆଶା କରିବା କଥା ନୁହେଁ । ପାଠପଢା ପ୍ରେସର, ଘରର ଚିନ୍ତା ଓ ସାଙ୍ଗସାଥିଙ୍କ ସହ ଛୋଟମୋଟ ମନୋମାଳିନ୍ୟ ସମସ୍ତଙ୍କ ଜୀବନରେ ଅନେକ ଚିନ୍ତା ରହିଥାଏ ।
ତା’ ଉପରେ ସିନିୟରଙ୍କ ଟର୍ଚର ଯୋଗୁଁ ରୁଚିକା ସେତେ ମାନସିକ ପ୍ରେସରରେ ଥିବ ତଥାପି ସୁଇସାଇଡ କରିବା ଏହାର ସମାଧାନ ନୁହେଁ ବୋଲି ସେ କହିଛନ୍ତି । ସେ ଆହୁରି ମଧ୍ୟ କହିଛନ୍ତି କି ତାଙ୍କ ସହ ତ କେବେ ରାଗିଂ ହୋଇନି କିନ୍ତୁ ରାଗିଂ ହେଲେ ସେ ବି ଛାଡିବା ପିଲା ନୁହନ୍ତି । ଛାତ୍ରୀଙ୍କ ଏଭଳି ମନ୍ତବ୍ୟ ନେଇ ଆପଣଙ୍କ ମତ କଣ ଆମକୁ କମେଣ୍ଟ କରି ଜଣାନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।