ପୂର୍ବତନ ବିଜେଡି ବିଧାୟକ ପ୍ରଦୀପ ମହାରଥୀଙ୍କୁ ପିପିଲି ଗଡର ମହାରଥୀ ବୋଲି କୁହା ଯାଉଥିଲା । ତାଙ୍କ ରାଜନୀତି କାଳ ମଧ୍ୟରେ ସେ ପିପିଲିରେ ରାଜ୍ କରୁ ଆସୁଥିଲେ । ତାଙ୍କ ପରେ ଗତ ନିର୍ବାଚନରେ ତାଙ୍କ ସୁପୁତ୍ର ରୁଦ୍ର ପ୍ରତାପ ମହାରଥୀଙ୍କୁ ଲୋକମାନେ ଭୋଟ ଦେଇ ନିର୍ବାଚିତ କରିଥିଲେ । ରୁଦ୍ରପ୍ରତାପ ମହାରଥୀଙ୍କୁ ଏବେ ଏକଦମ ଆକ୍ସନ ମୋଡରେ ଦେଖିବାକୁ ମିଳିଛି । ଯାହାର ଭିଡିଓକୁ ନେଇ ଏବେ ସବୁଆଡେ ଚର୍ଚ୍ଚା ହେଉଛି । ରୁଦ୍ର ଏକ ସରକାରୀ ଅଫିସକୁ ଭିଜିଟରେ ଯାଇଥିବା ଭିଡିଓରେ ଦେଖିବାକୁ ମିଳୁଛି ।
ସେଠାରେ ପହଞ୍ଚି କେତେ ଜଣ କର୍ମଚାରୀ ସେଠାରେ କାମ କରନ୍ତି ସେ ଜାଣିବାକୁ ଚାହିଁଥିଲେ । ସମୁଦାଯ ୧୨ ଜଣ କର୍ମଚାରୀ ସେହି ଅଫିସରେ କାମ କରୁଥିବା ବେଳେ ଡ୍ଯୁଟିରେ ମାତ୍ର ୨ ଜଣ ଷ୍ଟାଫ ଥିବା ଦେଖି ବିରକ୍ତ ହୋଇ ଯାଇଥିଲେ ରୁଦ୍ର । ଅନ୍ୟ ଷ୍ଟାଫ ମାନେ କଣ ପାଇଁ ଆସି ନାହାନ୍ତି ବୋଲି ସେ ପଚାରିଥିଲେ । ଜଣେ ଷ୍ଟାଫ ସବୁ ଷ୍ଟାଫମାନେ କିଏ କୁଆଡେ ଯାଇଛନ୍ତି ତା’ର ବିସ୍ତୃତ ବିବରଣୀ ଦେଇଥିଲେ । ଦୁଇଜଣ ଷ୍ଟାଫ ଫିଲ୍ଡ ଭିଜିଟରେ ଯାଇଥିବା ସେ କହିଥିଲେ ।
ଏକଥା ଶୁଣି ରୁଦ୍ର ସେମାନଙ୍କ ନମ୍ବର ମାଗିବା ସହ ସତରେ ସେମାନେ ଫିଲ୍ଡ ଡ୍ଯୁଟିରେ ଅଛନ୍ତି ନା ନାହିଁ ଲୋକ ପଠାଇ ବୁଝିବେ ବୋଲି କହିଥିଲେ । ସେମାନଙ୍କ ନମ୍ବର ନେଇ ରୁଦ୍ର ଫୋନ କଲ୍ ଲଗାଇଥିଲେ । କିନ୍ତୁ ସେମାନଙ୍କ ମଧ୍ୟରୁ କେହିବି ଫୋନ ଉଠାଇ ନଥିଲେ । ରୁଦ୍ର ବାହାରକୁ ଆସିଥିଲେ ଓ ଅନ୍ୟ ଷ୍ଟାଫମାନଙ୍କ କଥା ମଧ୍ୟ ପଚାରିଥିଲେ । କିନ୍ତୁ ସେମାନେ ମଧ୍ୟ ଫିଲ୍ଡ ଭିଜିଟରେ ଯାଇଥିବା କଥା କହିଥିଲେ ଉପସ୍ଥିତି ଥିବା କର୍ମଚାରୀ ।
ବୋଧ ହୁଏ ସେ ତାଙ୍କ ସହକର୍ମୀ ମାନଙ୍କୁ ବଞ୍ଚାଇବା ପାଇଁ ଚେଷ୍ଟା କରୁଛନ୍ତି । ଖବର ଅନୁସାରେ ଏହି ଅଫିସଟି ରୁଦ୍ରପ୍ରତାପ ମହାରଥୀଙ୍କ ନିର୍ବାଚନ ମଣ୍ଡଳୀର ପିଏଚଡ଼ି ଅଫିସ ବୋଲି ଜଣାପଡିଛି । ରୁଦ୍ର ସାଙ୍ଗେ ସଙ୍ଗେ ବିଡ଼ିଓଙ୍କୁ କଲ୍ ଲଗାଇ ପରିସ୍ଥିତି ସମ୍ପର୍କରେ ଜ୍ଞାତ କରାଇଥିଲେ ଓ ଏହାସହ ତାଙ୍କୁ ଏକ ଜରୁରୀକାଳୀନ ମିଟିଂ ମଧ୍ୟ ଡାକିବା ପାଇଁ କହିଥିଲେ । ଷ୍ଟାଫମାନେ କାହିଁକି ଅଫିସ ଆସୁ ନାହାନ୍ତି ଓ ତାଙ୍କର କଣ ଅସୁବିଧା ରହୁଛି ଜାଣିବା ପାଇଁ ଏହି ମିଟିଂ ଡାକିବାକୁ କହିଥିଲେ ରୁଦ୍ର ।
ସେହି ଅଫିସରେ କେହି ମଧ୍ୟ ଠିକ ଭାବେ ଡ୍ଯୁଟି କରୁନାହାନ୍ତି ବୋଲି ସମସ୍ତେ ଅଭିଯୋଗ ଆଣୁଥିବା କଥା ସେ କହିଛନ୍ତି । ଯଦି ସେମାନଙ୍କ ଫୋନ ଧରୁ ନାହାନ୍ତି ତେବେ ସ୍ଵାଭାବିକ କଥା ସାଧାରଣ ଲୋକଙ୍କ ଫୋନ ମଧ୍ୟ ସେ ଉଠାଉ ନଥିବେ ବୋଲି ରୁଦ୍ରପ୍ରତାପ ମହାରଥୀ କହିଛନ୍ତି । ଏସବୁ କିଛି ଠିକ ହେଉନାହିଁ ବୋଲି ଅସନ୍ତୁଷ୍ଟ ପ୍ରକାଶ କରିଥିଲେ ପିପିଲି ବିଧାୟକ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।