ଟେଲି ଅଭିନେତ୍ରୀ ରଶ୍ମିରେଖାଙ୍କ ଆତ୍ମହତ୍ୟା ଜନିତ ମୃତ୍ୟୁକୁ ନେଇ ଚାଞ୍ଚଲ୍ୟକର ଖୁଲାସା କରିବାରେ ଲାଗିଛନ୍ତି ତାଙ୍କ ପରିବାର ଲୋକ । ରଶ୍ମିରେଖାଙ୍କ ପୁରୁଷ ବନ୍ଧୁ ତଥା ପ୍ରେମିକ ତାଙ୍କର ହତ୍ୟା କରିଥିବା ସନ୍ଦେହ କରୁଛନ୍ତି ପରିବାର ଲୋକେ । ରଶ୍ମିଙ୍କୁ ହତ୍ୟା କରି ଆତ୍ମହତ୍ୟାର ରୂପ ଦିଆ ଯାଇଥିବା ଘରଲୋକେ କହୁଛନ୍ତି । କାରଣ ରଶ୍ମିଙ୍କ ମୃତ୍ୟୁର ମାତ୍ର ତିନି ଚାରିଦିନ ପୂର୍ବରୁ ରଶ୍ମିଙ୍କ ପୁରୁଷ ବନ୍ଧୁଙ୍କ ସହ ତିକ୍ତତା ଥିବା କଥା ଘରଲୋକ କିଛି କିଛି ଜାଣିବାକୁ ପାଇଥିଲେ । ଯାହା ରଶ୍ମିଙ୍କ ମାଆ ନିଜେ କହିଛନ୍ତି ।
ସନ୍ତୋଷ ଓ ରଶ୍ମିରେଖାଙ୍କ ମଧ୍ୟରେ ତିକ୍ତତାର କାରଣ ରଶ୍ମିଙ୍କ ପୂର୍ବ ପ୍ରେମିକ ରାଜା ବୋଲି ବୋଲି ସନ୍ଦେହ କରାଯାଉଛି । ରଶ୍ମିଙ୍କର ରାଜାଙ୍କ ସହ କଥାବାର୍ତ୍ତା ସନ୍ତୋଷଙ୍କୁ ପସନ୍ଦ ହେଉ ନଥିଲା ଓ ଯେଉଁଥି ପାଇଁ ସେମାନଙ୍କ ମଧ୍ୟରେ ଝଗଡା ହେଉଥିଲା । ତେବେ ରଜ ପୂର୍ବରୁ ରଶ୍ମିରେଖା ରାତିରେ ମାଆଙ୍କୁ ଫୋନ କରିଥିଲେ ଓ ପ୍ରାୟ ଅଧଘଣ୍ଟା କାଳ କଥା ହୋଇଥିଲେ । ତାଙ୍କ ମାଆ ସେତେବେଳେ ଘର ଦାଣ୍ଡରେ ବସିଥିଲେ ।
ରଶ୍ମି ଖୁସି ହୋଇ ମାଆଙ୍କୁ କହିଥିଲେ କି ତାଙ୍କର ତରଙ୍ଗ ଅଫିସରେ କଥାବାର୍ତ୍ତା ଫାଇନାଲ ହୋଇଯାଇଛି ସେ ଖୁବ ଶୀଘ୍ର ସିରିଏଲ କରିବେ । ସିରିଏଲରେ କାମ କରିବା ଆରମ୍ଭ କଲେ ସେ ଚାକିରି ଛାଡିଦେବି ବୋଲି ମାଆଙ୍କୁ କହିଥିଲେ । କିନ୍ତୁ ପରେ ଯେତେବେଳେ ସେ ଘରକୁ ଆସିଥିଲେ ତାଙ୍କ ଆଖି ଲାଲ ପଡି ଫୁଲି ଯାଇଥିଲା ଓ ସେହି ଆଖିରେ ସେ ଭଲଭାବେ ଦେଖିପାରୁ ନଥିଲେ । ରଶ୍ମି କହିଥିଲେ କି ତାଙ୍କ ଆଖିରେ ପୋକ ପଡିଯାଇଛି ।
ଡାକ୍ତରଙ୍କ ପାଖକୁ ସେ ଆଖି ଦେଖାଇବାକୁ ଯାଇଥିଲେ କିନ୍ତୁ ତାଙ୍କ ଆଖି ନଷ୍ଟ ହୋଇ ଯାଇଥିବା କଥା ଡାକ୍ତର କହିଥିଲେ । ସନ୍ତୋଷ ରଶ୍ମିଙ୍କ ଆଖିକୁ ମାରିଥିବା କଥା ତାଙ୍କ ମାଆ କହିଛନ୍ତି । ରଶ୍ମିଙ୍କ ମୃତଦେହ ଯେଉଁ ଅବସ୍ଥାରେ ମିଳିଛି ସେଥିରୁ ତାଙ୍କ ଚୁଟିକୁ ଧରି ମୁଣ୍ଡକୁ କାନ୍ଥରେ ପିଟି ହତ୍ୟା କରା ଯାଇଥିବା କଥା ତାଙ୍କ ମା କହୁଛନ୍ତି । କାରଣ ରଶ୍ମିଙ୍କ ମୁଣ୍ଡ ଚାରିଆଡେ ଫୁଲି ଯାଇଥିଲା । ସେ ଜିଭ ଜୋରରେ କାମୁଡି ଦେଇଥିବା ହେତୁ ଜିଭ ଓ ପୁରା ମୁହଁ ମଧ୍ୟ କଳା ପଡି ଯାଇଥିବା ସେ କହିଛନ୍ତି ।
ହତ୍ୟା ପରେ ଶାଢୀ, ଚୁଡି, ସିନ୍ଦୁର ଓ ଅଳତା ପିନ୍ଧାଇ ତାଙ୍କୁ ରଶିରେ ଝୁଲେଇ ଦିଆ ଯାଇଛି ବୋଲି କହିଛନ୍ତି ରଶ୍ମିଙ୍କ ମାଆ । ଏପରିକି ରଶ୍ମି ମା’ଙ୍କ ସହ ଅଧଘଣ୍ଟା କଥା ହେଲା ପରେ କହିଥିଲେ ବହୁତ କିଛି ହୋଇଯାଇଛି, ଆଉ କହିପାରିବି କି ନାହିଁ ଜାଣିନି । ତେବେ ପୋଲିସ ତଦନ୍ତ ଜାରି ରଖିଛି ଓ ତଦନ୍ତ ପରେ ସତ ସାମ୍ନାକୁ ଆସିବ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।