ଦଣ୍ଡଯାତ୍ରା ଚାଲିଥିଲା ଆଉ ବାଜା ବାଣରେ ପ୍ରକମ୍ପିତ ହୋଇ ଉଠୁଥିଲା ସାରା ଅଞ୍ଚଳ । ଠିକ ଏତିକି ବେଳେ ବାଜାର ଶବ୍ଦରୁ ବଳିଗଲା ଲୋକଙ୍କ ପାଟିତୁଣ୍ଡ । ହୋହଲ୍ଲା ଭିତରେ ମଉଳି ଗଲା ସବୁ ଖୁସି । ଯାତ୍ରାକୁ ଉପଭୋଗ କରୁଥିବା ଲୋକମାନେ ଭୟଭୀତ ହୋଇଗଲେ । ଚାହୁଁ ଚାହୁଁ ଚାଲି ଯାଇଥିଲା ଗୋଟିଏ ନିରୀହ ଜୀବନ । କାହାର ମୁଣ୍ଡ ଫାଟିଥିଲା ତ ଆଉ କାହାର ଗୋଡ ବି ଭାଙ୍ଗିଥିଲା । ଏପରିକି ସୁରକ୍ଷା ଦେବାକୁ ଆସିଥିବା ପୋଲିସ କର୍ମଚାରୀ ମାନେ ମଧ୍ୟ ଆହତ ହୋଇଥିଲେ ।
ଗତ ଏପ୍ରିଲ ୧୩ ତାରିଖ ଦିନ ଘଟିଥିବା ହତ୍ୟା ଘଟଣାରେ ଏବେ ପୁରୁଷ ଶୂନ୍ୟ ହୋଇପଡିଛି ନୟାଗଡ ଜିଲ୍ଲାର ଦେଉଳପଲ୍ଲୀ ଗାଁ । ଅନେକଙ୍କ ଘରେ ତାଲା ଝୁଲିବା ସହ ଗାଁରେ କୌଣସି ପୁରୁଷଙ୍କ ଦେଖା ମଧ୍ୟ ମିଳୁନି । ଫଳରେ ଗାଁର ମହିଳାମାନେ ହଇରାଣ ହେଉଥିବାର ଦେଖିବାକୁ ମିଳୁଛି । ତିନୋଟି ଗାଁର ଲୋକେ ମିଶି ଦଣ୍ଡଯାତ୍ରା ଦେଖିବାକୁ ଯାଇଥିଲେ । ଆଉ ଏହି ସମୟରେ କୌଣସି କାରଣ ପାଇଁ ସେଠାରେ ଗଣ୍ଡଗୋଳ ହୋଇଥିଲା ।
ଯାହାପରେ ଜଣେ ଯୁବକଙ୍କ ମୃତ୍ୟୁ ହେବା ସହ ଅନେକ ଲୋକ ଆହତ ମଧ୍ୟ ହୋଇଥିଲେ । ଗାଁର ସ୍ତ୍ରୀଲୋକ ମାନେ ମିଡିଆ ଆଗରେ କହିଛନ୍ତି କି କଣ ପାଇଁ ଗଣ୍ଡଗୋଳ ହେଲା ଓ ଜଣେ ଯୁବକଙ୍କ ମୃତ୍ୟୁ କିପରି ହେଲା ସେମାନେ ସେସବୁ କିଛି ଜାଣି ନାହାନ୍ତି । କିନ୍ତୁ ପ୍ରଶାସନ ଆଗରେ ଅନୁରୋଧ କରିଛନ୍ତି କି, ଶୀଘ୍ର ଏ ଘଟଣାର ତଦନ୍ତ ହେଉ ଓ ଦୋଷୀକୁ ଦଣ୍ଡ ମିଳୁ ।
କାରଣ ସେଦିନର ଘଟଣା ପରେ ତାଙ୍କ ଗାଁର ପୁରୁଷମାନେ ଯେ ଯୁଆଡେ ଲୁଚିକରି ରହିଛନ୍ତି, ଯାହାଫଳରେ ଗାଁର ସ୍ତ୍ରୀଲୋକ ମାନେ ବହୁତ ହଇରାଣ ହେଉଛନ୍ତି । ଦଣ୍ଡଯାତ୍ରାରେ ଗାଁ ଗାଁ ମଧ୍ୟରେ ସଂଘର୍ଷ ବେଳେ ଦୁର୍ଗାପ୍ରସାଦ ଗାଁର ୨୮ ବର୍ଷୀୟ ଯୁବକ ନବୀନ ପରିଡାଙ୍କୁ ଦେଉଳପଲ୍ଲୀ ଗାଁ ଲୋକେ ହତ୍ୟା କରିଥିବା ଅଭିଯୋଗ ହୋଇଥିଲା । ଉକ୍ତ ଯୁବକଙ୍କୁ ନ୍ୟାୟ ଦେବା ଦାବିରେ ତାଙ୍କ ଭଉଣୀ ସମେତ ଗାଁ ଲୋକେ ଗୁହାରି କରିଛନ୍ତି ।
ଦେଉଳପଲ୍ଲୀ ଗାଁ ଲୋକେ ହଠାତ ସେମାନଙ୍କ ଉପରେ ଆକ୍ରମଣ କରିଥିବା ସେମାନେ କହିଛନ୍ତି । ସେପଟେ ନୟାଗଡ ଟାଉନ ଥାନା ପୋଲିସ ଏବେବି ଗିରଫଦାରୀ ଜାରି ରଖିଛି । ଏହାରି ଭିତରେ ଦେଉଳପଲ୍ଲୀ ଗାଁର ୧୦ଜଣଙ୍କୁ ପୋଲିସ ଗିରଫ କରିଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।