ଋଷ ଓ ୟୁକ୍ରେନ ମଧ୍ୟରେ ପ୍ରାୟ ଦୁଇ ସପ୍ତାହ ଧରି ଯୁଦ୍ଧ ଚାଲିଛି । ଆଉ ଏହି ଯୁଦ୍ଧ ଏବେ ଶେଷ ହେବାର ସମୟ ଆସିଯାଇଛି ବୋଲି ସମସ୍ତେ ଅନୁମାନ କରୁଛନ୍ତି । କାରଣ ଶୁଣିବାକୁ ମିଳୁଛି କି ୟୁକ୍ରେନ ରାଷ୍ଟ୍ରପତି ବୋଲୋଡିମିର ଜେଲେନସ୍କି ନିଜ କହିଛନ୍ତି କି ସେ ନାଟୋ ର ସଦସ୍ୟ ହେବାକୁ ଚାହୁଁ ନାହାନ୍ତି । ଏପରିକି ନାଟୋ ଋଷକୁ ଭୟ କରୁଛି ବୋଲି ମଧ୍ୟ ସେ କହିଛନ୍ତି । ଆମେରିକା ୟୁକ୍ରେନକୁ ନାଟୋର ସଦସ୍ୟ ହେବା ପାଇଁ ସ୍ଵପ୍ନ ଦେଖାଇଲା ।
କିନ୍ତୁ ଯୁଦ୍ଧ ବେଳେ ଆମେରିକା ସମେତ ନାଟୋ ମଧ୍ୟ ୟୁକ୍ରେନକୁ ସାହାଯ୍ୟ କରିବାକୁ ପଛଘୁଞ୍ଚା ଦେଲେ । ୟୁକ୍ରେନ ନାଟୋର ସଦସ୍ୟ ହେଉ ବୋଲି ଋଷ ଚାହୁଁ ନଥିଲା । ତେଣୁ ଏହା ମଧ୍ୟ ଋଷ ୟୁକ୍ରେନ ଉପରେ ଯୁଦ୍ଧ କରିବାର ଅନ୍ଯତମ କାରଣ ବୋଲି କୁହାଯାଉଛି । ଋଷର ଆକ୍ରମଣରେ ୟୁକ୍ରେନର ବଡ ବଡ ସହର ଧ୍ଵଂସ ପ୍ରାୟ ହୋଇଯାଇଛି । ହଜାର ହଜାର ଲୋକ ଦେଶ ଛାଡି ଅନ୍ୟ ଦେଶକୁ ପଳାଇଛନ୍ତି । ଆଉ ଋଷ ସେପଟେ କିନ୍ତୁ ଆକ୍ରମଣ କମ୍ କରୁନି ।
ୟୁକ୍ରେନ ସେନା ଉପରେ ଭାରି ପଡ଼ୁଛନ୍ତି ଋଷ ସେନା । ତେବେ ଯୁଦ୍ଧ ଶେଷ କରିବା ପାଇଁ ଋଷ ଜେଲେନସ୍କିଙ୍କ ସାମ୍ନାରେ ତିନୋଟି ସର୍ତ୍ତ ରଖିଥିଲା । ପ୍ରଥମଟି ହେଉଛି ଡୋନବାସକୁ ଋଷ ଦେଇଥିବା ସ୍ଵାଧୀନ ରାଷ୍ଟ୍ରର ମାନ୍ୟତା ୟୁକ୍ରେନ ସ୍ଵୀକାର କରିବ, କ୍ରିମିଆକୁ ମଧ୍ୟ ଋଷର ଅଂଶ ଭାବେ ସ୍ଵୀକାର କରିବ ଓ ନାଟୋର ସଦସ୍ୟ ହେବା ନାହିଁ କି କୌଣସି ପରମାଣୁ ଅସ୍ତ୍ର ରଖିବ ନାହିଁ ।
ଆଉ ଋଷର ଏହି ସମସ୍ତ ସର୍ତ୍ତ ମାନିବାକୁ ଏବେ ରାଷ୍ଟ୍ରପତି ଜେଲେନସ୍କି ରାଜି ହୋଇଛନ୍ତି ବୋଲି ଶୁଣିବାକୁ ମିଳୁଛି । କିନ୍ତୁ ଋଷ ଯେତେବେଳେ ଯୁଦ୍ଧ ପୂର୍ବରୁ ଜେଲେନସ୍କିଙ୍କ ସାମ୍ନାରେ ଏହି ସର୍ତ୍ତ ରଖିଥିଲା ସେତେବେଳେ ସେ ଋଷର ସର୍ତ୍ତକୁ ଅସ୍ଵୀକାର କରିବା ସହ ଋଷ ଆହା ଲଢେଇ କରି ଦେଶକୁ ବଞ୍ଚାଇବେ ବୋଲି ଦୃଢତାର ସହ କହିଥିଲେ ।
କିନ୍ତୁ ଏବେ ଯେତେବେଳେ ଯୁଦ୍ଧ ଯୋଗୁଁ ଦେଶରୁ ପ୍ରାୟ ୧୭ ଲକ୍ଷ ଲୋକ ପଳାୟନ କରି ସାରିଛନ୍ତି, ହଜାର ହଜାର ଲୋକ ପ୍ରାଣ ହରାଇଛନ୍ତି ଏବଂ ଅନେକ ଛୋଟ ପିଲାମାନେ ଅନାଥ ହୋଇ ସାରିଛନ୍ତି, ଏବେ ଯାଇ ଯୁଦ୍ଧ ବନ୍ଦ ହେବାକୁ ଯାଉଛି ବୋଲି ଅନୁମାନ କରାଯାଉଛି । ଏ ସମ୍ପର୍କରେ ଆପଣଙ୍କ ମତ କଣ ଆମକୁ କମେଣ୍ଟ କରି ଜଣାନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।