ଦେଶର ସବୁଠୁ ବଡ ବୀମା କମ୍ପାନୀ ଲାଇଫ ଇଂସୁରାନ୍ସ କର୍ପୋରେସନ ଅଫ ଇଣ୍ଡିଆ (LIC) ର ପଲିଶି ଆପଣଙ୍କ ପାଖରେ ଅଛିକି ? ଯଦି ଅଛି ତେବେ ଏଲଆଇସି ର ପ୍ରାଥମିକ ପବ୍ଲିକ ଅଫର୍ ରେ ଭାଗ ନିଅନ୍ତୁ । କାରଣ ଏଥିରୁ ଆପଣଙ୍କୁ ଢେର ସାରା ଫାଇଦା ମିଳିବ । ଏଲଆଇସି ର ଆଇପିଓ ପାଇଁ ପଲିଶିଧାରୀଙ୍କୁ ରିଜର୍ଭ କ୍ୟାଟାଗୋରୀ ମିଳିଛି । ଯଦି ଆପଣ ରିଜର୍ଭ କ୍ୟାଟାଗୋରୀ ଅନୁସାରେ ଆଇପିଓ ପାଇଁ ଆବେଦନ କରିବାକୁ ଚାହୁଁଛନ୍ତି ତେବେ ଫେବୃୟାରୀ ୨୮ ତାରିଖ ମଧ୍ୟରେ ନିଜ ପ୍ୟାନକାର୍ଡକୁ ଏମିତି ଅପଡେଟ କରି ନିଅନ୍ତୁ ।
ଏଥିପାଇଁ ପ୍ରଥମେ ଏଲଆଇସି ର ଅଫିସିଆଲ ୱେବସାଇଟ https://licindia.in କୁ ଯାଆନ୍ତୁ ଓ ସେଠାରେ ଥିବା ଅନଲାଇନ ପ୍ୟାନ ରେଜିଷ୍ଟ୍ରେଶନ ବିକଳ୍ପକୁ ବାଛନ୍ତୁ । ଏବେ ଅନଲାଇନ ପ୍ୟାନ ରେଜିଷ୍ଟ୍ରେଶନ ଲିଙ୍କରେ କ୍ଲିକ କରନ୍ତୁ, ଆଉ ପ୍ରୋସିଡ ବଟନ୍ ଉପରେ ମାଉସ ରଖି ଏଣ୍ଟର ମାରନ୍ତୁ । ଏହାପରେ ନିଜର ଇମେଲ, ଠିକଣା, ପ୍ୟାନ, ମୋବାଇଲ ନମ୍ବର ଓ ଏଲଆଇସି ପଲିଶି ନମ୍ବର ସମ୍ବନ୍ଧିତ ସମସ୍ତ ସୂଚନା ଦେବା ପରେ ବକ୍ସରେ ଥିବା କ୍ୟାପଚା କୋଡକୁ ଦିଅନ୍ତୁ ।
ଏହାପରେ ନିଜର ରେଜିଷ୍ଟର ମୋବାଇଲ ନମ୍ବରରେ ଓଟିପି ପାଇଁ ରିକ୍ଵେଷ୍ଟ କରନ୍ତୁ । ମୋବାଇଲକୁ ଓଟିପି ଆସିଗଲେ ତାକୁ ଦେଇ ସବମିଟ୍ କରି ଦିଅନ୍ତୁ । ଫର୍ମ ଜମା ହେବା ପରେ ରେଜିଷ୍ଟ୍ରେଶନ ସଫଳ ହେବାର ଏକ ମେସେଜ ଆସିବ । ଏବେ ଆପଣ ନିଜର ପ୍ୟାନ ଷ୍ଟାଟସ ଚେକ୍ କରନ୍ତୁ । ଯାହାର ସହଜ ଉପାୟ ହେଲା https://linkpan.licindia.in ର UID Seeding WebApp କୁ ଯାଇ ପଲିଶିର ପ୍ୟାନ ଷ୍ଟାଟସକୁ ଯାଆନ୍ତୁ ।
ଏହାପରେ ପଲିଶି ନମ୍ବର, ଜନ୍ମ ତିଥି ଓ ପ୍ୟାନ ନମ୍ବର ଭାରି କ୍ୟାପଚା ଦାଖଲ କରନ୍ତୁ । ପୁଣି ସବମିଟ୍ ବଟନ୍ ପ୍ରେସ କରନ୍ତୁ । ପ୍ରୋସେସ ପୁରା ହେବା ପରେ ସ୍କ୍ରିନରେ ଆପଣଙ୍କ ସାମ୍ନାରେ ଷ୍ଟାଟସ ନଜର ଆସିବ । ଯେଉଁଥିରୁ ଆପଣ ଜାଣିପାରିବେ ଆପଣଙ୍କ ପ୍ୟାନ ଏଲଆଇସି ପାଖରେ ଅପଡେଟ ହୋଇଛି କି ନାହିଁ । ଆଇପିଓ ପାଇଁ ଏଲଆଇସି ସମସ୍ତ କାଗଜପତ୍ର ଜମା କରିସାରିଛି । ଆଇପିଓ ମାଧ୍ୟମରେ ସରକାର ଏଲଆଇସି ରୁ ୫ ପ୍ରତିଶତ ଅଂଶ ବା ୩୧.୬ କୋଟି ସେୟାର ବିକ୍ରି କରିବାକୁ ଯାଉଛନ୍ତି ।
ଆସନ୍ତା ମାର୍ଚ୍ଚ ମାସରେ ଏଲଆଇସି ଆଇପିଓ ଲଞ୍ଚ ହେବାକୁ ଯାଉଛି । ଏହାପରେ ଏଲଆଇସି ସେୟାର ବଜାରରେ ଲିଷ୍ଟେଡ୍ ହୋଇଯିବ । ଷ୍ଟକ ଏକ୍ସଚେଞ୍ଜରେ ଇକ୍ବିଟି ସେୟାର ପଞ୍ଜୀକୃତ ହେବା ଦ୍ଵାରା ଏଲଆଇସି ଅଧିକ ଲାଭବାନ ହେବ ବୋଲି କୁହାଯାଉଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।