ଡିସେମ୍ବର ମାସରୁ ବଡ ପରିବର୍ତ୍ତନ ହେବାକୁ ଯାଉଛି ଓ ଅନେକ ନିୟମ ବଦଳିବାକୁ ଯାଉଛି । ଡିସେମ୍ବର ପହିଲାରୁ ଆପଣଙ୍କ ଦୈନନ୍ଦିନ ଜୀବନ ସହ ଜଡିତ ଅନେକ ନିୟମରେ ପରିବର୍ତ୍ତନ ହେବାକୁ ଯାଉଛି । ଏଲପିଜି ଗ୍ଯାସ ସିଲିଣ୍ଡର ଠାରୁ ଆରମ୍ଭ କରି ବ୍ୟାଙ୍କିଂ ଏବଂ ପେନସନ ସହ ଜଡିତ କିଛି ନିୟମ ବଦଳିବ । ଏଥର ମହଙ୍ଗା ହେବ ଏସବିଆଇ କ୍ରେଡିଟ କାର୍ଡ । ଯଦି ଆପଣ ଏସବିଆଇ କ୍ରେଡିଟ କାର୍ଡ ବ୍ୟବହାର କରୁଛନ୍ତି ତେବେ ଏହି ଖବର ଜାଣିବା ଆପଣଙ୍କ ପାଇଁ ନିହାତି ଜରୁରୀ ।
ଏସବିଆଇ କ୍ରେଡିଟ କାର୍ଡ ବ୍ୟବହାରକାରୀଙ୍କ ପାଇଁ ଡିସେମ୍ବରରୁ ହେବାକୁ ଯାଉଛି ବଡ ପରିବର୍ତ୍ତନ । ଏଣିକି ଏସବିଆଇ କ୍ରେଡିଟ କାର୍ଡରେ ଇଏମଆଇ ରେ କିଣାକିଣି କରିବା ମହଙ୍ଗା ହୋଇଯିବ । ଏପର୍ଯ୍ୟନ୍ତ ଏସବିଆଇ କେବଳ ସୁଧ ନେଉଥିଲା, କିନ୍ତୁ ଏଥର ଏସବିଆଇ କ୍ରେଡିଟ କାର୍ଡରେ କିଣାକିଣି କଲେ ପ୍ରୋସେସିଂ ଫି ମଧ୍ୟ ଦେବାକୁ ହେବ । ଆଉ ଏହାର ସିଧାସଳଖ ପ୍ରଭାବ ଏସବିଆଇ କ୍ରେଡିଟ କାର୍ଡ ବ୍ୟବହାରକାରୀଙ୍କ ଉପରେ ପଡିବ । ସେହିଭଳି ଏଲପିଜି ଗ୍ଯାସ ସିଲିଣ୍ଡର ଦରରେ ମଧ୍ୟ ପରିବର୍ତ୍ତନ ହୋଇପାରେ ।
ପ୍ରତ୍ଯେକ ମାସ ଆରମ୍ଭରେ ଏଲପିଜି ଗ୍ଯାସ ସିଲିଣ୍ଡର ଦରକୁ ନେଇ ସମୀକ୍ଷା କରାଯାଏ । କରୋନା ଭାଇରାସର ନୂଆ ଭ୍ୟାରିଆଣ୍ଟ ସାମନାକୁ ଆସିବା ପରେ ଅଶୌଧିତ ତୈଳର ଦରରେ ବଡ ଧରଣର ହ୍ରାସ ହୋଇଛି । ଆଉ ଯେଉଁଥି ପାଇଁ ଆଶା କରାଯାଉଛି କି ଚଳିତ ମାସରେ ଗ୍ଯାସ ଦର ମଧ୍ୟ କମିପାରେ । ସେହିଭଳି ୟୁଏଏନ ସହ ଆଧାର ଲିଙ୍କ କରିବାର ସମୟ ସୀମାକୁ ନଭେମ୍ବର ୩୦ ଯାଏଁ ବଢାଇଥିଲା ଇପିଏଫଓ ।
ତେଣୁ ଯେଉଁମାନେ ଏହି ସମୟ ସୀମା ମଧ୍ୟରେ ୟୁଏଏନ ସହ ଆଧାର ଲିଙ୍କ କରି ନାହାନ୍ତି ସେହି ଅଂଶଧାରକଙ୍କ ଖାତାରେ ପିଏଫ ଜମା ହୋଇପାରିବ ନାହିଁ । ଏପରିକି ପିଏଫ ଖାତାରୁ ମଧ୍ୟ ଟଙ୍କା ଉଠାଇ ପାରିବେ ନାହିଁ ଅଂଶଧାରକ । ତେଣୁ ଆପଣ ଯଦି ୟୁଏଏନ ସହ ଆଧାର ଲିଙ୍କ କରି ନାହାନ୍ତି ତେବେ ତୁରନ୍ତ ଇପିଏଫଓ ଅଫିସ ସହ ଯୋଗାଯୋଗ କରନ୍ତୁ । ପେନସନ ଉପଭୋକ୍ତାଙ୍କ ପାଇଁ ମଧ୍ୟ ଆସିଛି ଏକ ବଡ ଖବର । ଯଦି ଆପଣ ଜଣେ ସରକାରୀ ପେନସନ ଉପଭୋକ୍ତା ତେବେ ଏହି ଖବର ଆପଣଙ୍କ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ।
ଜୀବନ ପ୍ରମାଣପତ୍ର ତଥା ଲାଇଫ ସାର୍ଟିଫିକେଟ ଜମା କରିବାର ଅନ୍ତିମ ସମୟସୀମା ରଖା ଯାଇଥିଲା ନଭେମ୍ବର ୩୦ ତାରିଖ । ଯଦି ଏହି ସମୟ ସୀମା ଅଧ୍ୟରେ ଆପଣ ଏହା ଜମା କରି ନାହାନ୍ତି ତେବେ ଆପଣ ପେନସନ ପାଇବାରୁ ବଞ୍ଚିତ ହେବେ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।