ଗତକାଲି ରାଣୀ ପଣ୍ଡାଙ୍କ କାର୍ ଧକ୍କାରେ ପ୍ରାଣ ହରାଇଥିବା ସୁକାନ୍ତ ବେହେରାଙ୍କ ଏକାଦଶାହ କର୍ମ ଶେଷ ହୋଇଛି । ଆଉ ସେହି ଦଶାହ କର୍ମରେ ମହାପ୍ରସାଦ ପଠାଇଛନ୍ତି ଯାତ୍ରା ଅଭିନେତ୍ରୀ ରାଣୀ ପଣ୍ଡା । ସମୁଦାୟ 500 ଲୋକଙ୍କ ପାଇଁ ଅବଢା ପଠାଇଥିଲେ ରାଣୀ ପଣ୍ଡା । ସୁକାନ୍ତଙ୍କ ଦଶାହରେ ଲୋକେ ମହାପ୍ରସାଦ ଖାଇବେ ଓ ସୁକାନ୍ତଙ୍କ ଆତ୍ମାକୁ ଶାନ୍ତି ମିଳିବ ବୋଲି ମହାପ୍ରସାଦ ପୁରୀରୁ ସିଦ୍ଧା ଗାଡିରେ ସୁକାନ୍ତଙ୍କ ଗାଁରେ ଯାଇ ପହଞ୍ଚିଥିଲା । ମହାପ୍ରସାଦ ବଡଦେଉଳରୁ ଯାଇ ସୁକାନ୍ତଙ୍କ ଗାଁ ଆଠଗଡ ରାଜନଗରରେ ଯାଇ ପହଞ୍ଚିଥିଲା ।
ଦଶାହ କର୍ମକୁ ନେଇ ସୁକାନ୍ତଙ୍କ ପରିବାର ଚିନ୍ତାରେ ଥିବାବେଳେ ରାଣୀ ପଣ୍ଡା ଅବଢା ପଠାଇବା ପରେ ଚିନ୍ତାମୁକ୍ତ ହୋଇଥିଲେ ପରିବାର ଲୋକେ । ସୁକାନ୍ତଙ୍କୁ ଝୁରୁଛି ପୁରା ଗାଁ । ଭଲ ପିଲାକୁ ଅକାଳରେ ହରାଇ ପୁରା ଗାଁ ଶୋକସନ୍ତପ୍ତ ହୋଇପଡିଛି । ସୁକାନ୍ତଙ୍କ ମୃତ୍ୟୁକୁ ଦଶ ଦିନ ପୁରିଥିବା ବେଳେ ତାଙ୍କର ଦଶାହ କାର୍ଯ୍ୟ ଅନୁଷ୍ଠିତ ହୋଇଛି । ସୁକାନ୍ତଙ୍କ ଘର ଆଗରେ କୁଡୁଆ ମାନଙ୍କରେ ଥୁଆ ହୋଇଛି ଅନ୍ନ, ଡାଲମା, ଶାଗ, ବେସର, ଖଟା ଆଦି ।
ରାଣୀ ପଣ୍ଡାଙ୍କ କାର୍ ଧକ୍କାରେ ସୁକାନ୍ତଙ୍କ ଜୀବନ ଚାଲି ଯାଇଥିବାରୁ ଦେଇଥିବା କଥା ଅନୁଯାୟୀ ପ୍ରତିଟି କାର୍ଯ୍ୟରେ ସୁକାନ୍ତଙ୍କ ସାହାଯ୍ୟ କରିବାକୁ ଆଗେଉ ଆସିଛନ୍ତି ରାଣୀ । ପୂର୍ବରୁ ସୁକାନ୍ତଙ୍କ ପରିବାରକୁ 35 ହଜାର ଟଙ୍କା ସହାୟତା ଦେଇଥିବା ବେଳେ ନିଜ କଥା ରଖି 500 ଲୋକଙ୍କ ପାଇଁ ଅବଢା ପଠାଇଛନ୍ତି ରାଣୀ ପଣ୍ଡା । ସୁକାନ୍ତଙ୍କ ମୃତ୍ୟୁରେ ମର୍ମାହତ ଥିବା କହି ରାଣୀ ପଣ୍ଡା ଖୁବ କାନ୍ଦିଛନ୍ତି ମଧ୍ୟ ।
ତେବେ ରାଣୀ ପଣ୍ଡା ନିଜେ କିନ୍ତୁ ସୁକାନ୍ତଙ୍କ ପରିବାରକୁ ଭେଟିବାକୁ ଆସି ପାରିନାହାନ୍ତି । ସୂଚନା ଅନୁଯାୟୀ ଗତ ନଭେମ୍ବର 26 ତାରିଖ ବିଳମ୍ବିତ ରାତିରେ ରାଣୀ ପଣ୍ଡାଙ୍କ କାର ସହ ସୁକାନ୍ତଙ୍କ ବାଇକ ଧକ୍କା ହୋଇଥିଲା । ଯାହାପରେ ଘଟଣାସ୍ଥଳରେ ହିଁ ପ୍ରାଣ ହରାଇଥିଲେ ରାଜନଗର ଗାଁର ସୁକାନ୍ତ ବେହେରା । ଏହାପରେ ନିଜର ଦୋଷ ପ୍ରାୟଶ୍ଚିତ କରିବାକୁ ଚାହିଁଥିଲେ ଅଭିନେତ୍ରୀ ରାଣୀ ପଣ୍ଡା । ସୁକାନ୍ତଙ୍କ ପରିବାରର ସୁଖଦୁଃଖରେ ଠିଆ ହେବା ସହ ତାଙ୍କ ପୁଅ ଏବଂ ଝିଅର ଭବିଷ୍ୟତ ଗଢିବେ ବୋଲି କଥା ଦେଇଥିଲେ ।
ରାଣୀ ପ୍ରଥମେ ଟଙ୍କା ପଠାଇଥିଲେ ଓ ପରେ ଦଶାହ କାର୍ଯ୍ୟ ପାଇଁ 500 ଲୋକଙ୍କ ପାଇଁ ଅବଢା ମଧ୍ୟ ଦେଇଛନ୍ତି । ରାଣୀ ତାଙ୍କ କଥା ରଖିଥିବାରୁ ସୁକାନ୍ତଙ୍କ ପରିବାର ମନରୁ ତାଙ୍କ ପ୍ରତି ଥିବା ଅଭିମାନ ମଧ୍ୟ ଦୂରେଇବାରେ ଲାଗିଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।