ବାହାଘର ବେଳେ ଝିଅର ବାପା ଜ୍ଵାଇଁକୁ କହିଥିଲେ ଝିଅର ପେଟ କେବେ ଖାଲି ରଖିବନି । ଆଉ ଶ୍ଵଶୁର କଥାକୁ ଅକ୍ଷରେ ଅକ୍ଷରେ ପାଳନ କରିଛି । ବାହାଘରକୁ 11 ବର୍ଷ ବିତି ସାରିଥିବା ବେଳେ ଇତିମଧ୍ୟରେ କୋଳକୁ 11ଟି ଛୁଆ ଆସିଗଲେଣି । ସେଥିରୁ ଗୋଟିଏ ସନ୍ତାନର ମୃତ୍ୟୁ ହୋଇଥିବା ବେଳେ କୋଳରେ 10ଜଣ ଛୁଆ ଅଛନ୍ତି । ତଥାପି ସ୍ବାମୀର ମନ ବୁଝୁନି । ସେପଟେ ପ୍ରତିବର୍ଷ ଛୁଆ ଜନ୍ମ କରି କରି ମହିଳାଜଣକ ଦୁର୍ବଳ ହୋଇ ପଡିଲେଣି ।
ପ୍ରସବ ଯନ୍ତ୍ରଣା ସହି ନ ପାରିବାରୁ ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଯାଇ ପରିବାର ନିୟୋଜନ ଅର୍ଥାତ ବନ୍ଧ୍ୟାକରଣ ଅସ୍ତ୍ରୋପଚାର କରାଇଦେଲେ ମହିଳା । ବାସ୍ ତା’ପରେ ରାଗିକି ନିଆଁବାଣ ହୋଇ ଯାଇଛନ୍ତି ସ୍ଵାମୀ । ଯେଉଁଥି ପାଇଁ ସ୍ତ୍ରୀ କୁ ଆଉ ଘରେ ପୁରେଇ ଦେଉନାହିଁ ସ୍ଵାମୀ । ଘରକୁ ପଶିବାକୁ ଚେଷ୍ଟା କଲେ ଜୀବନରେ ମା-ରି-ଦେ-ବା-କୁ ଧମକ ମଧ୍ୟ ଦେଉଛି । ଉପାୟଶୂନ୍ୟ ହୋଇ ମହିଳାଜଣକ ଘର ବାହାରେ ଥିବା ଏକ ଆମ୍ବ ଗଛମୂଳେ ପିଲାଛୁଆଙ୍କୁ ଧରି ଆଶ୍ରୟ ନେଇଛନ୍ତି ।
ଏନେଇ ମହିଳାଙ୍କ ସ୍ଵାମୀଙ୍କୁ ପଚରା ଯିବାରୁ ସେ କହିଛନ୍ତି କି, ଅପରେସନ ହୋଇ ମାରା ହେଇଗଲା । ଆମ ପୂର୍ବପୁରୁଷ ଆଉ ତା’ ହାତରୁ ପାଣି ପାଇ ସନ୍ତୁଷ୍ଟ ହେବେନାହିଁ । ସ୍ଵାମୀଙ୍କୁ କେହି ବୁଝାଇବାକୁ ଚେଷ୍ଟା କଲେ ମଧ୍ୟ ଧନୁତୀର ମା-ରି-ବେ ବୋଲି ଡରେଇ ଦେଉଛନ୍ତି । କେନ୍ଦୁଝର ଜିଲ୍ଲା ତେଲକୋଇ ବ୍ଲକରେ ଘଟି ଯାଇଛି ଏଭଳି ଏକ ଘଟଣା । ସ୍ଥାନୀୟ ସଲେଇକେନା ପଞ୍ଚାୟତ ଅନ୍ତର୍ଗତ ଡିମିରିଆ ଗାଁର ରବି ଦେହୁରିଙ୍କ ସ୍ତ୍ରୀ ଜାନକୀ ଦେହୁରିଙ୍କର 11ଟି ପିଲା ।
ଏତେ ସଂଖ୍ଯାରେ ପିଲା ଜନ୍ମ ହେବାପରେ ଜାନକୀ ଅସୁସ୍ଥ ହୋଇପଡିବା ସହ ଦୁର୍ବଳ ଅନୁଭବ କରୁଥିଲେ । ତେଣୁ ଆଶା ଦିଦିଙ୍କ ସହାୟତାରେ ପରିବାର ନିୟନ୍ତ୍ରଣ ଅସ୍ତ୍ରୋପଚାର କରିଲେ । ଏହା ଜାଣି ରାଗରେ ଜରଜର ହେଉଥିବା ସ୍ଵାମୀ ଜାନକୀଙ୍କୁ ଘରେ ପୁରାଉ ନଥିଲେ । ସେଥିପାଇଁ ଆଶାକର୍ମୀ ଓ ପ୍ରଶାସନ ମିଶି ମା’ ଓ ଛୁଆ ସମସ୍ତଙ୍କର ଖାଇବା ପିଇବା କଥା ବୁଝୁଥିବାର ସୂଚନା ମିଳିଛି ।
ଶେଷରେ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଡାକ୍ତରମାନେ ମା’ ଓ ଛୁଆଙ୍କୁ ଡାକ୍ତରଖାନାରେ ନେଇ ରଖିଥିଲେ । ଯଥାଶୀଘ୍ର ଏହି ଘଟଣାର ସମାଧାନ କରିବା ପାଇଁ ନିର୍ଦ୍ଦେଶ ଦେଇଥିଲେ ଜିଲ୍ଲା ସ୍ୱାସ୍ଥ୍ୟ ଅଧିକାରୀ । ରବି ଦେହୁରିଙ୍କୁ ହସ୍ପିଟାଲକୁ ଡକାଇ ସେଠାରେ ତାଙ୍କୁ ସମସ୍ତେ ମିଶି ବୁଝାସୁଝା କରିଥିଲେ । ଫଳରେ ସେ ସ୍ତ୍ରୀ ଛୁଆଙ୍କୁ ନେଇ ଘରକୁ ଫେରିଥିଲେ ।
ଡାକ୍ତରଖାନାରେ ଛୁଇଁଦେଲେ ଜାତି ଚାଲିଯିବ ବୋଲି ସେଠାକାର ଅନେକ ଲୋକ ବିଶ୍ବାସ କରନ୍ତି । ତେଣୁ ସେଠାରେ କୁସଂସ୍କାର ଦୂର କରିବାକୁ ଆଶକର୍ମୀ ଓ ସ୍ଥାନୀୟ ସ୍ୱାସ୍ଥ୍ୟକର୍ମୀ ମାନେ ଆଗେଇ ଆସିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।