ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କ ନାଁରେ ସଙ୍ଗୀନ ଅଭିଯୋଗ ଆଣିଛନ୍ତି ଭୁବନେଶ୍ବରର ଜଣେ ମହିଳା । ଉକ୍ତ ମହିଳାଙ୍କ ଅଭିଯୋଗ ଅନୁଯାୟୀ ଏକ ଜୁଏଲାରୀ ଦୋକାନରେ ଚାକିରି କରେଇ ଦେବେ କହି ତାଙ୍କ ଠାରୁ 30 ହଜାର ଟଙ୍କା ଠକି ନେଇଛନ୍ତି ବର୍ଷା ପ୍ରିୟଦର୍ଶିନୀ ଓ ତାଙ୍କ ଝିଆରୀ ଆୟୁଷୀ ପ୍ରିୟଦର୍ଶିନୀ । ଏହି ଘଟଣାକୁ ନେଇ ହାଇକୋର୍ଟଙ୍କ ଦ୍ଵାରସ୍ଥ ହୋଇଥିଲେ ମହିଳା । ହାଇକୋର୍ଟଙ୍କ ନିର୍ଦ୍ଦେଶକ୍ରମେ ବର୍ତ୍ତମାନ ସହୀଦନଗର ପୋଲିସ ଏହି ଘଟଣାକୁ ନେଇ ତଦନ୍ତ ଆରମ୍ଭ କରିଛି ।
ବର୍ଷାଙ୍କ ବିରୋଧରେ ଏଭଳି ଅଭିଯୋଗ ଆଣିଥିବା ମହିଳାଙ୍କ ନାମ ହେଉଛି କଲ୍ୟାଣୀ ନାୟକ । ଜନତା ମଇଦାନରେ ଏକ ମେଳାରେ ପ୍ରଥମ ଥର କରି ବର୍ଷାଙ୍କୁ ଭେଟିଥିଲେ କଲ୍ୟାଣୀ । ସେଠାରେ ସେ ତାଙ୍କର ଫ୍ୟାନ ବୋଲି କଥା ହେବାସହ ସେଲଫି ମଧ୍ୟ ନେଇଥିଲେ । ସେଠାରେ ବର୍ଷାଙ୍କ ସହ କଥା ହେବାବେଳେ ତାଙ୍କ ଝିଆରୀ ସହ କଥା ହେବାକୁ କହିଥିଲେ ବର୍ଷା । ଉକ୍ତ ମହିଳାଙ୍କୁ ଆୟୁଷୀ ନିଜ ଫୋନ ନମ୍ବର ମଧ୍ୟ ଦେଇଥିଲେ । ଥରେ କଲ୍ୟାଣୀଙ୍କୁ ରାସ୍ତାରେ ଝାଡୁ ମାରୁଥିବାର ଦେଖିଥିଲେ ଆୟୁଷୀ ।
ଏହାପରେ ସେ ତାଙ୍କୁ କହିଥିଲେ ଏତେ କମ୍ ଦରମାରେ ଏଭଳି କାମ କାହିଁକି କରୁଛ, ଆମେ ତୁମକୁ ଏକ ଭଲ ଚାକିରି କରେଇ ଦେବୁ ବୋଲି କହିଥିଲେ । ଏନେଇ କଲ୍ୟାଣୀଙ୍କୁ ବର୍ଷାଙ୍କ ସହ ଫୋନରେ କଥା କରେଇ ଦେଇଥିଲେ ଆୟୁଷୀ । ଲାଲଚାନ୍ଦ ଜୁଏଲର୍ସରେ 25 ହଜାର ଟଙ୍କା ଦରମାର ଭଲ ଚାକିରି କରେଇ ଦେବେ ବୋଲି କଲ୍ୟାଣୀଙ୍କୁ ସେମାନେ କଥା ଦେଇଥିଲେ ।
ହେଲେ ଏଥିପାଇଁ ସିକ୍ଯୁରିଟି ଚାର୍ଜ 50 ହଜାର ଦେବାକୁ ପଡିବ ବୋଲି କହିଥିଲେ । କିନ୍ତୁ ଗରିବ ଲୋକ ଏତେ ପଇସା ଦେଇପାରିବେ ନାହିଁ ବୋଲି କହି 30 ହଜାରରେ କଥା ଛିଣ୍ଡେଇଥିଲେ । ଏହାପରେ କଲ୍ୟାଣୀ ଆୟୁଷୀ ଦେଇଥିବା ଆକାଉଣ୍ଟକୁ 30 ହଜାର ଟଙ୍କା ପଠେଇଥିଲେ । ସେହି ଆକାଉଣ୍ଟଟି ବର୍ଷା ପ୍ରିୟଦର୍ଶିନୀଙ୍କର ଥିଲା ବୋଲି ଜଣାପଡିଛି । ଏହାପରେ କିନ୍ତୁ ଆଉ ଧରାଛୁଆଁ ଦେଇ ନଥିଲେ ଆୟୁଷୀ । ଆଉ କଲ୍ୟାଣୀଙ୍କ ସହ କଥା ହେଲେନି କି ଦେଖା ହେଲେନି ।
ଥରେ ଅଚାନକ ଦେଖାହେବା ପରେ କଲ୍ୟାଣୀ ଯେତେବେଳେ ତାଙ୍କୁ ପଚାରିଲେ ଆୟୁଷୀ ଓଲଟା ତାଙ୍କୁ ଛୋଟଜାତି କହି ଗାଳିଗୁଲଜ କରିବା ସହ ଗାଡି ଚଢେଇ ଦେବେ ବୋଲି ଧମକ ଦେଇଥିଲେ । ଶେଷରେ ନିରାଶା ହୋଇ ହାଇକୋର୍ଟଙ୍କ ଆଶ୍ରୟ ନେଇଛନ୍ତି କଲ୍ୟାଣୀ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।