90 ଦଶକର ଲୋକପ୍ରିୟ ଓଲିଉଡ ଅଭିନେତ୍ରୀ ମାମା ମିଶ୍ର ପ୍ରାୟ ଦୁଇ ଦଶନ୍ଧି ଧରି ଫିଲ୍ମ ଇଣ୍ଡଷ୍ଟ୍ରିରୁ ଦୂରେଇ ରହିଥିଲେ ମଧ୍ୟ ଆଜି ବି ଲୋକେ ତାଙ୍କୁ ମନେ ରଖିଛନ୍ତି । ଅନେକ ହିଟ୍ ଫିଲ୍ମ ଓ ଆଲବମରେ ଅଭିନୟର ଜାଦୁ ଦେଖାଇଥିବା ମାମା ମିଶ୍ର ଅଭିନେତା ସିଦ୍ଧାନ୍ତ ମହାପାତ୍ରଙ୍କୁ ବିବାହ କରିବା ପରେ ଅଭିନୟ ଦୁନିଆରୁ ଏକପ୍ରକାର ଗାୟବ ହୋଇ ଯାଇଥିଲେ । ତେବେ ଦୀର୍ଘ ବର୍ଷର ବ୍ଯବଧାନ ପରେ ମାମା ମିଶ୍ରଙ୍କୁ ଏବେ କ୍ୟାମେରା ସାମ୍ନାରେ ଦେଖିବାକୁ ମିଳିଛି ।
ମାମା ଅନନ୍ୟା କାର୍ଯ୍ୟକ୍ରମରେ ଯୋଗ ଦେଇ ତାଙ୍କ ଫିଲ୍ମ କ୍ଯାରିୟର ଓ ପାରିବାରିକ ଜୀବନକୁ ନେଇ ଅନେକ କଥାର ଖୁଲାସା କରିକହନ୍ତି । ସମାଜ, ପରିବାର ଏବଂ ଖାସ କରି ଗୃହିଣୀ ତଥା ସ୍ଵାମୀମାନଙ୍କ ପାଇଁ ସେ ସୁନ୍ଦର ବାର୍ତ୍ତା ମଧ୍ୟ ଦେଇଛନ୍ତି । ମାମା ମିଶ୍ରଙ୍କୁ ପଚରା ଯାଇଥିଲା କି, ଯେତେବେଳେ ସ୍କୁଲ କଲେଜରେ ପିଲାଙ୍କୁ ପଚରାଯାଏ ତୁମ ମା’ କଣ କରନ୍ତି ? ଯାହାର ମା ଯେଉଁ ପ୍ରଫେସନରେ ଥିବେ ପିଲାମାନେ କହିଥାନ୍ତି ।
କିନ୍ତୁ ଯାହାର ମା’ ଗୃହିଣୀ ହୋଇଥାନ୍ତି ସେମାନେ କହିଥାନ୍ତି ବା ତାଙ୍କୁ କୁହାଯାଏ କି ତୁମ ମା’ କିଛି କରନ୍ତି ନାହିଁ । ଏନେଇ ମାମା ମିଶ୍ର କହିଛନ୍ତି କି, ପିଲାମାନଙ୍କୁ ଛୋଟବେଳୁ ଏନେଇ ଶିକ୍ଷା ଦେବା ଉଚିତ । ବାପାମା’ ମନେ ପିଲାଙ୍କୁ ଶିଖାଇବା ଉଚିତ କି ମା’ ଘରକାମ କରନ୍ତି ବୋଲି ଆମେ ସ୍କୁଲ ଯାଇପାରୁଛୁ ଓ ବାପା କାମକୁ ଯାଇ ପାରୁଛନ୍ତି । ଗୃହିଣୀ ମାନେ ଘରକାମ କରୁଛନ୍ତି ମାନେ କିଛି କରନ୍ତି ନାହିଁ ଏହା କହିବା ସଂପୂର୍ଣ୍ଣ ଭୁଲ ।
ମାମାଙ୍କୁ ଆହୁରି ମଧ୍ୟ ପଚରା ଯାଇଥିଲା କି, ଯେବେ ସ୍ଵାମୀ ଏବଂ ପିଲାମାନେ ଘରେ ଥାନ୍ତି ସେମାନେ କହିଛନ୍ତି କି ମା’ ତୁମେ ସବୁଦିନ କାମ କରୁଛ ଆଜି ତୁମେ ରେଷ୍ଟ କର ଘରକାମ ଆମେ ସମ୍ଭାଳିବୁ ? ଏନେଇ ମାମା କହିଥିଲେ, ସିଦ୍ଧାନ୍ତ ଘରେ ରହିବାକୁ ବହୁତ ଭଲପାନ୍ତି ଓ ଘରକାମ କରିବାକୁ ବି ଭଲପାନ୍ତି । ସେ ଯେବେ ବିକ ଛୁଟିରେ ଘରେ ରୁହନ୍ତି କିଚେନରେ ମୋର ଆସିଷ୍ଟାଣ୍ଟ ହେଇକି ଥାନ୍ତି । ସବୁ କାମରେ ସିଦ୍ଧାନ୍ତ ମାମା ମିଶ୍ରଙ୍କୁ ସାହାଯ୍ୟ କରନ୍ତି ।
ସେ ଉଦାହରଣ ଦେଖାଇଛନ୍ତି କି, ସବୁ ସ୍ଵାମୀ ଏହିଭଳି ହେବା ଦରକାର । ସିଦ୍ଧାନ୍ତ ମହାପାତ୍ର ଓ ମାମା ମିଶ୍ରଙ୍କ ବୈବାହିକ ଜୀବନ ଯେ କେତେ ସଫଳ ଓ ମଧୁମୟ ତାହା ମାମାଙ୍କ କଥାରୁ ସ୍ପଷ୍ଟ ବାରି ହୋଇପଡୁଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।