ଆଜି ଆମେ ଆପଣଙ୍କୁ ଏଭଳି ଜଣେ ଭାରତୀୟ ଯବାନଙ୍କ ବିଷୟରେ କହିବାକୁ ଯାଉଛୁ ଯିଏ ସହିଦ ହେବା ପରେ ବି ଆଜିବି ସୀମା ଜଗୁଛନ୍ତି । ୧୯୬୮ରେ ଏହି ଯବାନଙ୍କ ମୃତ୍ୟୁ ହୋଇ ଯାଇଥିଲେ ମଧ୍ୟ ଆଜିବି ଦେଶଭକ୍ତିରେ ପରିପୂର୍ଣ୍ଣ ଏହି ବୀର ଯବାନଙ୍କ ଆତ୍ମା ଭାରତ-ଚୀନ ସେମାରେ ପହରା ଦେଉଛନ୍ତି । ଖାଲି ସେତିକି ନୁହେଁ ବରଂ ଭାରତ-ଚୀନ ମଧ୍ୟରେ ହେଉଥିବା ବୈଠକରେ ମଧ୍ୟ ଏହି ଯବାନଙ୍କ ପାଇଁ ଏକ ଖାଲି ଚୌକି ରଖା ଯାଇଥାଏ । ଶୁଣିବାକୁ ପାଗଳାମି ଭଳି ଲାଗୁଥିଲେ ବି ସତ ଜାଣିଲେ ବି ଆପଣଙ୍କ ଲୋମ ଟାଙ୍କୁରି ଉଠିବ ।
ଭାରତ-ଚୀନ ସୀମା ବହୁତ ଉଚ୍ଚରେ ଥିବାରୁ ଭାରତୀୟ ଯବାନଙ୍କୁ ଚୀନ ସୈନିକଙ୍କ ଭୟ ସହ ରକ୍ତଜମା କରିଦେବା ଭଳି ଥଣ୍ଡାର ଶିକାର ହେବାକୁ ମଧ୍ୟ ପଡେ । ଚୀନ ଯବାନମାନେ ଚତୁରତା ଦେଖାଇବାକୁ ଚେଷ୍ଟା କଲେ ମଧ୍ୟ ଆମ ବୀର ଯବାନଙ୍କ ଆଗରେ ସେମାନଙ୍କୁ ହାରିବାକୁ ପଡେ । କାରଣ ଆମ ଦେଶର ଯବାନଙ୍କ ସହ ଏମିତି ଜଣେ ଯବାନ ଥାଆନ୍ତି ଯିଏ କାହାରିକୁ ମଧ୍ୟ ଦେଖାଯାନ୍ତି ନାହିଁ । ସେ ହେଉଛନ୍ତି ଭାରତୀୟ ସେନାର ବୀର ଯବାନ ବାବା ହରଭଜନ ସିଂ ।
୩୦ ଅଗଷ୍ଟ ୧୯୪୬ରେ ହରଭଜନ ସିଂଙ୍କ ଜନ୍ମ ହୋଇଥିଲା । ପାକିସ୍ତାନର ଏକ ଗାଁରେ ଜନ୍ମ ହୋଇ ମଧ୍ୟ ଭାରତୀୟ ସେନା ପାଇଁ ସେ କାର୍ଯ୍ୟ କରିଥିଲେ । ଭାରତ ପାକିସ୍ତାନ ଭାଗ ହେବା ବେଳେ ହରଭଜନ ତାଙ୍କ ପରିବାର ସହ ଭାରତ ଚାଲି ଆସିଥିଲେ । ୧୯୬୬ରେ ତାଙ୍କୁ ପଞ୍ଜାବ ରେଜିମେଣ୍ଟର ୨୪ ବାଟାଲିୟନରେ ନିଯୁକ୍ତି ମିଳିଥିଲା ।
ଯାହାପରେ ଭାରତ-ଚୀନ ନାଥୁଲା ପାସ ସୀମାରେ ତାଙ୍କୁ ଡ୍ଯୁଟି ମିଳିଥିଲା, ଯେଉଁଠି ରକ୍ତ ଜମାଇ ଦେବା ଭଳି ଥଣ୍ଡା ହୁଏ । ଦିନେ ଖଚର ମାନଙ୍କ ସହାୟତାରେ ସେନା ଟେଣ୍ଟକୁ ଅତ୍ୟାବଶ୍ୟକ ସାମଗ୍ରୀ ଆଣୁଥିବା ବେଳେ ବରଫ ଝଡ କାରଣରୁ ହରଭଜନଙ୍କ ଗୋଡ ଖସି ଯାଇଥିଲା ଓ ସେ ନଦୀରେ ଯାଇ ପଡି ଯାଇଥିଲେ । ହେଲେ ଅନେକ ଖୋଜାଖୋଜି ପରେବି ହରଭଜନ ମିଳି ନଥିଲେ । ହେଲେ ଆପଣ ଶୁଣିଲେ ଆଶ୍ଚର୍ଯ୍ୟ ହେବେ ସେ ଜଣେ ଯବାନଙ୍କ ସ୍ଵପ୍ନରେ ଆସି କେଉଁଠାରେ ପଡିଛନ୍ତି ବୋଲି କହିଥିଲେ ।
ଶବ ମିଳିବା ପରେ ତାଙ୍କୁ ସମ୍ମାନର ସହ ସମାଧି ଦିଆ ଯାଇଥିଲା । ଏହାର କିଛିଦିନ ପରେ ନାଥୁଲା ପାସର ଜଣେ ଯବାନଙ୍କ ସ୍ଵପ୍ନରେ ସେ ଆସି ତାଙ୍କର ସମାଧି ତିଆରି କରିବା ପାଇଁ ଅନୁରୋଧ କରନ୍ତି । ତାଙ୍କ ବୀରତା ଓ ବଳିଦାନକୁ ଆଖିରେ ରଖି ୧୯୮୨ରେ ତାଙ୍କର ସମାଧି ତିଆରି ହୋଇଥିଲା । ଯାହାକି ବାବା ହରଭଜନ ସିଂ ମନ୍ଦିର ଭାବେ ଜଣାଶୁଣା ।
ଏହାପରେ ଗୋଟିଏ ପରେ ଗୋଟିଏ ଯବାନଙ୍କ ସ୍ଵପ୍ନରେ ହରଭଜନ ଆସି ତାଙ୍କ ଆତ୍ମା ସବୁବେଳେ ଭାରତର ସୀମାକୁ ସୁରକ୍ଷା ଦେଉଥିବ ବୋଲି କୁହନ୍ତି । ସେନାପ୍ରମୁଖ ଏଭଳି ଘଟଣାରେ ବିଲକୁଲ ବିଶ୍ବାସ କରୁ ନଥିଲେ ମଧ୍ୟ ପରେ ଏମିତି କିଛି ଘଟିଥିଲା ଯାହାକି ସେ ମଧ୍ୟ ବିଶ୍ବାସ କରିବାକୁ ବାଧ୍ୟ ହୋଇଥିଲେ । ଦିନେ ଥଣ୍ଡା କାରଣରୁ ଦୁଇଜଣ ଯବାନଙ୍କ ଆଖି ଲାଗି ଯାଇଥିଲା । ସେତିକି ବେଳେ ତାଙ୍କୁ କେହି ଜଣେ ଆସି ଚଟକଣି ମାରିଥିଲା ଓ ଏହାପରେ ସେମାନେ ଡ୍ଯୁଟି କରିବାକୁ ଆରମ୍ଭ କରିଥିଲେ ।
ଯୁଦ୍ଧ ବେଳେ ଭୁଲ ହେଉଥିଲେ ବି ହରଭଜନ ତାକୁ ସୁଧାରି ଦେଉଥିଲେ । ଯାହା ସେନାପ୍ରମୁଖ ବି ମାନିବାକୁ ବାଧ୍ୟ ହୋଇଥିଲେ । କେହି ଜଣେ ଭାରତୀୟ ସେନା ଘୋଡାରେ ଚୀନ ସୀମାରେ ତଦାରଖ କରୁଛନ୍ତି ବୋଲି ଚୀନ ସେନାପ୍ରମୁଖ ମଧ୍ୟ କହିଥିଲେ । ଏହାର ସତ୍ୟତା ତଦାରଖ କରିବା ପାଇଁ ଭାରତୀୟ ସେନା ଯାଇ ଦେଖନ୍ତି ତ ସେଠାରେ ଘୋଡାର ପାଦଚିହ୍ନ ରହିଛି ।
ଯାହାପରେ ସମସ୍ତେ ଆଶ୍ଚର୍ଯ୍ୟ ହେବା ସହ ହରଭଜନଙ୍କ ସମାଧିରେ ତାଙ୍କର ୟୁନିଫର୍ମ ଓ ନିତ୍ୟ ବ୍ୟବହାର୍ଜ୍ୟ ଜିନିଷ ରଖାଗଲା । ତାଙ୍କୁ ସେନାର ପରିଚୟ ଦିଆଯିବ ସହ ତାଙ୍କ ଉପରେ ମଧ୍ୟ ସେନାର ନିୟମାଦେଶ ଲାଗୁ ହେଲା । ଖାଇବା ପିଇବା ସହ ଅନ୍ୟ ଯବାନଙ୍କ ଭଳି ଟନକୁ ମଧ୍ୟ ଦୁଇ ମାସ ଛୁଟି ମିଳିଲା । ତାଙ୍କ ନାଁରେ ପ୍ରତ୍ଯେକ ଛୁଟିରେ ଟ୍ରେନ ଟିକେଟ ମଧ୍ୟ ବୁକ୍ କରାଯାଉଛି । ତାଙ୍କ ଘର ଷ୍ଟେସନ ନ ଆସିବା ପର୍ଯ୍ୟନ୍ତ ତାଙ୍କ ନାଁରେ ବୁକ୍ ହୋଇଥିବା ଖାଲି ରୁହେ ।
ଏମିତି ଛୁଟି ସରିବା ପରେ ସେନାର ଟ୍ରକ ମଧ୍ୟ ତାଙ୍କୁ ଆଣିବାକୁ ଆସେ । ରାତିରେ ଡ୍ଯୁଟି କରୁଥିବାରୁ ତାଙ୍କ କବାଟ ବନ୍ଦ କରି ଦିଆଯାଏ । ଏମିତି ବି ଦେଖାଯାଇଛି କି ସକାଳେ ବାବାଙ୍କ ବେଡ ଶୋଇବା ଭଳି ହୋଇଥାଏ ଓ ଜୋତାରେ ମାଟିବି ଲାଗିଥାଏ । ଏସବୁ ଘଟଣା ପରେ ଯେକେହି ବି ଏଭଳି ଯବାନଙ୍କ ଦେଶଭକ୍ତି ଉପରେ ବିଶ୍ବାସ କରିବ ।