ଆଜି ଆମେ ଆପଣଙ୍କୁ ଏଭଳି ଏକ ଗାଁର ଦ୍ରୁଶ୍ଯ ଦେଖାଇବୁ ଯେଉଁଠି କୌଣସି ଝିଅ ପାଠ ପଢି ନାହାନ୍ତି । ବିକାଶ କଥା କିଏ ପଚାରେ ! ଯେଉଁ ବୟସରେ ସ୍କୁଲ ଯିବା କଥା ସେହି ବୟସରେ ମାଟି କାନ୍ଥକୁ ପୋଛା ମାରୁଛି ଏହି ଝିଅ । ବର୍ତ୍ତମାନର ଯୁଗରେ ମହିଳା ମାନେ ପାଠ ପଢି ଆକାଶରେ ଉଡିଲେଣି । କିନ୍ତୁ ଏହି ଗାଁର ପିଲାଙ୍କ ପାଇଁ ପାଠ ସାତ ସପନ ହୋଇ ରହିଯାଇଛି । ଆବୁଡା ଖାବୁଡା ଜଙ୍ଗଲିଆ ରାସ୍ତା ଓ ଘଞ୍ଚ ଜଙ୍ଗଲ ମଧ୍ୟରେ ତିନୋଟି ପାହାଡ, ନାଳ, ଝରଣା ଡେଇଁ ଗଲେ ଭୂଗୋଳରେ ରାସ୍ତା ନଥିବା ଏହି ଗାଁ ତୁର୍କା ପଡେ ।
ଗାଁ ବସିବାର ଶହେ ବର୍ଷ ହେଲାଣି ହେଲେ ଏବେବି ସେଟାକୁ ରାସ୍ତା କି କିଛିବି ନାହିଁ । ଆପଣ ଜାଣିଲେ ଆଶ୍ଚର୍ଯ୍ୟ ହେବେ କି ଏହି ଗାଁର କୌଣସି ଝିଅ ପିଲା ପାଠ ପଢି ନାହାନ୍ତି । ଝିଅପିଲା ପାଠ ପଢିବାକୁ ନେଇ ଅନେକ ଅଭିଯାନ ରହିଥିଲେ ମଧ୍ୟ ଏହି ଗାଁରେ ସବୁ ଫେଲ । ଘଞ୍ଚ ଜଙ୍ଗଲିଆ ରାସ୍ତା ଯୋଗୁଁ ୩୦ ଗୋଟି ଆଦିବାସୀ ପରିବାର ଥିବା ଏହି ତୁର୍କା ଗାଁରେ ପାଠୁଆ ପିଲା କହିଲେ ବର୍ତ୍ତମାନ ନବମ ଶ୍ରେଣୀରେ ପଢୁଥିବା ନବୀନ ମାଝୀ ଛଡା ଆଉ କେହି ନାହାନ୍ତି ।
ଏହି ଗାଁ ହେଉଛି କଳାହାଣ୍ଡି ଜିଲ୍ଲା ଲାଞ୍ଜିଗଡ ବ୍ଲକ ଅନ୍ତର୍ଗତ ଲାଞ୍ଜି ପଞ୍ଚାୟତର କୂଟିଆ କନ୍ଧଙ୍କ ଗାଁ ତୁର୍କା । ସ୍କୁଲକୁ ଯିବାକୁ ହେଲେ ୮-୧୦ କିଲୋମିଟର ଯୁବା ଗାଁକୁ ଯିବାକୁ ପଡିବ । କିନ୍ତୁ ଘଞ୍ଚ ଜଙ୍ଗଲ ପାହାଡ ଝରଣା ଥିବାରୁ କେହି ପୁଅ ଝିଅ ସ୍କୁଲ ଯିବାକୁ ନାରାଜ । ଏମିତିରେ ଜଣେ ପୁଅ ବହୁ କଷ୍ଟରେ ନବମ ଶ୍ରେଣୀ ଯାଏଁ ପଢି ଗାଁର ଜଣେ ପାଠୁଆ ପୁଅ ଭାବରେ ପରିଚିତ ହୋଇଛନ୍ତି ।
ତୁର୍କା ଗାଁରୁ ପଞ୍ଚାୟତ ମୁଖ୍ୟାଳୟ ମାତ୍ର ୧୬କିମି । କିନ୍ତୁ ସରକାରଙ୍କ ବିକାଶ ଏମାନେ ଦେଖି ନାହାନ୍ତି କି ଜାଣି ନାହାନ୍ତି । ଗାଁରେ କାହାର ଦେହ ଖରାପ ହେଲେ ମଧ୍ୟ ହସ୍ପିଟାଲ ଯିବାକୁ ବହୁତ ହଇରାଣ ହୋଇଥାନ୍ତି ଗ୍ରାମବାସୀ । ସେପଟେ ସରକାର ଡିଣ୍ଡୋରା ପିଟୁଛନ୍ତି କି ଆମେ ସବୁଥିରେ ଏକ ନମ୍ବର । ତେବେ ଏହି ଗାଁକୁ ଦେଖିଲେ ପ୍ରଶ୍ନ ଉଠୁଛି କି ଆମେ କଣ ଶିକ୍ଷା ଯୋଗାଇବାରେ ବି ଏକ ନମ୍ବର ? ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।