ଅଭିନୟ ହେବ ଆଶା ରଖି କେତେ କଣ ସଂଘର୍ଷ କରି ବାଲେଶ୍ଵରରୁ ଭୁବନେଶ୍ବର ଆସିଥିଲେ । “ସିନେ ଷ୍ଟାର କି ଖୋଜ୍” ରେ ସେ ବିଜେତା ମଧ୍ୟ ହୋଇଥିଲେ । ହେଲେ ଭାଗ୍ୟ ତାଙ୍କ ପାଇଁ କିଛି ଅଲଗା ଯୋଜନା ରଖିଥିଲା । ଅଭିନେତା ହେବାର ସ୍ଵପ୍ନ ଦେଖିଥିବା ଏହି ଯୁବକ ଏବେ ଜଣେ ଫେମସ୍ ୟୁଟ୍ଯୁବର । ତାଙ୍କର କଣ୍ଟେଣ୍ଟକୁ ଲୋକେ ବହୁତ ପସନ୍ଦ କରିବା ସହ ସେ ୟୁଟ୍ଯୂବରୁ ଭଲ ରୋଜଗାର ମଧ୍ୟ କରୁଛନ୍ତି । ତେବେ ଆଜି ଆମେ ଜାଣିବା ୟୁଟ୍ଯୁବର ମନ୍ମୟ ଦେ’ ଙ୍କ କିଛି ଅକୁହା କଥା ।
ମନ୍ମୟ କହିଛନ୍ତି ସେ ଏବେ ବି ଅଭିନୟ ହିଁ କରୁଛନ୍ତି । ଯେହେତୁ ତାଙ୍କୁ ଓଲିଉଡ ଇଣ୍ଡଷ୍ଟ୍ରିରେ ଅଭିନୟର କୌଣସି ସୁଯୋଗ ମିଳିଲାନି ସେଠାରେ ତାଙ୍କର ଅଭିନେତା ହେବାର ସ୍ଵପ୍ନ ଭାଙ୍ଗିଗଲା । ହେଲେ ସେ ନିଜେ ଏହି ସ୍ଵପ୍ନକୁ ଭାଙ୍ଗିବା ପାଇଁ ଦେଇ ନଥିଲେ । ୟୁଟ୍ଯୂବ ମାଧ୍ୟମରେ ନିଜର ଅଳ୍ପ ବହୁତ ଆଇଡିଆ ଲଗେଇ ଛୋଟ ଛୋଟ ଫିଲ୍ମ ଏବଂ କମେଡି ଫିଲ୍ମ ଆଦି ତିଆରି କରିବାକୁ ଚିନ୍ତା କରିଥିଲେ । ତେବେ ଏଥିପାଇଁ ସେ ଏକ ଟିମ୍ ବନେଇଥିଲେ ଏବଂ ଏଥିପାଇଁ ବହୁତ ସଂଘର୍ଷ ମଧ୍ୟ କରିବାକୁ ପଡିଛି ।
ପ୍ରଥମେ ସେ “ବିଗ ବ୍ରେକ” ସେମିଫାଇନାଲରୁ ଏଲିମିନେଟ ହୋଇ ଯାଇଥିଲେ । ଏହାର କିଛି ମାସ ପରେ ଓଡିଶାର ବେଷ୍ଟ ସିନେ ଷ୍ଟାର ଖୋଜ ଆରମ୍ଭ ହୋଇଥିଲା । ହେଲେ ଗୋଟିଏ ଶୋ’ରୁ ଏଲିମିନେଟ ହୋଇ ଆସିଥିବାରୁ ତାଙ୍କୁ ବିଲକୁଲ ଇଚ୍ଛା ନଥିଲା । କିନ୍ତୁ ବାପା ତାଙ୍କୁ ଉତ୍ସାହ ଦେଇ ଚେଷ୍ଟା କରିବାକୁ କହିଥିଲେ ଓ ସେଠାକୁ ଯାଇ ମନ୍ମୟ ୱିନର ମଧ୍ୟ ହୋଇଥିଲେ । ସେ ବହୁତ ଖୁସି ହୋଇ ଯାଇଥିଲେ କି, ଏବେ ସେ ଅଭିନୟ କରିବାକୁ ସୁଯୋଗ ପାଇବେ ।
କିନ୍ତୁ ଅନେକ ଦିନ ଅପେକ୍ଷା କରିବା ପରେ ମଧ୍ୟ ତାଙ୍କ ପାଖକୁ କୌଣସି ଅଫର୍ ଆସି ନଥିଲା । ଏହାପରେ ସେ ବାଲେଶ୍ଵରରୁ ଭୁବନେଶ୍ବରକୁ ସିଫ୍ଟ ହୋଇଥିଲେ । ସେଠାରେ ବହୁତ ଫିଲ୍ମ ଏବଂ ସିରିଏଲ ଆଦି ପାଇଁ ଅଡିସନ ଦେଇଥିଲେ । କିନ୍ତୁ ତାଙ୍କୁ କିଛି ବି ଫାଇଦା ମିଳିଲାନି । ସେତେବେଳକୁ ମନ୍ମୟ ୟୁଟ୍ଯୂବ ମଧ୍ୟ ଆରମ୍ଭ କରି ସାରିଥିଲେ । ହେଲେ ଅଡିସନ ଟା କେବଳ ଖାଲିରେ ହୁଏ ଓ କେବଳ ନ୍ୟୁ କମର୍ ମାନେ ସେଠାକୁ ଆସନ୍ତିନି ।
ଯେଉଁମାନେ ପୂର୍ବରୁ ସିରିଏଲ କରି ସାରିଛନ୍ତି ସେମାନେ ପୂର୍ବରୁ ହିଁ ସିଲେକ୍ଟ ହେଇକି ଥାନ୍ତି । ଏମିତି ସବୁ ଦେଖିବା ପରେ ମନ୍ମୟଙ୍କ ମନ ଭାଙ୍ଗି ଯାଇଥିଲା । ଆଉ ସେ ୟୁଯୁବ ମାଧ୍ୟମରେ ହିଁ ନିଜ ପ୍ରତିଭା ଲୋକଙ୍କ ପାଖରେ ପହଞ୍ଚାଇ ସେମାନଙ୍କ ମନୋରଞ୍ଜନ କରିବେ ବୋଲି ଭାବିଥିଲେ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।