ଆଜିକାଲି ପ୍ରାୟ ସମସ୍ତେ ଫେସବୁକ ବ୍ୟବହାର କରୁଛନ୍ତି । କିନ୍ତୁ ଅନେକ ମନ୍ଦ ପ୍ରବୃତ୍ତିର ଲୋକେ ସୋସିଆଲ ମିଡିଆ ପ୍ଲାଟଫର୍ମ ଗୁଡିକୁ ମଧ୍ୟ ମନ୍ଦ ଉଦ୍ଦେଶ୍ୟ ପାଇଁ ବ୍ୟବହାର କରୁଛନ୍ତି । ବିଶେଷ କରି ଝିଅମାନେ ଏଥିପ୍ରତି ସାବଧାନ ରହିବା ଆବଶ୍ୟକ । କାରଣ ଫେସବୁକରେ ମଧ୍ୟ ଷ୍ଟକର୍ ବୁଲୁଛନ୍ତି । ଯେଉଁମାନେ ଫେସବୁକ ପ୍ରୋଫାଇଲ ଲକ୍ କରି ଫ୍ରେଣ୍ଡ ରିକ୍ୟୁଏଷ୍ଟ ପଠାଉଛନ୍ତି । ଆଉ ତା’ପରେ ହାବଭାବ ଲକ୍ଷ୍ୟ କରି ପଛରେ ଫଲୋ କରୁଛନ୍ତି । ଆଉ ଏକୁଟିଆ ଜାଗା ଦେଖି ହାରାସମେଣ୍ଟ କରୁଛନ୍ତି ।
ଏହିପରି ଜଣେ ଷ୍ଟକର୍ ଙ୍କ ହାରାସମେଣ୍ଟର ଶିକାର ହୋଇଛନ୍ତି ଏହି ଯୁବତୀ । ଏନେଇ ମଞ୍ଚେଶ୍ଵର ଥାନାରେ ମଧ୍ୟ ଏକ ଅଭିଯୋଗ ଦାଖଲ କରିଛନ୍ତି । ଯୁବତୀଙ୍କ କହିବା ଅନୁସାରେ ସେ ସନ୍ଧ୍ୟା ୭ଟା ସମୟରେ କାର୍ଯ୍ୟ ଶେଷ କରି ତାଙ୍କ ରୁମ୍ କୁ ଫେରୁଥିଲେ । ଆଉ ସେହି ସମୟରେ କେହି ଜଣେ ବାଇକରେ ଆସି ପଛ ପଟୁ ତାଙ୍କ ଫୋନ ଛଡେଇକି ନେଇଗଲା । ଯୁବତୀ ପାଟି କଲା ବେଳକୁ ବାଇକ ବାଲା ଶେଷଠାରୁ ପଳାଇଥିଲା ।
ଯୁବତୀ ନିଜ ନମ୍ବରକୁ ଫୋନ ଲଗାଇବାକୁ ଚେଷ୍ଟା କଲେ ମଧ୍ୟ ତାଙ୍କ ଫୋନ ସ୍ଵିଚ ଅଫ ଥିଲା ।କିନ୍ତୁ ତା’ ପରଦିନ ସକାଳେ ସେ ନିଜ ନମ୍ବରକୁ ଆଉଥରେ କଲ୍ ଲଗାଇଥିଲେ ଆଉ ତାହା ରିଙ୍ଗ ମଧ୍ୟ ହୋଇଥିଲା । ଆଉ ସେପଟୁ ଜଣେ ପୁଅଟିଏ ଫୋନ ରିସିଭ କରି କହିଥିଲେ, “ମୁଁ ତୋ ଫେସବୁକ ସାଙ୍ଗ ଜିତୁ ଦାସ । ମୁଁ ଓଡିଶା ପୋଲିସରେ କାମ କରୁଛି । ଥରୁଟେ ମୋ ସହ ପୁରୀ ଚାଲ ତୋ ଫୋନ ତୋତେ ଦେଇଦେବି ।”
ଯୁବତୀ ଜଣକ ସେ ପିଲାକୁ ଜାଣି ନଥିବା କହିଛନ୍ତି । ନୂଆବର୍ଷ ଦିନ ତାଙ୍କୁ ଜିତୁ ଦାସ ଫ୍ରେଣ୍ଡ ରିକ୍ୟୁଏଷ୍ଟ ପଠାଇଥିଲେ ଆଉ ଯୁବତୀ ଜଣକ ତାହ ଆକସେପ୍ଟ କରି ଦେଇଥିଲେ । ତା’ପରେ ଯୁବକ ତାଙ୍କୁ ମେସେଜରେ ନୂଆବର୍ଷର ଅଭିନନ୍ଦନ ଜଣାଇଥିଲେ, ଯାହାର ରିପ୍ଲାଇ ମଧ୍ୟ ଦେଇଥିଲେ ଯୁବତୀ । ଏହା ବ୍ଯତୀତ ସେ ତାଙ୍କ ସହ କଥା ହୋଇ ନାହାନ୍ତି କି ତାଙ୍କ ବିଷୟରେ କିଛି ଜାଣି ନାହାନ୍ତି ।
ତେବେ ଯୁବକ ଜଣକ ଫୋନ ଫେରାଇବ ବଦଳରେ ଯୁବତୀଙ୍କ ଠାରୁ ଅଜବ ଡିମାଣ୍ଡ କରିବା ପରେ ଫୋନ ପାଇବା ଆଶାରେ ସେ ତାଙ୍କୁ ହଁ କହିଥିଲେ । ଆଉ ତାଙ୍କୁ ତାଙ୍କ ରୁମ୍ ସାମ୍ନାକୁ ଡ଼ାକିଥିଲେ । ଏହି ସମସ୍ତ କଥା ଯୁବତୀ ଜଣକ ରହୁଥିବା ରୁମ୍ ର ମାଲିକଙ୍କୁ ଜଣାଇଥିଲେ । ଯାହାଫଳରେ ଫୋନ ଛଡାଇ ନେଇଥିବା ଯୁବକ ଯେତେବେଳେ ଆସିବେ ସେ ତାଙ୍କୁ ଧରିବାକୁ ଚେଷ୍ଟା କରିବେ ।
କିନ୍ତୁ ସେମାନଙ୍କ ଯୋଜନା ଫେଲ ହୋଇ ଯାଇଥିଲା ଆଉ ସମ୍ପୃକ୍ତ ଯୁବକ ସେଠାରୁ ଖସି ପଳାଇଥିଲା । ଏହାପରେ ଘଟଣା ସମ୍ପର୍କରେ ଯୁବତୀ ଜଣକ ଥାନାରେ ଲିଖିତ ଅଭିଯୋଗ ଦେଇଛନ୍ତି । ପୋଲିସ ମଧ୍ୟ ତଦନ୍ତ ଆରମ୍ଭ କରିଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ .।