ମୋ ପୁଅ ହାଉଁଆଟା ଥିଲା । ଥରକେ କାନ୍ଦିଏ କଦଳୀ ନହେଲେ 30-40ଟି ପଇଡ ଏକାସାଙ୍ଗେ ଖାଇ ଦିଏ । ତା’ ଭାଇକୁ ଟିକେ ଦେବାକୁ କହିଲେ ବିଲକୁଲ ବି ଦେବନି । କହିବ ଆହୁରି ଅଛି ସେ ଯାଇ ଖାଇଦେଉ । ଏବେ ସେ କିଛି ବି ଖାଉନି । କଦଳୀ ପଇଡ ସବୁ ଘରେ ସେମିତି ସଢି ଯାଉଛି । ମୋ ପୁଅ ଆଉ ଏ ଦୁନିଆରେ ନାହିଁ, ଦେଶ ପାଇଁ ଶହୀଦ ହୋଇଯାଇଛି । କାନ୍ଦି କାନ୍ଦି ଏମିତି କିଛି କହି ଯାଉଛନ୍ତି ଶହୀଦ ଦେବାଶିଷ ବିଶ୍ଵାଳଙ୍କ ବାପା । ପୁଅକୁ ହରେଇ ଛାତିରୁ କୋହ ସରୁନି କି ଆଖିରୁ ଲୁହ ଶୁଖୁନି ।
ପୁଅ ଚାଲିଯିବା ପରେ ତା’ର ପୁରୁଣା କଥା ସବୁ ମନେପକାଇ ଭୋ ଭୋ ହୋଇ କାନ୍ଦୁଛନ୍ତି ବାପାମା’, ଭାଇ, ସ୍ତ୍ରୀ ଓ ପୁରା ପରିବାର । ପୁଅ ମୋର କେତେ ଖାଏ ହେଲେ ଏବେ ଟିକେ ଖାଇବାକୁ ମାଗୁନି । ପୁଅର ମୁହଁ ଦେଖି ମା’ ମୁଣ୍ଡପିଟି କାଣ୍ଡିବାର ଦେଖିବାକୁ ମିଳିଥିଲା । ଦେବାଶିଷଙ୍କ ପରିବାର ଲୋକଙ୍କୁ ଏମିତି ଅନେକ କଥା ସବୁ ମନେ ପଡିଯାଉଛି । ପୁଅ ବୀରତ୍ଵ ହାସଲ କରିଛି ଏଥିରେ ପରିବାର ଗର୍ବିତ ଥିଲେ ମଧ୍ୟ ପୁଅକୁ ହରାଇବା ଦୁଃଖକୁ ସହଜରେ ଗ୍ରହଣ କରି ପାରୁନାହାନ୍ତି ।
ଦେବାଶିଷଙ୍କ କେଇ ମାସର କୁନି ଝିଅଟିଏ ଅଛି । ସ୍ଵାମୀକୁ ହରେଇ ଏବେ ସତେ ଯେମିତି ମୁକ ପାଲଟି ଯାଇଛି ସ୍ତ୍ରୀ । ପୁଞ୍ଚରେ ହୋଇଥିବା ଆ-ତ-ଙ୍କ-ବା-ଦୀ ଆ-କ୍ର-ମ-ଣ-ରେ ବୀରଗତି ପ୍ରାପ୍ତ କରିଛନ୍ତି ପୁରୀ ଜିଲ୍ଲାର ପୁଅ ଦେବାଶିଷ । ତାଙ୍କ ସହ ଆହୁରି ଚାରିଜଣ ଯବାନ ମଧ୍ୟ ଏହି ଆ-କ୍ର-ମ-ଣ-ରେ ଶହୀଦ ହୋଇଥିଲେ ।
ଦେବାଶିଷଙ୍କୁ ଦେଖିବାକୁ ତାଙ୍କ ଘରକୁ ପ୍ରତିଦିନ ଅନେକ ନେତା ମନ୍ତ୍ରୀ ଓ ବଡ ବଡ କଳାକାର ମାନେ ଆସୁଛନ୍ତି । କିଏ କେତେ କଥା କହୁଛନ୍ତି ହେଲେ ପରିବାର ଲୋକଙ୍କ ମନ ବୁଝୁନି । ଦେବାଶିଷଙ୍କ ପରିବାରରେ ସତେ ଯେମିତି ଦୁଃଖର ପାହାଡ ଭାଙ୍ଗି ପଡିଛି । ତାଙ୍କର ମାତ୍ର ଚାରି ମାସର ଝିଅଟିଏ । ବିବାହକୁ ବର୍ଷେ ହୋଇଛି । ଆଉ ଆରପାରିକୁ ଚାଲି ଯାଇଛନ୍ତି ଦେବାଶିଷ । କେଇ ଦିନ ଆଗରୁ ଘରକୁ ଆସି ଝିଅର ଏକୋଇଶିଆ ପାଳନ କରି ଫେରିଥିଲେ ଦେବାଶିଷ ।
ହେଲେ ଅଳ୍ପ ଦିନ ଭିତରେ ତ୍ରିରଙ୍ଗାରେ ଘୋଡା ହୋଇ ଘରକୁ ଫେରିଲେ । ପୁଅକୁ ହରାଇ ବାପାମା’ ଓ ଭାଇ ସମସ୍ତେ କେମିତି ଅସମ୍ଭାଳ ହୋଇ କାନ୍ଦୁଛନ୍ତି ଦେଖିଲେ କାହାର ବି ହୃଦୟ ସହିବନି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।