ଆଜି ମୋ ଜନ୍ମଦିନରେ ଆସି ମୋ ହାତ ଧରି ଘର ତାଲା ଖୋଲି ଭିତରକୁ ନେଇଗଲା ମୋ ଧନ । ଆଉ ମୋ ମଥାରେ ସିନ୍ଦୂର ଓ ହାତରେ ଶଙ୍ଖା ଦେବ ବୋଲି ବି ପ୍ରତିଶ୍ରୁତି ଦେଇଛି ମୋ ଧନ । ସତରେ ଆଜି ମୁଁ ବହୁତ ଖୁସି ଆଉ ଏ ଖୁସିର କିଛି ସୀମା ନାହିଁ । ଦୁଇଦିନ ଧରି ନ୍ୟାୟ ପାଇବା ପାଇଁ ପ୍ରେମିକଙ୍କ ଘର ସାମ୍ନାରେ ବସିଥିବା ଏହି ପ୍ରେମିକା ଜଣକ ମନେ ମନେ କିଛି ଏଭଳି କହୁଥିବେ । କାରଣ ଶେଷରେ ତାଙ୍କ ଅପେକ୍ଷା ସାର୍ଥକ ହୋଇଛି ଆଉ ତାଙ୍କ ଧନ ଆସି ତାଙ୍କୁ କୋଳେଇ ନେଇଛି ।
ଆଉ ନିଜ ଘରେ ନେଇ ରଖିଛି । ଆଜି ସେ ନିଜ ପ୍ରେମ, ପ୍ରେମିକ ଓ ଦୁନିଆକୁ ପାଇ ଯାଇଛନ୍ତି । କାରଣ ତାଙ୍କ ଧନ ତାଙ୍କ ହାତ ଧରି ନିଜ ଘର ଭିତରକୁ ନେଇ ଯାଇଛନ୍ତି । ଯୁବତୀ ଏବେ ନିଜ ମନର ମଣିଷ ପାଖେ ନିଜ ଶାଶୁଘରେ ଅଛନ୍ତି । ଦୁଇଦିନର ସଂଘର୍ଷ ପରେ ଶେଷରେ ତାଙ୍କୁ ନ୍ୟାୟ ମିଳିଛି । ପ୍ରେମିକ ରଞ୍ଜନ ଓଝାଙ୍କ ଘର ଦୁଆର ଆଗରେ ଧାରଣାରେ ବସିଥିବା ମାମାଙ୍କୁ ଆଜି ନ୍ୟାୟ ମିଳିଛି ।
ତାଙ୍କ ପ୍ରେମିକ ଆସି ଟାଙ୍କି ନିଜର କରି ହତଧାରୀ ଘର ଭିତରକୁ ନେଇ ଯାଇଛନ୍ତି । ଇନଷ୍ଟାଗ୍ରାମରୁ ଆରମ୍ଭ ହୋଇଥିଲା ଉଭୟଙ୍କ ପ୍ରେମ । ଘଣ୍ଟା ଘଣ୍ଟା ଧରି ଚାଟିଂରୁ ଅଧିକ ନିବିଡ ହୋଇଥିଲା ସମ୍ପର୍କ । ଆଉ ବାହା ହେବାର ପ୍ରତିଶ୍ରୁତି ଦେଇ ପ୍ରେମିକ ଶାରୀରିକ ସମ୍ପର୍କ ରଖିଥିଲେ । କିନ୍ତୁ ଅଧା ରାସ୍ତାରେ ପ୍ରେମିକାଙ୍କୁ ଛାଡି ଚମ୍ପଟ ମାରିବାକୁ ବସିଥିଲେ ।
ଶେଷରେ କିଛି ଉପାୟ ନପାଇ ନ୍ୟାୟ ପାଇଁ ପ୍ରେମିକଅଙ୍କ ଘର ବାହାରେ ଧାରଣାରେ ବସିଥିଲେ ମାମା । କିନ୍ତୁ ଦୁଇଦିନ ପରେ ପ୍ରେମିକ ଆସି ତାଙ୍କୁ ଘର ଭିତରକୁ ନେଇ ଯାଇଛନ୍ତି । ଆଉ ସବୁଠୁ ବଡ କଥା ହେଲା ଆଜି ମାମାଙ୍କ ଜନ୍ମଦିନ । ତାଙ୍କ ଜନ୍ମଦିନରେ ପ୍ରେମିକ ତାଙ୍କୁ ନିଜର କରି ସବୁଠୁ ବଡ ଉପହାର ଦେଇଛନ୍ତି ।
ଆଗକୁ ତାଙ୍କୁ ନିଶ୍ଚୟ ଶଙ୍ଖା ସିନ୍ଦୂର ଦେବେ ବୋଲି ମଧ୍ୟ କଥା ଦେଇଛନ୍ତି । ମାମା ତାଙ୍କ ପ୍ରେମିକଙ୍କ ଘରେ ପ୍ରବେଶ କରି ତାଙ୍କୁ ପାଖରେ ପାଇ ବେଶ ଖୁସି ଅଛନ୍ତି । ଏଥିପାଇଁ ସେ ଗଣମାଧ୍ୟମକୁ ଅଶେଷ ଧନ୍ୟବାଦ ଜଣାଇଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।