ବିବାଦରେ ଫସି ଯାଇଛନ୍ତି ବଲିଉଡ ଅଭିନେତ୍ରୀ ଆଲିଆ ଭଟ୍ଟ । ଜେଲ୍ ଯାଇ ପାରନ୍ତି ଆଲିଆ । ତାଙ୍କର ଆଗାମୀ ଫିଲ୍ମ ‘ଗଙ୍ଗୁବାଇ କାଠିଆବାଡି’ କୁ ନେଇ ଆରମ୍ଭ ହୋଇ ଯାଇଛି ଅଡୁଆ । ଏହି ଫିଲ୍ମର ଟ୍ରେଲର ରିଲିଜ ହେବା ପର ଠାରୁ ଆଲିଆ ଭଟ୍ଟ ଅଡୁଆ ସୂତାରେ ଛନ୍ଦି ହୋଇ ପଡିଛନ୍ତି । ତେବେ କେବଳ ଆଲିଆ ନୁହନ୍ତି ବରଂ ଫିଲ୍ମର ନିର୍ଦ୍ଦେଶକ ସଞ୍ଜୟ ଲୀଲା ଭଂସାଲୀଙ୍କୁ ନେଇ ମଧ୍ୟ ମାମଲା ରୁଜୁ ହୋଇଛି ।
କାରଣ ହେଉଛି ଏହି ଫିଲ୍ମରେ ଗଙ୍ଗୁବାଇଙ୍କୁ ଜଣେ ସମାଜସେବୀ ପରିବର୍ତ୍ତେ ଦେହଜୀବୀ ଭାବେ ଚିତ୍ରିତ କରାଯାଇଛି । ଏନେଇ ଗଙ୍ଗୁବାଇଙ୍କ ପୋଷ୍ୟପୁତ୍ର ବାବୁ ରାଓଜୀ ଶାହ ଏହାକୁ ବିରୋଧ କରିଛନ୍ତି । ଏହାକୁ ନେଇ ସେ ମୁମ୍ବାଇର ଏକ କୋର୍ଟରେ ନିର୍ଦ୍ଦେଶକ ସଞ୍ଜୟ ଲୀଲା ଭଂସାଲୀ ଏବଂ ଆଲିଆ ଭଟ୍ଟଙ୍କ ବିରୋଧରେ ମାମଲା ରୁଜୁ କରିଛନ୍ତି । ଯାହାପରେ ଉଭୟ ସଞ୍ଜୟ ଲୀଲା ଭଂସାଲୀ ଏବଂ ଆଲିଆ ଭଟ୍ଟଙ୍କୁ ନୋଟିସ ପଠା ଯାଇଥିଲା ।
କିନ୍ତୁ ପରେ ବମ୍ବେ ହାଇକୋର୍ଟ ଏହି ଫିଲ୍ମର ରିଲିଜ ଉପରେ ରୋକ ଲଗାଇବା ପାଇଁ ମନା କରି ଦେଇଥିଲେ । ଏପଟେ ଫିଲ୍ମର ନିର୍ମାତାଙ୍କ ବିରୋଧରେ ଅନ୍ତରୀଣ ଅପରାଧିକ ମାନହାନି ମାମଲା ଉପରେ ମଧ୍ୟ କୋର୍ଟ ରୋକ ଲଗାଇ ଦେଇଥିଲେ । ବାବୁ ରାଓଜୀ କହିଛନ୍ତି କି, ଏହି ଫିଲ୍ମରେ ମୋ ମାଆଙ୍କୁ ଜଣେ ଦେହଜୀବୀ ଭାବେ ଦେଖା ଯାଇଛି । ଏନେଇ ଆମ ପରିବାରରେ ବି ଝଗଡା ହେଉଛି । ଏପରିକି ଆମକୁ ମୁମ୍ବାଇରେ ବାରମ୍ବାର ଘର ବଦଳାଇବାକୁ ବି ପଡୁଛି ।
ଆଉ ସମସ୍ତଙ୍କୁ ସଫେଇ ଦେବାକୁ ବି ପଡୁଛି । ଯେତେବେଳେ ତାଙ୍କ ମାଆ ଗଙ୍ଗୁବାଇଙ୍କ ଉପରେ ବହି ଲେଖା ଯାଇଥିଲା ସେତେବେଳେ ମଧ୍ୟ ପରିବାର ଲୋକଙ୍କ ଠାରୁ ଅନୁମତି ନିଆ ଯାଇ ନଥିଲା ବୋଲି ସେ ଅଭିଯୋଗ କରିଛନ୍ତି । ବହୁ ବିବାଦ ପରେ ଆସନ୍ତା ଫେବୃୟାରୀ ୨୫ ତାରିଖରେ ରିଲିଜ ହେବାକୁ ଯାଉଛି ଫିଲ୍ମ ‘ଗଙ୍ଗୁବାଇ କାଠିଆବାଡି’ । ତେବେ ଫିଲ୍ମର ଟ୍ରେଲରରେ ଆଲିଆ ଭଟ୍ଟଙ୍କ ଦମଦାର ଅଭିନୟକୁ ସମସ୍ତେ ପ୍ରଶଂସା କରୁଛନ୍ତି ।
ଦେହଜୀବୀ ଗଙ୍ଗୁବାଇ କାଠିଆବାଡିଙ୍କ ଜୀବନୀ ଉପରେ ନିର୍ମିତ ଏହି ଫିଲ୍ମ ଦର୍ଶକେ ଖୁବ ପସନ୍ଦ କରିବେ ବୋଲି ଆଶା ରଖିଛନ୍ତି ଫିଲ୍ମ ନିର୍ମାତା । ତେବେ ଫିଲ୍ମ ରିଲିଜ ହେବା ପରେ ହିଁ ଜଣାପଡିବ ଏହା ମାର୍କେଟରେ କେତେ କମାଲ କରୁଛି । ଏହି ଫିଲ୍ମକୁ ନେଇ ଆପଣଙ୍କ ମତ କଣ ଆମକୁ କମେଣ୍ଟ କରି ଜଣାନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।