ବନ୍ଧୁଗଣ ଆମ ଦେଶରେ ଗୋଟେ ଝିଅକୁ ନେଇ ଲୋକ ମାନଙ୍କର ଅନେକ ପ୍ରକାର ଚିନ୍ତାଧାରା ରହିଥାଏ । କିଛି ଲୋକ ମାନେ ଝିଅକୁ ବୋଝ ଭାବି ନିଜ ଠାରୁ ଦୂରେଇ ଦେଇଥାନ୍ତି ତ ଆଉ କିଛି ଲୋକେ ଝିଅର ଖୁସି ପାଇଁ ସବୁ କିଛି କରିଥାନ୍ତି ।
ଆଜିର ଆମର ଏହି ଲେଖାରେ ଏମିତି ଏକ ଘଟଣା ରହିଛି ଯେଉଁଠି ଜଣେ ଅନାଥ ଝିଅକୁ ମେଡିକାଲରୁ ଆଣି ନିଜ ଘରେ ଝିଅ କରି ରଖି ଆଜି ତାର ବିବାହ କରୁଛନ୍ତି । ଏହି ଝିଅଟିର ନାଁ ହେଉଛି ଅନିତା ଯାହାକୁ ସମାଜସେବୀ ବିଭୁତି ରାଏ ଓ ତାଙ୍କ ସ୍ତ୍ରୀ ନିବେଦିତା ରାଏ ୧୨ ବର୍ଷ ତଳେ ଏକ ଟ୍ରେନ ଦୁର୍ଘଟଣାରୁ ପାଇଥିଲେ । ସେହି ସମୟରେ ଅନିତାଙ୍କର ସ୍ମରଣ ଶକ୍ତି ଚାଲି ଯାଇଥିଲା ।
ଅନିତାଙ୍କର ହୋସ ଆସିବା ପରେ ବିଭୁତି ରାଏ ତାଙ୍କ ପରିବାର ଲୋକଙ୍କୁ ଅବଗତ କରାଇଥିଲେ ମଧ୍ୟ ତାଙ୍କ ପରିବାର ଲୋକେ ଅନିତାଙ୍କ ମାନସିକ ଅବସ୍ଥାକୁ ନେଇ ତାଙ୍କୁ ଗ୍ରହଣ କରି ନ ଥିଲେ । ଏହା ପରେ ବିଭୁତି ରାଏ ଅନିତାଙ୍କୁ କଟକର ଏସସିବି ମେଡିକାଲରୁ ନିଜ ଘରକୁ ଆଣି ନିଜ ଝିଅ କରି ରଖିଥିଲେ ।
ବିଭୁତି ରାଏଙ୍କର ଦୁଇ ଝିଅ ଥିଲେ ମଧ୍ୟ ସେ ଅନିତାଙ୍କୁ ସେତିକି ଭଲ ପାଇବା ଦେଇଥିଲେ ଯାହା ସେ ନିଜ ଝିଅଙ୍କୁ ଦେଉଥିଲେ । ଅନିତାଙ୍କ ମା ନିବେଦିତା ରାଏ ଯିଏ ତାଙ୍କ ନିଜ ଝିଅ ଠାରୁ ବି ଅଧିକ ଭଲ ପାଆନ୍ତି ବୋଲି କହିଛନ୍ତି । ଏହା ସହ ଅନିତା ମଧ୍ୟ ନିଜ ମତରେ କହିଛନ୍ତି ଯେ ଯିଏ ଦିନେ ତାଙ୍କୁ ନୂଆ ଜୀବନ ଦେଇଥିଲେ ଆଜି ତାଙ୍କର ଗୋଟେ ଭଲ ଜାଗାରେ ବିବାହ କରାଉଛନ୍ତି ।
ଅନିତା ଖୁସି ଥିଲେ ମଧ୍ୟ ସେ ତାଙ୍କ ମା ଓ ବାପାଙ୍କୁ ଛାଡି ଚାଲିଯିବାକୁ ଚାହୁଁ ନାହାନ୍ତି । ଏହି ସବୁ କଥା କହିବ ସମୟରେ ଅନିତାଙ୍କର ଆଖିରେ ଲୁହ ରହୁ ନାହି । ନିବେଦିତା ରାଏ କହିଛନ୍ତି ଯେ ଅନିତା ତାଙ୍କୁ ମା ଭଳି ଭଲ ପାଉଥିଲେ । କେବେ ବି ସେ ପର ଝିଅ ଭଳି ତାଙ୍କ ସହ ବ୍ୟବହାର କରି ନାହାନ୍ତି । ଏଭଳି ମା ବାପା ସବୁ ଝିଅଙ୍କୁ ମିଳୁ ବୋଲି ଅନିତା ଦୁଖ ପ୍ରକାଶ କରି କହିଛନ୍ତି ।
ଅନିତା ପାଠପଢି ତୃତୀୟ ସ୍ଥାନରେ ୧୦ମ ପାସ କରିଛନ୍ତି ବୋଲି ବିଭୁତି ରାଏ କହିଛନ୍ତି । ଏଭଳି ଝିଅକୁ ପାଇ ନିବେଦିତା ରାଏ ବହୁତ ଖୁସି ବୋଲି ନିଜ ମତରେ କହିଛନ୍ତି । ସମାଜସେବୀ ବିଭୁତି ରାଏ ଓ ତାଙ୍କ ସ୍ତ୍ରୀ ନିବେଦିତା ରାଏ ଆମ ସମାଜକୁ ଏହି ବାର୍ତ୍ତା ଦେଇଛନ୍ତି ଯେ ଝିଅ ହେଲେ ମଧ୍ୟ ସମଯରେ ବଞ୍ଚିବାର ଅଧିକାର ରହିଛି ।
ଏହି ଘଟଣାରୁ ସ୍ପଷ୍ଟ ହେଉଛି ଯେ ଗୋଟେ ଝିଅ ଏ ଦୁନିଆରେ ବଞ୍ଚିବା ପାଇଁ କେତେ କଷ୍ଟର ସାମନା କରିବାକୁ ପଡିଥାଏ । ଏନିତା ଏଭଳି ମା ବାପା ପାଇ ନିଜକୁ ଧନ୍ଯ ମନେ କରୁଛନ୍ତି । ଆଜି ତାଙ୍କର ବିବାହ ହେଉଛି ଓ ସେ ଆଗକୁ ଯାଇ ସୁଖର ଜୀବନ ବିତାଇବେ ବୋଲି ଆଶା କରା ଯାଉଛି ।
ବନ୍ଧୁଗଣ ଯଦି ଆପଣ ମାନଙ୍କୁ ଆମର ଏହି ଲେଖାଟି ପସନ୍ଦ ଆସିଥାଏ ତେବେ ଅନ୍ୟ ସହ ଶେୟାର କରି ଆମ ସହ ଆଗକୁ ରହିବା ପାଇଁ ଆମ ପେଜକୁ ଗୋଟିଏ ଲାଇକ କରନ୍ତୁ ।