ବର୍ତ୍ତମାନ ହିଁ କିଛି ଦିନ ତଳେ ପ୍ରସିଦ୍ଧ ଓକିଲ ଇନ୍ଦିରା ଜୟସିଂହ ନିର୍ଭୟାର ଦୋଷୀମାନଙ୍କୁ କ୍ଷମା କରି ଦେବା ପାଇଁ କରିଥିବା ଅପିଲ ଉପରେ ବଲୀଉଡର ଲୋକପ୍ରିୟ ଅଭିନେତ୍ରୀ କଙ୍ଗନା ରନୌତଙ୍କ ବୟାନ ସାମ୍ନାକୁ ଆସିଛି । କଙ୍ଗନା କହିଲେ କି ଏହିଭଳି ଲୋକମାନଙ୍କୁ ଏହି ଦୋଷୀମାନଙ୍କ ସହିତ ଚାରି ଦିନ ଜେଲରେ ରଖିବା ଉଚିତ ।
ଏହିଭଳି ମହିଳାମାନଙ୍କ ଠାରୁ ହିଁ ଏହିଭଳି ନୃଶଂସ ଅପରାଧୀ ଜନ୍ମ ହୋଇଥାନ୍ତି । କଙ୍ଗନା ଶୁକ୍ରବାର ଦିନ ରିଲିଜ ହୋଇଥିବା ନିଜର ଫିଲ୍ମ ‘ପଙ୍ଗା’ର ଏକ ପ୍ରମୋଶନଲ ଇଭେଣ୍ଟରେ ପହଞ୍ଚିଥିଲେ । ଏହି ସମୟରେ ସେ ନିଜର ଏହି ରାୟ ରଖିଥିଲେ ।
କଣ କହିଲେ କଙ୍ଗନା ?
କଙ୍ଗନା କହିଲେ, ‘କେମିତ କେମିତି ମହିଳା ଥାନ୍ତି, ଯେଉଁମାନଙ୍କୁ ଏହିଭଳି ବଳତ୍କାରୀମାନଙ୍କ ଉପରେ ଦୟା ଆସିଥାଏ । ଏହିପରି ମହିଳାମାନଙ୍କର କୋଳରୁ ହିଁ ଏହିଭଳି ଅପରାଧୀ ଜନ୍ମ ନେଇଥାନ୍ତି । ସେ ବି ଏହିଭଳି ମହିଳାଙ୍କ କୋଳରୁ ବାହାରିଛନ୍ତି । ଯେଉଁମାନଙ୍କ ଚିନ୍ତାଧାରା ଏହିଭଳି ହୋଇଥାଏ ।‘ କିଛି ଦିନ ପୂର୍ବେ ହିଁ ଇନ୍ଦିରା ଜୟସିଂହ ନିର୍ଭୟାର ମା’ ଆଶା ଦେବୀଙ୍କୁ ଅପିଲ କରିଥିଲେ କି ତାଙ୍କୁ ଦୋଷୀମାନଙ୍କୁ କ୍ଷମା କରିଦେବା ଉଚିତ । ଜୟସିଂହଙ୍କ ଏହି ବୟାନ ଉପରେ ନିର୍ଭୟାଙ୍କ ମା’ ରାଗି ଯାଇଥିଲେ ।
୧୬ ଡିସେମ୍ବର ୨୦୧୨ର ଘଟଣା
କହିଦେଉଛୁ କି ଦିଲ୍ଲୀର ଛାତ୍ରୀ ନିର୍ଭୟାଙ୍କ ସହିତ ଚଳନ୍ତା ବସ ଭିତରେ ବହୁତ ଭୟଙ୍କର ରୂପରେ ୧୬ ଡିସେମ୍ବର ୨୦୧୨ରେ ରେପ କରାଯାଇଥିଲା । ଏହା ପରେ ଦୋଷୀମାନେ ତାକୁ ରାସ୍ତା ଉପରେ ଛାଡି ଦେଇ ଚାଲି ଯାଇଥିଲେ । ଏହା ପରେ ଗମ୍ଭୀର ଅବସ୍ଥାରେ ନିର୍ଭୟାଙ୍କୁ ଦିଲ୍ଲୀର ଏକ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏହା ପରେ ତାକୁ ସିଙ୍ଗାପୁରକୁ ଚିକିତ୍ସା ପାଇଁ ପଠାଇ ଦିଆଗଲା । କିନ୍ତୁ ସେ ସେଠି ଜୀବନ ହାରିଦେଲେ । ଏହି ମାମଲା ରାଷ୍ଟ୍ରୀୟ ଓ ଅନ୍ତରାଷ୍ଟ୍ରୀୟ ସ୍ତରରେ ବ୍ୟାପକ ଜନ ଆକ୍ରୋଶ ଉତ୍ପନ୍ନ କରିଥିଲା ।
୧ ଫେବ୍ରୁୟାରୀରେ ଦିଆଯିବ ଫାସି
ଚାରି ଦୋଷୀଙ୍କୁ – ମୁକେଶ (୩୧), ପବନ ଗୁପ୍ତା (୨୪), ବିନୟ ଶର୍ମା (୨୫) ଓ ଅକ୍ଷୟ କୁମାର ସିଂହ (୩୩)ଙ୍କୁ ୧ ଫେବ୍ରୁୟାରୀ ଦିନ ଫାସି ଦିଆଯିବ । ତାଙ୍କୁ ଦୋଷୀ କହି ସେପ୍ଟେମ୍ବର ୨୦୧୩ରେ ମୃତ୍ୟୁ ଦଣ୍ଡ ଆଦେଶ ଦିଆଯାଇଥିଲା । କିନ୍ତୁ ମାର୍ଚ୍ଚ ୨୦୧୪ରେ ହାଇକୋର୍ଟ ଓ ମେ ୨୦୧୭ରେ ସୁପ୍ରିମକୋର୍ଟ ଦ୍ଵାରା ଏହାକୁ ଗ୍ରହଣୀୟ ରଖାଗଲା ।
ଏହା ପୂର୍ବରୁ ୨୨ ଜାନୁୟାରୀ ରେ ଫାସି ଦିଆ ଯିବାର ଥିଲା, କିନ୍ତୁ ରାଷ୍ଟ୍ରପତି ରାମ ନାଥ କୋବିନ୍ଦଙ୍କ ସମ୍ମୁଖରେ ଦୋଷୀମାନଙ୍କର ଦୟା ଆବେଦନ ଦାଖଲ କରିବାରେ ଡେରି ହେଲା । ସେଥିପାଇଁ ଏମାନଙ୍କର ଫାସୀର ତାରିଖକୁ ଚେଞ୍ଜ କରାଗଲା । ରାଷ୍ଟ୍ରପତିଙ୍କ ଦ୍ଵାରା ଦୟା ଆବେଦନ ପତ୍ରକୁ ଖାରଜ ବି କରି ଦିଆଯାଇଛି ।