ଏବେ ବର୍ଷା ଏବଂ ଟୁଙ୍ଗୁରୁ ଭୋଳଙ୍କ ପ୍ରେମ କାହାଣୀ ସବୁଆଡେ ଚର୍ଚ୍ଚାର ବିଷୟ ପାଲଟିଛି । ପ୍ରତିଦିନ ଏହି ମାମଲାକୁ ନେଇ କିଛି ନା କିଛି ଟ୍ଵିଷ୍ଟ ଦେଖିବାକୁ ମିଳୁଛି । ଟୁଙ୍ଗୁରୁ ଓ ବର୍ଷା ଯେ ପ୍ରକୃତରେ ଦୁହେଁ ଦୁହିଁଙ୍କୁ ଭଲ ପାଉଥିଲେ ଏହା ସ୍ପଷ୍ଟ ହୋଇସାରିଛି । ଟୁଙ୍ଗୁରୁ ବର୍ଷାଙ୍କ ଉପରେ ସବୁ ଦୋଷ ଲଦି ଦେଇ ନିଜକୁ ପୀଡିତ ବୋଲି ଦର୍ଶାଇ ସମସ୍ତଙ୍କ ନଜରରେ ହିରୋ ହେବାକୁ ଚେଷ୍ଟା କରୁଥିଲେ । କିନ୍ତୁ ଏହାକୁ ମିଛ ବୋଲି ପ୍ରମାଣିତ କରି ଦେଖାଇଛନ୍ତି ବର୍ଷା । ବର୍ଷା ଓ ଟୁଙ୍ଗୁରୁଙ୍କ ମଧ୍ୟରେ ଗତ ଦୁଇ ବର୍ଷ ହେଲା ପ୍ରେମ ସମ୍ପର୍କ ରହିଛି ।
ଟୁଙ୍ଗୁରୁଙ୍କୁ ମାତ୍ର ୨୪ ବର୍ଷ ହୋଇଥିବା ବେଳେ ବର୍ଷାଙ୍କୁ ୪୦ ବର୍ଷ ବୟସ ବୋଲି ଶୁଣିବାକୁ ମିଳୁଛି । ଏହା ବ୍ଯତୀତ ବର୍ଷା ବିବାହିତା ଏବଂ ତାଙ୍କର ଦୁଇ ପୁଅ ମଧ୍ୟ ଅଛନ୍ତି । ସେ ଟୁଙ୍ଗୁରୁଙ୍କ ପ୍ରେମରେ ପଡି ସମସ୍ତଙ୍କୁ ଛାଡି ତାଙ୍କ ଘରର ବୋହୂ ହେବାକୁ ସ୍ଵପ୍ନ ଦେଖୁଛନ୍ତି । ଟୁଙ୍ଗୁରୁ କିନ୍ତୁ ଅନ୍ୟ କାହା ସହ କୋର୍ଟ ମ୍ୟାରେଜ କରିଥିବା କଥା ବର୍ଷା ଶୁଣିବାକୁ ପାଇବା ପରେ ଥାନାରେ ଯାଇ ଟୁଙ୍ଗୁରୁଙ୍କୁ ବିବାହ କରିବେ ବୋଲି ଜିଦ୍ ଧରି ବସିଥିଲେ ।
ଥାନାରେ ମାମଲା ସମାଧାନ ହେବା ପରେ ଟୁଙ୍ଗୁରୁ ମିଡିଆ ସାମ୍ନାରେ କହିଥିଲେ କି ବର୍ଷା ତାଙ୍କୁ ଫସେଇବାକୁ ଚେଷ୍ଟା କରୁଛନ୍ତି । କିନ୍ତୁ ବର୍ଷା ପ୍ରମାଣ ସହ ଟୁଙ୍ଗୁରୁଙ୍କୁ ମିଛ ପ୍ରମାଣ କରି ଦେଇଛନ୍ତି । ବର୍ଷା ଓ ଟୁଙ୍ଗୁରୁ ଭୋଳଙ୍କ କଥାବାର୍ତ୍ତା ସମୟରେ ଅନେକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ଏସବୁ କଥାବାର୍ତ୍ତା ସେମାନେ ନିକଟରେ ହୋଇଥିବା ଜଣାପଡିଛି ।
ଟୁଙ୍ଗୁରୁଙ୍କୁ ମ୍ୟୁଜିକ ଭିଡିଓ ମାନଙ୍କରେ ଅଭିନୟ କରିବାକୁ ସୁଯୋଗ ମିଳୁଥିବା ବେଳେ ବର୍ଷା ତାଙ୍କୁ ଷ୍ଟାର ବନେଇଛନ୍ତି ବୋଲି କହୁଛନ୍ତି । ଟୁଙ୍ଗୁରୁ ମିଡିଆ ଆଗରେ ଗୋଟିଏ କଥା କହୁଛନ୍ତି କିନ୍ତୁ ବର୍ଷାଙ୍କ ସହ ତାଙ୍କ ସମ୍ପର୍କ ଭିନ୍ନ ରହିଛି । ଅଡିଓରୁ ଜଣାପଡୁଛି କି ଟୁଙ୍ଗୁରୁଙ୍କ ପରିବାର ଲୋକଙ୍କ ସହ ମଧ୍ୟ ବର୍ଷାଙ୍କର ଭଲ ସମ୍ପର୍କ ରହିଛି । ବର୍ଷା ଟୁଙ୍ଗୁରୁଙ୍କ ବାପାଙ୍କ ସହ କଥା ହୋଇଥିବା କହିଛନ୍ତି । ଟୁଙ୍ଗୁରୁଙ୍କ ସତ ବାହାରକୁ ଆସିବା ପରେ ସେ କିଭଳି ରାଗି ଯାଇଥିଲେ ତାହା ନିଶ୍ଚୟ ଆପଣ ଦେଖିଥିବେ ।
ଆଉ ଏବେ ଦୁନିଆ ଆଗରେ ନିଜ ଇମେଜ ସୁଧାରିବାକୁ ଚେଷ୍ଟା କରୁଛନ୍ତି ଟୁଙ୍ଗୁରୁ । କାରଣ ସେ ଯେ ଜଣେ ବଡ ମିଛୁଆ ଓ ଧୋକେବାଜ ଏହା ସାରା ଓଡିଶା ଜାଣି ସାରିଲାଣି । ତେଣୁ ଅଭିନୟ ଅଫର୍ ମିଳିବା ପରେ ହିରୋ ହେବାକୁ ସ୍ଵପ୍ନ ଦେଖୁଥିବା ଟୁଙ୍ଗୁରୁ ନିଜ ଇମେଜ ସୁଧାରିବାରେ ଲାଗି ପଡିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।