ଅଭିନେତା ବାବୁଶାନ ମହାନ୍ତିଙ୍କ ଅଭିନୀତ ଫିଲ୍ମ “ଦମନ” କୁ ନେଇ ଚର୍ଚ୍ଚା ଥମିବାର ନାଁ ଧରୁନି । ଫିଲ୍ମ ‘ଦମନ’ ଓଡିଆ ଦର୍ଶକଙ୍କ ମନ ଛୁଇଁବା ସହ ଜାତୀୟ ଏବଂ ଆନ୍ତର୍ଜାତୀୟ ସ୍ତରରେ ଚର୍ଚ୍ଚାର ବିଷୟ ପାଲଟିଛି । ଓଡିଆ ଇଣ୍ଡଷ୍ଟ୍ରି ପତନ ଆଡକୁ ଗତି କରୁଥିବା ବେଳେ ବାବୁଶାନଙ୍କ ଏହି ଫିଲ୍ମଟି ଓଲିଉଡକୁ ଏକ ଜାତୀୟ ସ୍ତରରେ ଏକ ନୂଆ ପରିଚୟ ଦେଇଛି । ପ୍ରଶଂସକଙ୍କ ଡିମାଣ୍ଡ ପରେ ଫିଲ୍ମର ନିର୍ଦ୍ଦେଶକ ଏବଂ ପ୍ରଯୋଜକ ଫିଲ୍ମଟିକୁ ହିନ୍ଦୀ ଭାଷାରେ ରିଲିଜ କରିବା ପାଇଁ ନିଷ୍ପତ୍ତି ନେଇଥିଲେ ।
ଯାହାକି ଗତ ଫେବୃୟାରୀ 3 ତାରିଖ ଦିନ ଭାରତର ବିଭିନ୍ନ ଥିଏଟରରେ ହିନ୍ଦୀ ଭାଷାରେ ରିଲିଜ ହୋଇଥିଲା । ଫିଲ୍ମର ପ୍ରମୋଶନ କାର୍ଯ୍ୟ ଶେଷ ହେବା ପରେ ବାବୁଶାନ ଓଡିଶା ଫେରିଥିଲେ । ଏତିକି ବେଳେ ବାବୁଶାନ ଦମନ ର ସଫଳତାକୁ ନେଇ ଅନେକ କିଛି କହିଛନ୍ତି । ଫିଲ୍ମଟିକୁ ଓଡିଆ ଦର୍ଶକମାନେ ପ୍ରଥମେ ଭଲପାଇବା ଦେବାରୁ ଏହା ଜାତୀୟ ଓ ଆନ୍ତର୍ଜାତୀୟ ସ୍ତରରେ ପହଞ୍ଚି ପାରିଛି ବୋଲି ସେ କହିଛନ୍ତି । ଏହାସହ ସେ କହିଛନ୍ତି, ଏହି ଫିଲ୍ମର ଏକ ଅଂଶ ହୋଇ ସେ ସମ୍ମାନିତ ମନେ କରୁଛନ୍ତି ।
ଏଭଳି ଫିଲ୍ମ ତିଆରି କରିବା ପାଇଁ ଫିଲ୍ମର ନିର୍ଦ୍ଦେଶକ, ପ୍ରଯୋଜକ ଏବଂ ସଂପୂର୍ଣ୍ଣ ଟିମ୍ କୁ ସେ ଧନ୍ୟବାଦ ଜଣାଇଛନ୍ତି । କାରଣ ଏହି ଫିଲ୍ମଟି ଓଡିଶା ଓ ଓଡିଆ ଫିଲ୍ମ ଇଣ୍ଡଷ୍ଟ୍ରିକୁ ଜାତୀୟ ଓ ଆନ୍ତର୍ଜାତୀୟ ସ୍ତରରେ ପ୍ରତିପାଦିତ କରିପାରୁଛି । ଏହି ଫିଲ୍ମ ପାଇଁ ବମ୍ବେ ଏବଂ ଦିଲ୍ଲୀରେ ତାଙ୍କୁ ଅନେକ ପରିଶ୍ରମ କରିବାକୁ ପଡିଛି ଓ ସେଥିପାଇଁ ସେ ସାମାନ୍ଯ ଅସୁସ୍ଥ ହୋଇ ପଡିଥିବା ମଧ୍ୟ କହିଛନ୍ତି ।
ହିନ୍ଦୀ ଦର୍ଶକଙ୍କ ରିଭ୍ୟୁ ଶୁଣିକି ତାଙ୍କୁ ବହୁତ ଭଲ ଲାଗିଲା । ଦମନ କୁ 4 ରୁ 4.5 ରେଟିଂ ମିଳୁଛି ଯାହା ଗର୍ବର କଥା । ତେବେ ବାବୁଶାନ କହିଛନ୍ତି କି, ବଲିଉଡରେ ଯିବାକୁ ତାଙ୍କର ଇଚ୍ଛା ନାହିନ ବରଂ ବଲିଉଡକୁ ଓଡିଶାକୁ ଆଣିବାକୁ ସେ ଲକ୍ଷ୍ୟ ରଖିଛନ୍ତି ।
ତେବେ ଦମନ ପାଇଁ ପ୍ରେସ କନ୍ଫରେନ୍ସରେ ହିନ୍ଦୀ କହି କହି ତାଙ୍କ ମୁହଁ ବଙ୍କା ହୋଇଯାଇଛି ବାବୁଶାନ ବେଶ ମଜାଳିଆ ଢଙ୍ଗରେ କହିଥିଲେ । ଏହାସହ ଓଡିଆ ଦର୍ଶକଙ୍କୁ ମଧ୍ୟ ଦମନ ର ହିନ୍ଦୀ ଭର୍ସନ ଦେଖିବା ପାଇଁ ସେ ଆହ୍ଵାନ କରିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।