ନିକଟରେ କଂଗ୍ରେସ ବିଧାୟକ ସୁରେଶ ରାଉତରାୟ ତଥା ସମସ୍ତଙ୍କର ପ୍ରିୟ ସୁର ଅଜା ନିଜର ୭୯ତମ ଜନ୍ମଦିନ ପାଳନ କରିଛନ୍ତି । ସୁର ଅଜା ୮୦ ପାଦରେ ଦେଇଛନ୍ତି । ବିଭିନ୍ନ ମାମଲା ଉପରେ ନିଜ ମନ୍ତବ୍ୟ ଓ ପ୍ରତିକ୍ରିୟା ରଖି ସୌର ଅଜା ସବୁବେଳେ ଚର୍ଚ୍ଚାରେ ରୁହନ୍ତି । ନିଜର ମଜାଳିଆ ଅନ୍ଦାଜରେ କଥା କହି ସମସ୍ତଙ୍କୁ ହସାଉଥିବା ସୁର ଅଜାଙ୍କୁ କିନ୍ତୁ ତାଙ୍କ ଜନ୍ମଦିନରେ କାନ୍ଦିବାର ଦେଖିବାକୁ ମିଳିଛି । ତେବେ ସେ ତାଙ୍କ ଜନ୍ମଦିନ ଅବସରରେ ବରିଷ୍ଠ ରାଜନେତା ଦାମୋଦର ରାଉତଙ୍କୁ ଦେଖି କାନ୍ଦି ପକାଇ ଥିବାର ଦେଖିବାକୁ ମିଳିଛି ।
ଦାମୋଦରଙ୍କୁ ଦେଖି ସେ ଖୁବ ଭାବବିହ୍ଵଳ ହୋଇ ଯାଇଥିଲେ । ଆଉ କହିଥିଲେ କି, “ଦାମ ରାଉତ ମୋ ବଡ ଭାଇ ଓ ମୋ ପରାମର୍ଶଦାତା । ଆମେ ତାଙ୍କଠୁ ଟ୍ରେନିଂ ନେଇଛୁ । ଜାନକୀ ପଟ୍ଟନାୟକ, ବିଜୁ ପଟ୍ଟନାୟକ, ନୀଳମଣି ରାଉତରାୟ, ଦାମୋଦର ରାଉତ ଓ ପ୍ରଫୁଲ୍ଲ ଘଡେଇ ଏମାନେ ମୋର ପୂଜ୍ୟ ନେତା । ଦଳ ଫଳ ନାଇ । ଏମାନଙ୍କୁ ଠାରୁ ଶିଖିଛୁ ଲୋକଙ୍କ କାମ କରିବା । କରି ଚାଲିଛୁ ଆଉ କରି ଚାଲିବୁ ।” ଏତିକି କହିବା ବେଳେ ସୁର ଅଜାଙ୍କ ଆଖିରେ ଲୁହ ଆସି ଯାଇଥିଲା ।
କୋହଭରା କଣ୍ଠରେ ଏସବୁ ଗୋଟିଏ ନିଃଶ୍ଵାସରେ କହି ପକାଇଥିଲେ ଜଟଣୀ କଂଗ୍ରେସ ବିଧାୟକ ସୁରେଶ ରାଉତରାୟ । ସବୁଠୁ ବଡ କଥା ହେଉଛି ଦାମୋଦର ରାଉତଙ୍କୁ ଦେଖିବା ମାତ୍ରେ ତାଙ୍କ ପଦ ସ୍ପର୍ଶ କରି ସେ ପ୍ରଥମେ ଆଶୀର୍ବାଦ ନେଇଥିଲେ । ଉଭୟ ପରସ୍ପରକୁ ଭେଟି ଖୁବ ଆନନ୍ଦିତ ହୋଇଥିବା ତାଙ୍କ ମୁଖମଣ୍ଡଳରୁ ହିଁ ସ୍ପଷ୍ଟ ବାରି ହୋଇଯାଉଛି ।
ଦାମୋଦର ରାଉତ ସୁର ଅଜାଙ୍କୁ ଜନ୍ମଦିନର ଅଭିନନ୍ଦନ ଜଣାଇ କହିଛନ୍ତି କି, “ସୁର ବାବୁ ଶହେ ବର୍ଷ ରୁହନ୍ତୁ । ଜଟଣୀ ଭୁବନେଶ୍ବର ହେଉଛି ରାଜ୍ୟ କରିବାର ଜାଗା । ସୁର ଭାଇ କହିଲେ ପିଲାଠୁ ବୁଢା ଯାଏଁ ସମସ୍ତେ ତାଙ୍କୁ ଜାଣନ୍ତି । ଆଉ ମୁଁ ତାଙ୍କୁ ଥଟ୍ଟାରେ କୁହେ, ଯା ତୁଣ୍ଡରେ ବାଡବତା ନାହିଁ ତାଙ୍କ ନାଁ ହେଉଛି ସୁର ଭାଇ ।
ଏକଥା ତ ନିହାତି ସତ ସୁର ଭାଇ କେବେବି କାହାକୁ ଭୟ କରନ୍ତି ନାହିଁ । ସବୁବେଳେ ନିରପେକ୍ଷ ଓ ନିର୍ଭୀକ ଭାବେ ନିଜର ମତ ରଖନ୍ତି । ଖୋଲା ହୃଦୟ ଲୋକ ହୋଇଥିବାରୁ ସମସ୍ତେ ତାଙ୍କୁ ଖୁବ ଭଲପାନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।