ଦିନକୁ ଦିନ କରୋନା ଭାଇରସ ମାମଲା ବଢୁଛି। 21 ଦିନର ଲକ୍ଡାଉନ୍ ଶେଷ ହେବାକୁ ଯାଉଛି | କିନ୍ତୁ, ଅଧିକାଂଶ ରାଜ୍ୟ ଏହାକୁ ବୃଦ୍ଧି କରିବା ସପକ୍ଷରେ ଅଛନ୍ତି। ଦିନକୁ ଦିନ କରୋନା ଭାଇରସ ସଂକ୍ରମିତ ଲୋକଙ୍କ ସଂଖ୍ୟା ବଢିବାରେ ଲାଗିଛି। ଏହି ସମୟରେ ବ୍ୟାଙ୍କ, ଡାକ୍ତରଖାନା ଏବଂ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ଅନୁଷ୍ଠାନ ବ୍ୟତୀତ ପ୍ରାୟ ସବୁ ବନ୍ଦ ରହିଛି । କିନ୍ତୁ, ଯେଉଁ ପ୍ରତିକୂଳ ପରିସ୍ଥିତିରେ ଡାକ୍ତର, ସ୍ୱାସ୍ଥ୍ୟ କର୍ମୀ ଏବଂ ପୋଲିସ୍ ଲୋକଙ୍କୁ ସାହାଯ୍ୟ କରୁଛନ୍ତି, ତାହା ପ୍ରଶଂସା ଯୋଗ୍ୟ ଅଟେ।
ସେହିଭଳି ଉତ୍ତରାଖଣ୍ଡର ପୌଢି ଗଢୱାଲରେ ପୋଲିସର ଏମିତି ହିଁ କିଛି କାମ ସାମ୍ନାକୁ ଆସିଛି । ଏଠାରେ ଜଣେ ବୃଦ୍ଧା ମହିଳା ତାଙ୍କ ଘରୁ ପାଦରେ ଚାଲି ଚାଲି ବ୍ୟାଙ୍କକୁ ଯାଉଥିଲେ। ତାଙ୍କୁ ଚାଲିବାରେ ଅସୁବିଧା ହେଉଥିଲା | ଠିକ୍ ସେତିକିବେଳେ ଜଣେ ପୋଲିସ କର୍ମଚାରୀ ତାଙ୍କୁ ଦେଖିଲେ। ପୋଲିସ ଅଧିକାରୀ କାରକୁ ଅଟକାଇ ମହିଳାଙ୍କ ସହ କଥା ହୋଇ ସେ କେଉଁଆଡେ ଯାଉଛନ୍ତି ବୋଲି ପଚାରିଥିଲେ। ମହିଳା ଜଣକ ତାଙ୍କୁ ବ୍ୟାଙ୍କକୁ ଯିବା କଥା କହିଥିଲେ। ମହିଳା ଜଣକ ବହୁତ କ୍ଳାନ୍ତ ଦେଖାଯାଉଥିଲେ |
ଏଭଳି ପରିସ୍ଥିତିରେ ପୋଲିସ ମହିଳାଙ୍କୁ ତାଙ୍କ କାରରେ ବସାଇ ବ୍ୟାଙ୍କରେ ଛାଡିଲେ । ବାଟରେ ମହିଳାଙ୍କୁ ଖାଦ୍ୟ ମଧ୍ୟ ଦିଆଯାଇଥିଲା। ଯେପର୍ଯ୍ୟନ୍ତ ମହିଳା ବ୍ୟାଙ୍କରୁ ଟଙ୍କା ଉଠାଉଥିଲେ ପୋଲିସ ଅଧିକାରୀ ବାହାରେ ଅପେକ୍ଷା କରିଥିଲେ। ଏହି ସମୟରେ ମହିଳା ଜଣକ କାମ କରିବା ପରେ ବ୍ୟାଙ୍କରୁ ବାହାରି ଆସିଥିଲେ।
"अम्मा हमारे होते पैदल क्यों जाओगी, हम हैं न तुम्हारे बेटे"
पौड़ी गढ़वाल- एक बूढ़ी मां दुगड़्डा की तरफ पैदल आ रही थी। #UttarakhandPolice के जवान उन्हें अपनी गाड़ी में बैठाकर दुगड्डा लाए। अपने साथ भोजन कराया। बैंक ले जाकर खाते से धनराशि निकलवाकर सकुशल उनकी बेटी के पास भिजवाया। pic.twitter.com/2fCIFKJeWp
— Uttarakhand Police (@uttarakhandcops) April 9, 2020
ଏହା ପରେ ପୋଲିସ ତାଙ୍କୁ କାରରେ ବସାଇ ତାଙ୍କୁ ତାଙ୍କ ଝିଅ ଘରେ ଛାଡିଥିଲେ। ଏହି ପୋଲିସ୍ ଅଧିକାରୀ ମାନବିକତାର ଏକ ଉଦାହରଣ ସୃଷ୍ଟି କରିଛନ୍ତି |
ପୋଲିସର ଏକ ଭିନ୍ନ ଚେହେରା ଆସିଲା ସାମନାକୁ
ଆସନ୍ତୁ ଜାଣିବା ସମଗ୍ର ଦେଶରେ ଏହି କଷ୍ଟଦାୟକ ସମୟରେ ପୋଲିସର ଏକ ଭିନ୍ନ ଚେହେରା ସାମ୍ନାକୁ ଆସିଛି । ସେ ଲୋକମାନଙ୍କୁ ସାହାଯ୍ୟ କରିବା ପାଇଁ ଦିନରାତି ଏକ କରି ଦେଉଛନ୍ତି | କେବଳ ଏତିକି ନୁହେଁ, ସେମାନେ ପଶୁ ଓ ପକ୍ଷୀମାନଙ୍କୁ ସାହାଯ୍ୟ କରୁଥିବାର ମଧ୍ୟ ଦେଖାଯାଇଛି | ସେମାନଙ୍କୁ ଖାଇବାକୁ ଦେଉଛନ୍ତି |