ଗଞ୍ଜାମରୁ ଆଉ ଜଣେ ମହିଳା ଏବେ ନିଜ ସ୍ଵାମୀଙ୍କ ସରକାରୀ କ୍ଵାର୍ଟର ସାମ୍ନାରେ ଧାରଣା ଦେବେ ବୋଲି ଗଣମାଧ୍ୟମରେ ଜଣାଇଛନ୍ତି । ଉକ୍ତ ମହିଳା ଜଣକ ହେଉଛିନ୍ତି ଗଞ୍ଜାମ ଶେରଗଡର ସ୍ଵପ୍ନା ନାୟକ । ସ୍ଵପ୍ନା ୧୮ ଜାନୁୟାରୀ ୨୦୧୨ ରେ ବ୍ରହ୍ମପୁରର କାହ୍ନୁଚରଣ ନାୟକଙ୍କୁ ବିବାହ କରିଥିଲେ । ତାଙ୍କ ସ୍ଵାମୀ ବ୍ରହ୍ମପୁରରେ ଟିଟିଇ ଭାବେ କାର୍ଯ୍ୟ କରନ୍ତି । ଉଭୟଙ୍କର ୧୨ ବର୍ଷ ଏବଂ ୬ ବର୍ଷର ଦୁଇଟି ପୁଅ ମଧ୍ୟ ଅଛନ୍ତି । ବଡ ପୁଅ ସ୍ଵାମୀଙ୍କ ସହ ତାଙ୍କ କ୍ଵାର୍ଟରରେ ରହୁଥିବା ବେଳେ ସ୍ଵପ୍ନା ବର୍ତ୍ତମାନ ସାନ ପୁଅ ସହ ନିଜ ବାପଘରେ ରହୁଛନ୍ତି ।
ତେବେ ତାଙ୍କ ସ୍ଵାମୀ ଏବଂ ନଣନ୍ଦ ନଣନ୍ଦେଇ ସ୍ଵପ୍ନାଙ୍କ ନାଁରେ ଏକ କୁତ୍ସିତ ଅଭିଯୋଗ ଆଣିଛନ୍ତି । ତାଙ୍କ ଭଣଜା ସହ ସ୍ଵପ୍ନାଙ୍କର ଅନୈତିକ ସମ୍ପର୍କ ଥିବା ନେଇ କୁହାଯାଉଛି । ତେବେ ସ୍ଵପ୍ନାଙ୍କ କହିବା ଅନୁଯାୟୀ ତାଙ୍କ ଶାଶୁ ଶୁଶୁର ନଥିବାରୁ ନଣନ୍ଦ ନଣନ୍ଦେଇ ତାଙ୍କର ବିବାହ କରିଥିଲେ ଓ ସବୁକିଛି ବୁଝାବୁଝି କରିଥିଲେ । କିନ୍ତୁ ବାହାଘର ପରେ ପରେ ବାପଘରୁ ୨୦ ଲକ୍ଷ ଟଙ୍କା ଆଣିବା ପାଇଁ ସେମାନେ ସ୍ଵପ୍ନାଙ୍କ ଉପରେ ଚାପ ପକାଇଥିଲେ । କିନ୍ତୁ ସ୍ଵପ୍ନା ଟଙ୍କା ଆଣିବାରୁ ତାଙ୍କ ପ୍ରତି ନିର୍ଯ୍ୟାତନା ଆରମ୍ଭ କରି ଦେଇଥିଲେ ।
ନଣନ୍ଦ ଏବଂ ନଣନ୍ଦେଇ ଉଭୟ ତାଙ୍କ ସ୍ଵାମୀଙ୍କୁ ସବୁବେଳେ ଶିଖାନ୍ତି ସ୍ଵପ୍ନାଙ୍କୁ ଛାଡିଦେବା ପାଇଁ । ସ୍ଵପ୍ନାକୁ କାଇଁ ରଖିଛୁ ଆମେ ତୋ ପାଇଁ ଭଲ ଝିଅ ବୁଝିବୁ ବୋଲି କୁହନ୍ତି । କାହ୍ନୁଚରଣଙ୍କ ଜଣେ ବନ୍ଧୁ ମଧ୍ୟ ସବୁବେଳେ ତାଙ୍କୁ ସ୍ଵପ୍ନାଙ୍କୁ ଛାଡିଦେବା ପାଇଁ ଶିଖାନ୍ତି । ଏପଟେ କାହ୍ନୁଚରଣ ମଧ୍ୟ ସ୍ଵପ୍ନାଙ୍କୁ ସବୁବେଳେ ମାରପିଟ କରନ୍ତି । କାହ୍ନୁଚରଣ ପାଠ ପଢେଇବା ପାଇଁ ତାଙ୍କ ଭଣଜାଙ୍କୁ ଆଣି ଘରେ ରଖିଥିଲେ ।
ସ୍ଵପ୍ନା ନିଜ ପୁଅଙ୍କ ଭଳି ତାଙ୍କର ଯତ୍ନ ନିଅନ୍ତି ଓ ଭଲ ପାଇବା ଦିଅନ୍ତି । ଆଉ କାହ୍ନୁଚରଣ ଯେତେବେଳେ ସ୍ଵପ୍ନାଙ୍କୁ ମାରପିଟ କରନ୍ତି ଭଣଜା ଜଣେ ପୁଅ ଭଳି ସ୍ଵପ୍ନାଙ୍କ ସମର୍ଥନ କରନ୍ତି । କାହ୍ନୁଙ୍କୁ ମଧ୍ୟ ତାଙ୍କୁ ନ ମାରିବା ପାଇଁ ବୁଝାନ୍ତି । କିନ୍ତୁ ଏହାକୁ ଭୁଲ ବୁଝନ୍ତି କାହ୍ନୁ ଓ ତାଙ୍କ ଭଉଣୀ ଭିଣୋଇ । ଭଣଜା ସହ କାଳେ ସ୍ଵପ୍ନାଙ୍କ ଅନୈତିକ ସମ୍ପର୍କ ରହିଛି ସେଥିପାଇଁ ସେ ସ୍ଵପ୍ନା ପାଇଁ ଏମିତି ବାହାରୁଛି ବୋଲି ସ୍ଵପ୍ନାଙ୍କ ଉପରେ ସେମାନେ ଆରୋପ ଲଗାଇଥିଲେ ।
ଏମିତି ବିବାଦ ଲାଗି ରହିବାରୁ ସ୍ଵପ୍ନା ସ୍ଵାମୀଙ୍କ ଠାରୁ ଅଲଗା ହୋଇ ବାପଘରେ ରହୁଥିବା ବେଳେ ଖୁବ ଶୀଘ୍ର ନିଜ ଅଧିକାର ପାଇଁ ସ୍ଵାମୀଙ୍କ କ୍ଵାର୍ଟର ସାମ୍ନାରେ ଧାରଣାରେ ବସିବେ ବୋଲି କହିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।