ଆଜିର ଦୁନିଆରେ ଝିଅ ହେଉ କି ପୁଅ ନିଜର ଦୁର୍ବଳ ବାଳ ପାଇଁ ବହୁତ ଚିନ୍ତିତ ଅଟନ୍ତି । ଖାସ କରି ଝିଅମାନେ ବାଳ ପାଇଁ ଅଧିକ ଚିନ୍ତାରେ ରୁହନ୍ତି । ଯେଉଁ ଝିଅ ମାନଙ୍କର ବାଳ ଛୋଟ ଓ ପତଳା ଥାଏ ସେମାନେ ତାଙ୍କର ବାଳକୁ ମଝବୁତ ଓ ଲମ୍ବା କରିବା ପାଇଁ ବହୁତ ଚେଷ୍ଟା କରିଥାନ୍ତି ହେଲେ ତାଙ୍କର କୌଣସି ଚେଷ୍ଟା ସଫଳ ହୁଏ ନାହିଁ । କିଛି ଝିଅଙ୍କର ବାଳର ଗ୍ରୋଥ୍ ମଧ୍ୟ ହୋଇନଥାଏ । ଏହା ଛଡା ଖାଦ୍ଯରେ ଅବହେଳା ଓ ଭୁଲ ଟ୍ରିଟମେଣ୍ଟ କରିବା ଯୋଗୁ ମଧ୍ୟ ବାଳ ଦୁର୍ବଳ ହୋଇଥାଏ ।
ପତଳା ଓ ଛୋଟ ବାଳରେ କିଛି ବି ହେୟାର ଷ୍ଟାଇଲ୍ ଭଲ ଲାଗେ ନାହିଁ ।ସେଥିପାଇଁ ଝିଅମାନେ ମାର୍କେଟରୁ ବିଭିନ୍ନ ସାମ୍ପୋ ଓ ତେଲ ଆଣି ବ୍ୟବହାର କରିଥାନ୍ତି, ହେଲେ ସେଥିରେ ବିଭିନ୍ନ ପ୍ରକାରର କେମିକାଲ ମିଶିଥାଏ, ଯାହାଫଳରେ ବାଳ ଅତ୍ୟଧିକ ଦୁର୍ବଳ ହୋଇ ଯାଇଥାଏ । କିନ୍ତୁ ଆଜି ଆମେ ଆପଣଙ୍କୁ ଏମିତି ଏକ ତେଲ ବିଷୟରେ କହିବୁ ଯାହାଦ୍ୱାରା ଆପଣ ମଝବୁତ ଓ ଲମ୍ବା ବାଳ ପାଇପାରିବେ ।
ଆଜି ଆମେ ଆପଣଙ୍କୁ ଏମିତି ଏକ ଉପାୟ କହିବୁ ଯାହାକୁ ଆପଣ ଘରେ ବସି କରି ପାରିବେ । ପ୍ରଥମେ ଆପଣ ଫ୍ରେସ୍ ଲିମ୍ବପତ୍ର ଆଣି ପାଣିରେ ଧୋଇ ଦିଅନ୍ତୁ । ଏହା ପରେ ଏହାକୁ ଭଲ ଭାବରେ ପେଶି ପେଷ୍ଟ ତିଆରି କରନ୍ତୁ । ଗୋଟିଏ ବାଉଲ୍ ରେ ଗୋଟିଏ କପ୍ ନଡିଆ ତେଲ ପକାନ୍ତୁ ଓ ତାହାକୁ ଗରମ ପାଣିରେ ରଖନ୍ତୁ ।
ଯେତେବେଳେ ନଡିଆ ତେଲ ତରଳି ଯିବ ସେଥିରେ ୪-୫ ଚାମଚ ଲିମ୍ବ ପତ୍ର ପେଷ୍ଟ ମିଶାଇ ଦିଅନ୍ତୁ, ଏହାକୁ ଆପଣ ୧୦ ରୁ ୧୫ ମିନିଟ ପର୍ଯ୍ୟନ୍ତ ଆଞ୍ଚ ଉପରେ ରଖନ୍ତୁ, ଯେତେବେଳ ଯାଏଁ ଏହି ମିଶ୍ରଣର ରଙ୍ଗ ହାଲ୍କା ସବୁଜ ନ ହୋଇଛି । କିଛି ସମୟ ପରେ ତେଲ ଓ ପେଷ୍ଟକୁ ଛଣା ସାହାର୍ଯ୍ୟରେ ଅଲଗା କରିଦିଅନ୍ତୁ ଓ ତେଲକୁ କିଛି ସମୟ ପାଇଁ ଥଣ୍ଡା ହେବାପାଇଁ ଛାଡି ଦିଅନ୍ତୁ । ଏହା ପରେ ଏହି ତେଲକୁ କାଚ ବୋତଲରେ ରଖିଦିଅନ୍ତୁ । ଏହି ତେଲକୁ ଆପଣ ୭ ରୁ ୮ ମାସ ପର୍ଯ୍ୟନ୍ତ ରଖିପାରିବେ ।
ଆପଣ ବାଳ ଧୋଇବାର ଏକ ଘଣ୍ଟା ପୂର୍ବରୁ ଏହି ତେଲକୁ ଭଲ ଭାବରେ ବାଳରେ ମସାଜ୍ କରନ୍ତୁ । ଜାଣିପାରିବେ ଚୁତିରେ କେତେ ଫରକ ପଡିଛି । ଏହା ପରେ ସାମ୍ପୋ ଦ୍ଵାରା ବାଳକୁ ଧୋଇ ନିଅନ୍ତୁ । ଆରମ୍ଭରୁ ଆପଣ ଏହାକୁ ନିୟମିତ ରୂପରେ ବ୍ୟବହାର କରିପାରିବେ କିନ୍ତୁ ଦୁଇ ମାସ ପରେ ଆପଣ ଚାହିଁଲେ ସପ୍ତାହକୁ ଦୁଇ ଥର ଏହାର ବ୍ୟବହାର କରି ପାରିବେ ।