ଅନ୍ତ ହୋଇଛି ଦୁଇ ବର୍ଷର ପ୍ରତୀକ୍ଷା । କରୋନା କଟକଣା ଯୋଗୁଁ ଗତ ଦୁଇ ବର୍ଷ ଧରି ଭକ୍ତଙ୍କ ବିନା ରଥଯାତ୍ରା ଅନୁଷ୍ଠିତ କରିବାକୁ ବାଧ୍ୟ ହୋଇଥିଲା ପ୍ରଶାସନ । ଯାହାଫଳରେ କାଳିଆ ଠାକୁରକୁ ଟିକେ ଦେଖିବା ପାଇଁ ଭକ୍ତର ଆଖି ତରସି ଯାଉଥିଲା । କିନ୍ତୁ ଚଳିତ ବର୍ଷ ସେହି ଅପେକ୍ଷାର ଅନ୍ତ ଘଟିଛି । ଏଥର ଭକ୍ତ ଓ ଭଗବାନ ଉଭୟଙ୍କ ମିଳନ ହୋଇପଡ଼ିଛି । ମହାମାରୀ ପ୍ରକୋପ ଯୋଗୁଁ ଦୀର୍ଘ ଦୁଇ ବର୍ଷ ବ୍ଯବଧାନ ପରେ ପୂଣ୍ୟ ଦାଣ୍ଡରେ ପୁଣି ଥରେ ମହାପ୍ରଭୁଙ୍କ ଘୋଷଯାତ୍ରା ଦେଖିବାକୁ ଶ୍ରୀକ୍ଷେତ୍ର ମୁହାଁ ହୋଇଛନ୍ତି ଅଗଣିତ ଭକ୍ତ ।
ଏଥର ପୁରୀ ବଡଦାଣ୍ଡକୁ ସ୍ଵେଚ୍ଛାସେବୀ ସଂଗଠନର କର୍ମକର୍ତ୍ତା ମାନେ ଜଗିଛନ୍ତି । ଯେ କୌଣସି ପରିସ୍ଥିତିରେ ବିପଦର ସାମ୍ନା କରିବାକୁ ଏହି ସଂଗଠନ ସବୁ ତତ୍ପର ରହିଛନ୍ତି । ଏହାରି ଭିତରେ ଶ୍ରୀକ୍ଷେତ୍ରରେ ଏକ ଅପୂର୍ବ ଦୃଶ୍ୟ ଦେଖିବାକୁ ମିଳିଛି । ଘୋଷଯାତ୍ରା ଆରମ୍ଭ ହୋଇ ସାରିଥିବା ବେଳେ ଭକ୍ତଙ୍କ ଭିଡ ମଧ୍ୟରେ ଏକ ହଳଦିଆ ଗାର ସ୍ପଷ୍ଟ ଦେଖିବାକୁ ମିଳିଛି । ସ୍ବେଛାସେବୀ ସଂଗଠନର କର୍ମଚାରୀ ମାନେ ଏକ ପ୍ରକାର ପୋଷାକ ପିନ୍ଧି ଭକ୍ତଙ୍କ ଶୃଙ୍ଖଳା ନିମନ୍ତେ ଧାଡି ହୋଇ ଠିଆ ହୋଇ ରହିଛନ୍ତି ।
ଏହା ଯୋଗୁଁ ହଳଦିଆ ଗାର ସହ ଏକ ଧଳା ରଙ୍ଗର ଗାର ମଧ୍ୟ ମଧ୍ୟ ପଡିଥିବା ଦେଖାଯାଉଛି । ଯାହା ଏଥରର ରଥଯାତ୍ରାକୁ ନିହାତି ଭାବେ ଶୃଙ୍ଖଳିତ ଭାବେ ଅନୁଷ୍ଠିତ ହେବାରେ ସାହାଯ୍ୟ କରିବ ଓ ଭକ୍ତମାନେ ଭିଡ ମଧ୍ୟରେ କୌଣସି ଅସୁବିଧାର ସମୁଖୀନ ହେବେ ନାହିଁ ବୋଲି ପଦକ୍ଷେପ ନିଆଯାଇଛି ।
ପୁରୀରେ ଅନୁଷ୍ଠିତ ହେଉଥିବା ରଥଯାତ୍ରା ବିଶ୍ଵ ପ୍ରସିଦ୍ଧ ଅଟେ । ଏହି ରଥଯାତ୍ରାରେ କାଳିଆ ସାଆନ୍ତର ଦର୍ଶନ କରିବା ପାଇଁ ସାରା ପୃଥିବୀରୁ ଭକ୍ତମାନେ ଆଗମନ କରିଥାନ୍ତି । ମହାପ୍ରଭୁଙ୍କ ଘୋଷଯାତ୍ରାରେ ଲକ୍ଷ ଲକ୍ଷ ଲୋକଙ୍କ ସମାଗମ ହୋଇଥାଏ । ଓଡିଶାର ଏହି ପାରମ୍ପରିକ ପର୍ବ ରଥଯାତ୍ରା କେଉଁ ଆବାହନ କାଳରୁ ପାଳିତ ହୋଇ ଆସୁଛି । ତେଣୁ ଏତେ ସଂଖ୍ୟକ ଭକ୍ତଙ୍କ ପାଇଁ ଶୃଙ୍ଖଳା ବ୍ୟବସ୍ଥା ମଧ୍ୟ ନିହାତି ଜରୁରୀ ।
ଗତ ଦୁଇ ବର୍ଷ ଧରି ଭକ୍ତ ଶୂନ୍ୟ ରଥଯାତ୍ରା କରା ଯାଇଥିବା ବେଳେ ଏଥର ଭକ୍ତଙ୍କ ଶୃଙ୍ଖଳା ଉପରେ ବିଶେଷ ଧ୍ୟାନ ଦିଆଯାଇଛି । କାରଣ ଦୀର୍ଘ ଦୁଇ ବର୍ଷ ପରେ ଭକ୍ତଙ୍କୁ ରଥଯାତ୍ରା ପାଇଁ ଅନୁମତି ମିଳିଥିବା ବେଳେ ଅଧିକ ସଂଖ୍ୟକ ଭକ୍ତଙ୍କ ଆଗମନ ନେଇ ପୂର୍ବରୁ ଅନୁମାନ କରିଥିଲା ମନ୍ଦିର ପ୍ରଶାସନ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।