ନିଶା ଦେଇ ଉଲଗ୍ନ କଲା ଆଉ ଫଟୋ ଭିଡିଓ କରି ବ୍ଳାକମେଲ କଲା । ତା’ପରେ ରୋଜଗାର କଲା କୋଟି କୋଟି ଟଙ୍କା । ମିଛର ସାମ୍ରାଜ୍ୟ ଓ ରାଜମହଲ ଭଳି ଘର କରି ମନ ବୁଝିଲାନି ଯେ ଆହୁରି କରି ଚାଲିଥିଲା ବ୍ଲାକମେଲ । ପାପର ଭାର ଉଛୁଳିବା ପରେ ସବୁ କଲା ଧନ୍ଦା ପଦାରେ ପଡିଗଲା । ଆଉ ମାୟାବିନୀ ଅର୍ଚ୍ଚନା ଏବେ ଥାନାରେ ଚକି ପେଷୁଛି । ଶାବନୀ ଅର୍ଚ୍ଚନା କିଭଳି ଗୋରି ସୁନ୍ଦରୀ ହେଲା ଆଉ ତା’ପରେ କେମିତି ମାୟାଜାଲ ବିଛାଇଲା ଆଜି କାହାକୁ ବି ଅଛପା ନାହିଁ ।
୨୦୧୬ରେ କଲେଜ ପାଠପଢା ସରିବା ପରେ ଚାକିରି ସନ୍ଧାନରେ ରାଜଧାନୀ ଭୁବନେଶ୍ବରକୁ ଆସିଥିଲା ଅର୍ଚ୍ଚନା । ସେଠାରେ ପ୍ରଯୋଜକ ପ୍ରମୋଦ ସ୍ଵାଇଁଙ୍କ ଜାଗମରାସ୍ଥିତ ଘରେ ଭଡାରେ ରହିଥିଲେ । ତାଙ୍କ ସହ ସ୍ଵାମୀ ଜଗବନ୍ଧୁ ମଧ୍ୟ ରହୁଥିଲେ । ସେଠାରେ ଆଉ ଜଣେ ଯୁବତୀ ମଧ୍ୟ ଭଡା ରହୁଥିଲେ ଜିଏକି ଗୋଟିଏ ବୀମା କମ୍ପାନୀରେ କାମ କରୁଥିଲେ । ତାଙ୍କ ସହ ଅର୍ଚ୍ଚନା ଆଉ ଜଗବନ୍ଧୁଙ୍କର ବନ୍ଧୁତା ହୋଇଥିଲା ।
ଲକଡାଉନ ବେଳେ ଅଳ୍ପ ସମୟରେ କିଭଳି ଅଧିକ ଟଙ୍କା କମାଇବେ ସେ ଲୋଭ ଦେଖାଇଥିଲେ ଅର୍ଚ୍ଚନା । ଅଶ୍ଳୀଳ ଭିଡିଓ ବନେଇ ବ୍ଳାକମେଲ କଲେ ରାତିକ ହାତିଏ ପାହିବ ବୋଲି ଯୁବତୀଙ୍କୁ କହିଥିଲେ । କିନ୍ତୁ ସେହି ଯୁବତୀ ଏଥିରେ ରାଜି ହୋଇ ନଥିଲେ । ୨୦୧୯ରେ ଅର୍ଚ୍ଚନା ସେହି ବିଲଡିଙ୍ଗ ଛାତରେ ଏକ ପାର୍ଟି ଆୟୋଜନ କରିଥିଲେ ଏବଂ ସେହି ଯୁବତୀଙ୍କୁ ସେଥିରେ ଡ଼ାକିଥିଲେ ।
ହେଲେ କୋଲ୍ଡଡ୍ରିଙ୍କସ୍ ରେ ନିଶା ଦେଇ ତାଙ୍କୁ ବେହୋସ କରି ଦେଇଥିଲେ । ଚେତା ଫେରିବା ବେଳକୁ ପୀଡ଼ିତା ଜଣକ ଜାଣିବାକୁ ପାଇଥିଲେ କି ସେ ନିବସ୍ତ୍ର । ଅର୍ଚ୍ଚନା ଆଉ ଜଗବନ୍ଧୁ ତାଙ୍କର ନଗ୍ନ ଭିଡିଓ ତିଆରି କରିଛନ୍ତି ଯାହା ତାଙ୍କୁ ଦେଖେଇ ବ୍ଲାକମେଲ କରିବା ଆରମ୍ଭ କରିଛନ୍ତି । ଏମିତି ଲକଡାଉନ ସମୟରେ ଅନେକ ହାଇ ପ୍ରୋଫାଇଲ ଲୋକଙ୍କ ଠିକଣା ଓ ମୋବାଇଲ ନଂ ନେଇ ତାଙ୍କୁ ଫସେଇ ବ୍ଲାକମେଲ କରୁଥିଲେ ଅର୍ଚ୍ଚନା ।
ଯେଉଁଥିରୁ ଲକ୍ଷ ଲକ୍ଷ କୋଟି କୋଟି ଟଙ୍କା କମାଇଲେ । ଏହିଭଳି ଭାବେ ପାପର ମିଛ ସାମ୍ରାଜ୍ୟ ଗଢି ଚାଲିଥିଲା ମାୟାବିନୀ ଅର୍ଚ୍ଚନା ଆଉ ତା’ ସ୍ଵାମୀ ଜଗବନ୍ଧୁ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।