ମୋତେ କାଳି ବିଲେଇ ବୋଲି କହୁଥିଲେ ଏବଂ ଘଣ୍ଟା ଘଣ୍ଟା ଧରି ରୁମ୍ ବାହାରେ ଅପେକ୍ଷା କରାଉଥିଲେ । ପ୍ରଡ୍ୟୁସର ମାନେ ସବୁବେଳେ ତଳେ ପକାଇବା ଭଳି ମୋ ସହ ବ୍ୟବହାର କରୁଥିଲେ । ବଲିଉଡ ସମେତ ହଲିଉଡ ରେ ମଧ୍ୟ ଏକ ଜଣାଶୁଣା ଅଭିନେତ୍ରୀ ଭାବେ ପରିଚୟ ସୃଷ୍ଟି କରିଛନ୍ତି ପ୍ରିୟଙ୍କା ଚୋପ୍ରା । ବିଶ୍ଵ ସ୍ତରୀୟ କଳାକାର ଭାବେ ପ୍ରିୟଙ୍କା ନିଜର ଏକ ସ୍ଵତନ୍ତ୍ର ପରିଚୟ ତିଆରି କରିଛନ୍ତି । ଖାଲି ଭାରତରେ ନୁହେଁ ବରଂ ସାରା ବିଶ୍ବରେ ତାଙ୍କର ଫ୍ୟାନ୍ସମାନେ ରହିଛନ୍ତି ।
ତେବେ ଆଜି କୋଟି କୋଟି ଲୋକଙ୍କ ହୃଦୟରେ ରାଜ୍ କରୁଥିବା ପ୍ରିୟଙ୍କା ଚୋପ୍ରାଙ୍କୁ ଦିନେ ତାଙ୍କ ରଙ୍ଗକୁ ନେଇ ଦେଶରେ ଭେଦଭାବର ସାମ୍ନା କରିବାକୁ ପଡୁଥିଲା । ପ୍ରିୟଙ୍କାଙ୍କ ସହ ବଲିଉଡରେ ହୋଇଥିବା ଖରାପ ବ୍ୟବହାରର ଖୁଲାସା ସେ ନିଜେ କରିଛନ୍ତି । ପ୍ରିୟଙ୍କା ଚୋପ୍ରା ଜୋନାସ ନିକଟରେ ଏକ ଆନ୍ତର୍ଜାତୀୟ ଗଣମାଧ୍ୟମର 100 ଜଣ ଶକ୍ତିଶାଳୀ ମହିଳା ତାଲିକାରେ ସ୍ଥାନ ପାଇଛନ୍ତି । ଏହାସହ 2022 ର ସବୁଠାରୁ ପ୍ରଭାବଶାଳୀ ମହିଳା ହୋଇ ପାରିଛନ୍ତି ପ୍ରିୟଙ୍କା ।
ପ୍ରିୟଙ୍କାଙ୍କ ବର୍ଣ୍ଣକୁ ନେଇ ତାଙ୍କ ସହ କିଭଳି ବ୍ୟବହାର କରା ଯାଉଥିଲା ଏକ ସାକ୍ଷାତକାରରେ ସେ ଏହାର ଖୁଲାସା କରିଛନ୍ତି । ପ୍ରିୟଙ୍କାଙ୍କୁ ପୁରୁଷ କଳାକାରଙ୍କ ତୁଳନାରେ କମ୍ ଦରମା ଦିଆ ଯାଉଥିଲା ଓ ଏହାସହ ସେଟ୍ ଉପରେ ଘଣ୍ଟା ଘଣ୍ଟା ଧରି ଅପେକ୍ଷା କରିବାକୁ ପଡୁଥିଲା । ଖାଲି ସେତିକି ନୁହେଁ ବରଂ ତାଙ୍କ ଚର୍ମର ରଙ୍ଗକୁ ନେଇ ବିଭିନ୍ନ କଟୁକଥା ଶୁଣିବାକୁ ପଡୁଥିଲା ।
ଏତିକି ବେଳେ ପ୍ରିୟଙ୍କା କହିଛନ୍ତି କି, ତାଙ୍କୁ ବଲିଉଡର କାଳି ବିଲେଇ ବୋଲି କୁହା ଯାଉଥିଲା । ତାଙ୍କ ଜୀବନରେ ଏମିତି ଏକ ସମୟ ଆସିଥିଲା ଯେତେବେଳେ ସେ ନିଜକୁ ସବୁଠୁ ଅସୁନ୍ଦର ବୋଲି ଭାବିବାକୁ ବାଧ୍ୟ ହୋଇଥିଲେ । ସେଥିପାଇଁ ଅନ୍ୟ କଳାକାରଙ୍କ ଅପେକ୍ଷା ତାଙ୍କୁ ଅଧିକ ପରିଶ୍ରମ କରିବାକୁ ପଡିବ ବୋଲି ସେ ଭାବୁଥିଲେ । ଯେଉଁ ଦେଶରେ ଅଧିକାଂଶ ଲୋକେ ଦେଖିବାକୁ ଶ୍ୟାମଳ ବର୍ଣ୍ଣ, ସେହି ଦେଶରେ ଶ୍ୟାମଳ ବର୍ଣ୍ଣ ହୋଇ ଜନ୍ମ ହେବା କଣ ମୋର ଭୁଲ୍ ବୋଲି ପ୍ରିୟଙ୍କା ପ୍ରଶ୍ନ କରିଛନ୍ତି ।
ନିଜ ପରିଶ୍ରମ ବଳରେ ପ୍ରିୟଙ୍କା ଏବେ ବହୁତ ଆଗକୁ ଯାଇ ପାରିଛନ୍ତି ଓ ଜୀବନରେ ଅନେକ ବଡ ବଡ କୀର୍ତି ହାସଲ କରିଛନ୍ତି । ତେବେ ପ୍ରିୟଙ୍କାଙ୍କ ଏଭଳି ବୟାନକୁ ନେଇ ଏବେ ସମସ୍ତେ ଚର୍ଚ୍ଚା କରୁଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।