ଚିକେନ ପକୋଡା ଖାଇବା ମହଙ୍ଗା ପଡିଲା । ଏହାପରେ ଆଉ କେବେବି ଚିକେନ ଖାଇବେନି ବୋଲି କହୁଛନ୍ତି । ଆଜ୍ଞା ହ, ଚିକେନ ପକୋଡା ଖାଇ ଗୁରୁତର ହେଲେ ଚଣ୍ଡିଖୋଲ ର ପବିତ୍ର ସାମଲ । ପବିତ୍ର ପରିବାର ସହ ଭୁବନେଶ୍ବର ଆସିଥିଲେ । ଏତିକି ବେଳେ ବାପୁଜୀ ନଗରରେ ଚିକେନ ପକୋଡା ଖାଇଥିଲେ । କିନ୍ତୁ ଖାଉ ଖାଉ ହଠାତ ଏକ ପକୋଡା ଖଣ୍ଡ ହଠାତ ଗିଳି ଦେଇଥିଲେ । ପକୋଡା ଯାଇ ତଣ୍ଟିରେ ଲାଗି ଯିବାରୁ ଅସହ୍ୟ ଯନ୍ତ୍ରଣା ଆରମ୍ଭ ହୋଇ ଯାଇଥିଲା ।
ତଣ୍ଟି ତଳକୁ ଖସି ଅଧାରେ ଯାଇ ଅଟକି ଯାଇଥିଲା ଚିକେନ କଣ୍ଟା । ସେଠାରୁ କ୍ୟାପିଟାଲ ହସ୍ପିଟାଲ ଗଲେ ଏବଂ ସେଠାରୁ କଟକ ଏସସିବି ମେଡିକାଲ ଆସିଲେ । ସେଠାରେ ଇଏନଟି ବିଭାଗରେ ଦେଖାଇବା ପରେ ମଧ୍ୟ ନିରାଶ ହେବାକୁ ପଡିଲା । ଏହାରି ଭିତରେ ଗଳାରେ କଣ୍ଟା ଅଟକିବାର 6 ଦିନ ବିତି ଯାଇଥିଲା । ପବିତ୍ର କେବଳ ପାଣି ଏବନଗ ଜୁସ୍ ପିଉଥିଲେ । ହେଲେ ସେତିକିରେ ବି ପ୍ରବଳ ଯନ୍ତ୍ରଣା ହେଉଥିଲା । ଶେଷରେ ସେ ଯାଇ ଭୁବନେଶ୍ବରର ଏକ ଘରୋଇ ଡାକ୍ତରଖାନାରେ ଡାକ୍ତରଙ୍କ ପରାମର୍ଶ ନେଲେ ।
ସେଠାରେ ତାଙ୍କ ଚିକିତ୍ସା ଆରମ୍ଭ ହେଲା । ପ୍ରଥମେ ସିଟିସ୍କାନ ଓ ପରେ ଏଣ୍ଡୋସ୍କୋପି ମଧ୍ୟ କରାଗଲା । ସେତେବେଳେକୁ ଚିକେନ କଣ୍ଟାଟି ଖାଦ୍ଯନଳୀକୁ କଣା କରି ସାରିଥିଲା । ସାମାନ୍ଯ ଚିକେନ କଣ୍ଟାଟି ପବିତ୍ରଙ୍କ ଜୀବନ ପ୍ରତି ବିପଦ ସୃଷ୍ଟି କରି ସାରିଥିବା ବେଳେ ସ୍ଵତନ୍ତ୍ର ଡାକ୍ତରୀ ଦଳ ପବିତ୍ରଙ୍କ ଅସ୍ତ୍ରୋପଚାର କରିବାରେ ଲାଗି ପଡିଲେ ।
ଶେଷରେ ତାଙ୍କ ଅସ୍ତ୍ରୋପଚାର ସଫଳ ହୋଇଥିବା ଜଣାପଡିଛି । କଣ୍ଟାଟି ଗଲା ଓ ଛାତିରେ ଅଟକି ରହିବା ଯୋଗୁଁ ଏହା ପବିତ୍ରଙ୍କ ଜୀବନ ପ୍ରତି ବିପଦ ସୃଷ୍ଟି କରିଥିଲା । ତେବେ ଏଭଳି ସ୍ଥିତିରେ ପବିତ୍ରଙ୍କ ଅପରେସନ କରିବା ମଧ୍ୟ ବହୁତ ରିସ୍କି ଥିଲା । କିନ୍ତୁ ଡାକ୍ତରୀ ଦଳ ଚିକେନ କଣ୍ଟାକୁ ସଫଳତାର ସହ ବାହାର କରିବା ସହ ପବିତ୍ରଙ୍କ ଗଳାର ଚିକିତ୍ସା ବେଶ ଭଲ ଭାବେ କରିଥିଲେ । ସାଧାରଣତଃ ଛୋଟପିଲା ମାନେ ଏଭଳି କିଛି ଖାଦ୍ଯ ଗିଳି ଦେଲେ ସମସ୍ଯା ଦେଖା ଦେଇଥାଏ ।
କିନ୍ତୁ ଏଠାରେ ଜଣେ ବଡ ମଣିଷଙ୍କ କ୍ଷେତ୍ରରେ ମଧ୍ୟ ଏଭଳି ଭୟାନକ ଘଟଣା ଦେଖିବାକୁ ମିଳିଛି । ତେବେ ଏଭଳି କିଛି ହେଲେ ଦେଶୀ ଉପଚାର ନକରି ତୁରନ୍ତ ଡାକ୍ତରଙ୍କ ପରାମର୍ଶ ନେବା ପାଇଁ କୁହନ୍ତି ବିଶେଷଜ୍ଞ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।