ସମୟ ସମୟରେ ଆମ ରାଜ୍ୟର ବିଭିନ୍ନ ସ୍କୁଲ, କଲେଜର ଶିକ୍ଷକ ଶିକ୍ଷୟତ୍ରୀଙ୍କ କାଣ୍ଡ କାରନାମା ସାମ୍ନାକୁ ଆସୁଥିବା ବେଳେ ଏବେ ଜଣେ ଅଙ୍ଗନବାଡି ଦିଦିଙ୍କ କାରନାମା ଦେଖିବାକୁ ମିଳିଛି । ଏହି ଅଙ୍ଗନବାଡି ଦିଦି ଜଣକ ମଦ ପିଉଛନ୍ତି । କେବେ ସମ୍ବଲପୁରୀ ନାଚ ନାଚୁଛନ୍ତି ତ ଆଉ କେତେବେଳେ ମଦ ପିଇ ପୁରା ମାତାଲ ହୋଇ ଯାଉଛନ୍ତି ଦିଦି । ଏମିତି ଅଙ୍ଗନବାଡିରେ ମସ୍ତି କରୁଛନ୍ତି ଏହି ଅଙ୍ଗନବାଡି ଦିଦିଜଣକ । ଏହା ହେଉଛି ଆମ ନୂଆପଡା ଜିଲ୍ଲା ବୋଡେନ ବ୍ଲକ ବୋରଗା ଗ୍ରାମ ପଞ୍ଚାୟତ ଅଧିନସ୍ଥ କୋଠିଆପଡାର ଆମପାଣି ପଡାର ଦୃଶ୍ୟ ।
ଏହି ଅଙ୍ଗନବାଡି ସେଣ୍ଟରଟି ସପ୍ତାହକୁ ମାତ୍ର ଦିନେ କି ଦୁଇଦିନ ଖୋଳୁଥିବା ବେଳେ ଅଙ୍ଗନବାଡି କର୍ମୀଙ୍କୁ କହି ଥକିଗଲେଣି ଗ୍ରାମବାସୀ । ପିଲାଙ୍କୁ ଭଲ ଶିକ୍ଷା ଦେବା ପାଇଁ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି ରାଜ୍ୟ ସରକାର । ଛତୁଆ ଠୁ ଆରମ୍ଭ କରି ଲଡୁ, ଅଣ୍ଡା, ଭାତ, ଡାଲି ଭଳି ବିଭିନ୍ନ ପ୍ରକାରର ଖାଦ୍ୟ ମଧ୍ୟ ପିଲାଙ୍କୁ ଯୋଗାଇ ଦେଉଛନ୍ତି । ହେଲେ ଆମପାଣିର ଏହି ଅଙ୍ଗନବାଡି ସେଣ୍ଟର ପାଇଁ ଏହା ସାତ ସ୍ଵପ୍ନ ହୋଇପଡିଛି । ନିଜେ ଦେଶୀ ମହୁଲି ମଦ ପିଇ ଅଣ୍ଡା ସବୁ ହଜମ କରି ଦେଉଛନ୍ତି ଏହି ଦିଦି ।
ଏହି ବିଷୟରେ ଉକ୍ତ ଗ୍ରାମର ସ୍ଵୟଂ ସହାୟକ ଗୋଷ୍ଠୀର ମହିଳାମାନେ ଯାଇ ଶିଶୁ ବିକାଶ ଅଧିକାରିଣୀଙ୍କ ପାଖେ ଅନେକ ଥର ଯାଇ ଅଭିଯୋଗ କରିଛନ୍ତି । ହେଲେ ଶିଶୁ ବିକାଶ ଅଧକାରିଣୀ ଏନେଇ କୌଣସି ପ୍ରତିକ୍ରିୟା ନେଉ ନାହାନ୍ତି । ତେଣୁ ଗଣମାଧ୍ୟମକୁ ଏକଥା ଜଣାପଡିବା ପରେ ସେମାନେ ଶିଶୁ ବିକାଶ ଅଧିକାରିଣୀଙ୍କ ପ୍ରତିକ୍ରିୟା ନେବା ପାଇଁ ତାଙ୍କ ପାଖକୁ ଯାଇଥିଲେ ।
ହେଲେ ମଧ୍ୟ ସେ କୌଣସି ସଠିକ ଉତ୍ତର ଦେଇ ନଥିଲେ । ଆଉ ଏଠାରେ ଗାଁ ଲୋକେ ବସାଇଥିବା ସଭାର ଦୃଶ୍ୟର ଜଣାପଡୁଛି କି ସମ୍ପୃକ୍ତ ଅଙ୍ଗନବାଡି ଦିଦି, ସୁପର ଭାଇଜର ଆଶାମତି ଧରୁଆ ଏବଂ ସିଡ଼ିପୋ ମହାଶୟଙ୍କ ସଲାସୁତୁରାରେ ଉକ୍ତ କାର୍ଯ୍ୟ ଚାଲୁଥିବା ଅନୁମାନ କରାଯାଉଛି ।
ଏଭଳି ଶିକ୍ଷା ବ୍ୟବସ୍ଥା ରହିଲେ ପିଲାମାନଙ୍କ ମୂଳଦୁଆ କିଭଳି ଶକ୍ତ ହେବ ଏବଂ ସରକାର ସେମାନଙ୍କୁ ଯାହା ସହାୟତା ଯୋଗାଇ ଦେଉଛନ୍ତି ତାହା ସେମାନେ କେତେ ଦୂର ପାଇବେ ଆପଣ ଚିନ୍ତା କରି ପାରୁଥିବେ । ତେବେ ଏଭଳି ଅଙ୍ଗନବାଡି କର୍ମୀଙ୍କ ଉପରେ ଦୃଢ କାର୍ଯ୍ୟାନୁଷ୍ଠାନ ନିଆଯିବାର ଅତ୍ୟନ୍ତ ଆବଶ୍ୟକ ରହିଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।