ରାଜଧାନୀରେ ଫୁଲଗଛ କିଣୁଥିବା ସମସ୍ତ ଗ୍ରାହକମାନେ ସାବଧାନ ହୋଇଯାନ୍ତୁ । କାରଣ ରାଜଧାନୀ ମାର୍କେଟରେ ଯେଉଁ ଫୁଲ ଗଛ ବିକ୍ରି ହେଉଛି ତା’ର ସତ୍ୟତା ଜାଣିଲେ ଆପଣ ବି ମୁଣ୍ଡରେ ହାତ ଦେବେ । ଆପଣ ଯଦି ଏହି ଫୁଲ ଗଛ କିଣୁଛନ୍ତି ତେବେ କେବଳ କ୍ଷତିରେ ପଡିବେ । ଏହି ଫୁଲ ଗଛ ଗତକାଲି ଠାରୁ ଭୁବନେଶ୍ବର ମାର୍କେଟରେ ହଇଚଇ ସୃଷ୍ଟି କରିଛି । ପ୍ରତି ଚାରି ଖଣ୍ଡକୁ ୧୦୦ ଟଙ୍କା ଲେଖାଁରେ ବିକ୍ରି ହେଉଛି ଏହି ଫୁଲଗଛ ।
ତେବେ ଏହି ଫୁଲ ଗଛ ନାଁ’ରେ ଯେଉଁ ଡାଳ ବା କାଣ୍ଡ ଆପଣ ବିକ୍ରି ହେଉଥିବା ଦେଖୁଛନ୍ତି ତା’ର ପ୍ରକୃତ ଗଛ ଆପଣଙ୍କ ବାଡି କିମ୍ବା କୌଣସି ନାଳ ନର୍ଦ୍ଦମାରେ ଉଠିବାର ଆପଣ ଦେଖିଥିବେ । ଯାହାକି ଏକଦମ ଅଦରକାରୀ ପଡି ରହିଥାଏ, ସେହି ଗଛକୁ ଫୁଲ ଗଛ ନାଁରେ ୧୦୦ ଟଙ୍କା ଲେଖାଁରେ ବିକ୍ରି କରାଯାଉଛି । ଏହି ଗଛ ଗୁଡାକୁ ଆମେ ଦଳ ବୋଲି କହିଥାଉ । ଏହାକୁ ଅତି ଚତୁର ଭାବେ କାଟି ଏହାର ଅଗ୍ରଭାଗକୁ ରଙ୍ଗ ଦେଇ ଫୁଲ ଗଛ ନାଁରେ ବିକ୍ରି କରାଯାଉଛି ।
ଆଉ ଏହି ବିକାଳି ମାନଙ୍କୁ ପଚାରିବାରୁ ସେମାନେ କହୁଛନ୍ତି କି ନାସିକରୁ ଏହି ଫୁଲ ଗଛ ସେମାନେ ବିକ୍ରି କରିବା ପାଇଁ ଆଣିଛନ୍ତି । ଏହି ସମସ୍ତ ଫୁଲ ଗଛ ବିକାଳିମାନେ ବାହାର ରାଜ୍ୟରୁ ଆସି ଓଡିଶାରେ ରହୁଛନ୍ତି ଏବଂ ଦଳ ଗୁଡିକୁ ଭାଙ୍ଗି ଏହାର ଉପର ମୁଣ୍ଡରେ ରଙ୍ଗ ଲଗେଇ ଫୁଲ ଗଛ ନାଁରେ ବିକ୍ରି କରୁଛନ୍ତି ବୋଲି ଜଣାପଡିଛି ।
ତେବେ ଏହି ଗଛକୁ ନେଇ ହୋହଲ୍ଲା ହେବାରୁ ଖବର ସେଠାରେ ପୋଲିସ ପହଞ୍ଚିଥିଲା । ଘଟଣାର ଯାଞ୍ଚ କରିବା ପରେ ସେ ସମସ୍ତ ଫୁଲ ଜିସିଏଚଏଚ ବିକାଳିଙ୍କୁ ଥାନାକୁ ପଚରାଉଚରା ପାଇଁ ନେଇଛି । ଘରେ ଫୁଲ ଗଛ ଲଗାଇବା ଅନେକ ଲୋକଙ୍କ ସଉକ ହୋଇଥାଏ । ପ୍ରାୟ ସବୁ ଘରେ କିଛି ନା ଗଛ ଓ ଫୁଲ ଲଗାଇଥାନ୍ତି ଲୋକେ । କିନ୍ତୁ ଫୁଲ ପ୍ରେମୀଙ୍କୁ ମଧ୍ୟ ଠକିବାର ନୂଆ ଯୋଜନା ହୁଏତ କରିଛନ୍ତି ଏହି ଠକମାନେ ।
ତେବେ ଅନେକ ଲୋକ ସେମାନଙ୍କ ଠାରୁ ଫୁଲ ଗଛ ନେବା ଆଶାରେ ଦଳ ନେଇ ଘରକୁ ଯାଇଥିବା ବେଳେ ଅନେକ ଲୋକ ଠକାମିରୁ ବର୍ତ୍ତି ଯାଇଛନ୍ତି । ତେବେ ପୋଲିସ ଆଡଘୀକ ତଦନ୍ତ କରି କଣ ଆକ୍ସନ ନେଉଛି ତାହା ଉପରେ ଏବେ ସମସ୍ତଙ୍କ ନଜର ରହିଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।