ପ୍ରାୟ ଦେଢ ମାସ ଧରି ବ୍ରହ୍ମପୁରରେ ପ୍ରେମିକ ଦିନେଶଙ୍କ ଘର ଆଗରେ ଧାରଣା ଦେଇ ଆସୁଛନ୍ତି ଦୀପିକା । ଦୀପିକା ନିଜ ପୁଅକୁ ବାପାର ପରିଚୟ ଏବଂ ନିଜକୁ ସ୍ତ୍ରୀର ମାନ୍ୟତା ଦେବା ପାଇଁ ଯେଉଁ ସଂଘର୍ଷ ଆରମ୍ଭ କରିଥିଲେ ସେଥିରେ ଏବେ ଯାଏଁ ସଫଳ ହୋଇ ପାରିନାହାନ୍ତି । କାରଣ ସେ ଧାରଣାରେ ବସିବା ଦିନଠାରୁ ଏବେ ପର୍ଯ୍ୟନ୍ତ ଦିନେଶଙ୍କର ଦେଖା ନାହିଁ । ଦିନେଶଙ୍କ ପରିବାର ଓଲଟା ଦୀପିକାଙ୍କୁ ଅନେକ ପ୍ରକାରର ହଇରାଣ କରି ଆସୁଛନ୍ତି ।
ତେବେ ଦୀପିକାଙ୍କୁ ନ୍ୟାୟ ଦେବା ପାଇଁ ତାଙ୍କ ସହଯୋଗ କରୁଥିବା ସମାଜସେବୀ ପ୍ରମିଳା ତ୍ରିପାଠୀ ଦୀପିକା ପାଇଁ ମହିଳା କମିଶନକୁ ଚିଠି ଲେଖି ଜଣାଇଥିଲେ । ଯାହାପରେ ମହିଳା କମିଶନ ସେପ୍ଟେମ୍ବର ୧୯ ତାରିଖ ଦିନ ଦିନେଶଙ୍କୁ ପଚରାଉଚରା କରିବା ପାଇଁ ଡାକିବା ସହ ଚିଠି ପଠାଇଥିଲା । ଏନେଇ ଖୁସି ଥିବା ଦୀପିକା ଗଣମାଧ୍ୟମରେ ଏକଥା ଜଣାଇଥିଲେ । ତେବେ ଦୀପିକା ପୂର୍ବରୁ କହିଥିଲେ ଯେ, ସେ ଯେହେତୁ ଧାରଣାରେ ବସିଛନ୍ତି ତେଣୁ ନିଜେ ଭୁବନେଶ୍ବର ଯାଇ ପାରିବେ ନାହିଁ ।
କିନ୍ତୁ ପ୍ରମିଳା ମା’ ତାଙ୍କ ପାଇଁ ମହିଳା କମିଶନ ଯିବେ । ହେଲେ ଦୀପିକା ନିଜ ନିଷ୍ପତ୍ତି ବଦଳାଇ ନିଜେ ଭୁବନେଶ୍ବର ଆସିଥିଲେ । ତେବେ ଦୀପିକା ନ୍ୟାୟ ଆଶାରେ ଏହିଦିନକୁ ଅପେକ୍ଷା କରି ରହିଥିବା ବେଳେ ଦିନେଶ କିନ୍ତୁ ତାଙ୍କୁ ନିରାଶ କରିଛନ୍ତି । ଦିନେଶ କି ତାଙ୍କ ପକ୍ଷରୁ କେହି ମଧ୍ୟ ମହିଳା କମିଶନରେ ଉପସ୍ଥିତ ନଥିଲେ ।
ଦୀପିକା କିନ୍ତୁ ନିଜ ମାମଲାର ସବୁ ଡିଟେଲ୍ସ ଦେବା ସହ ମହିଳା କମିଶନରଙ୍କ ସାମ୍ନାରେ ସଂପୂର୍ଣ୍ଣ ମାମଲା ଜଣାଇଥିଲେ । ତେବେ ଦୀପିକାଙ୍କ ସବୁ କେସ୍ ର ଫାଇଲ ଓ ଡିଟେଲ୍ସ ଦେଖିବା ପରେ ଦୀପିକାଙ୍କୁ ନ୍ୟାୟ ଦେବାରେ ସେମାନେ ନିଶ୍ଚିତ ଭାବେ ସାହାଯ୍ୟ କରିବେ ବୋଲି କଥା ଦେଇଛନ୍ତି । ଯାହାକି ଦୀପିକା ନିଜେ ଗଣମାଧ୍ୟମରେ ଜଣାଇଛନ୍ତି । ତେବେ ଦୀପିକା ଆହୁରି ମଧ୍ୟ କହିଛନ୍ତି କି, ସେ ନିଜ ପୁଅକୁ ବାପାର ପରିଚୟ ଦେବାକୁ ଚାହୁଁଛନ୍ତି ।
ତେଣୁ ଦିନେଶ ଆସି ସବୁ ସମାଧାନ କରନ୍ତୁ ବୋଲି ତାଙ୍କର ଇଚ୍ଛା । ଏଥିପାଇଁ କିନ୍ତୁ ସେ ଦିନେଶଙ୍କୁ କୌଣସି ପ୍ରକାର ଦଣ୍ଡ ଦେବାକୁ ଚାହୁଁ ନଥିବା କହିଛନ୍ତି । ତେବେ ଦୀର୍ଘ ଦିନ ଧରି ନ୍ୟାୟ ଅପେକ୍ଷାରେ ଥିବା ଦୀପିକାଙ୍କୁ କେବେ ନ୍ୟାୟ ମିଳୁଛି ତାହା ଦେଖିବାକୁ ସମସ୍ତେ ଅପେକ୍ଷା କରି ରହିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।