ବର୍ଷା ଲାଗି ରହିବା ଯୋଗୁଁ ପ୍ରେମିକ ଦିନେଶଙ୍କ ଘର ଆଗରେ ଧାରଣାରେ ବସିଥିବା ଦୀପିକା ବହୁତ ହଇରାଣ ହେଉଛନ୍ତି । ବର୍ଷା ଛାଟିବା ଯୋଗୁଁ ତାଙ୍କର ସବୁ ଖାଦ୍ଯ ସାମଗ୍ରୀ ଏବଂ ଜିନିଷପତ୍ର ଓଦା ହୋଇଯାଉଛି । ହେଲେବି ସେ ଯେଉଁ ଲକ୍ଷ୍ୟ ନେଇ ଧାରଣାରେ ବସିଥିଲେ ସେଥିରୁ ହଟି ନାହାନ୍ତି । ସବୁ ପ୍ରକାର ଦୁଃଖ ଓ ତାଡନା ସହି ନିଜ କୁନି ପୁଅକୁ ବାପାର ପରିଚୟ ଦେବା ପାଇଁ ସେ ଅଡି ବସିଛନ୍ତି । ଗତ କିଛିଦିନ ହେବ ଦୀପିକା ନିଜ ଧାରଣସ୍ଥଳରେ ଅର୍ଥାତ ପ୍ରେମିକ ଦିନେଶଙ୍କ ଘର ଆଗରେ ରୋଷେଇ କରି ଖାଉଛନ୍ତି ।
ହେଲେ ବର୍ଷା ତାଙ୍କ ପାଇଁ ସାଜିଛି ସବୁଠୁ ବଡ ପ୍ରତିବନ୍ଧକ । ସେ ଟାଣିଥିବା ପାଲଟିଏ ତାଙ୍କୁ ବର୍ଷା ମାଡରୁ ରକ୍ଷା କରି ପାରୁନାହିଁ । ତେବେ ଏତିକି ବେଳେ ତାଙ୍କ ଶ୍ଵଶୁରଙ୍କ ସହ ତାଙ୍କର କଣ କଥାବାର୍ତ୍ତା ହେଲା ଓ ସେ କାହିଁକି ହସିଲେ ସେନେଇ ଗଣମାଧ୍ୟମରେ ଜଣାଇଛନ୍ତି ଦୀପିକା । ବର୍ଷା ହେବା ଯୋଗୁଁ ଦିନେଶଙ୍କ ବାରଣ୍ଡାରୁ ସବୁ ଜିନିଷ ପତ୍ର ଉଠାଇ ଜରି ଓ ବ୍ୟାଗରେ ପୁଏରି ତାଙ୍କ ଘର ଗ୍ରୀଲରେ ଟାଙ୍ଗୀ ଦେଇଛନ୍ତି ଦୀପିକା । ଦିନେଶଙ୍କ ବାପା ଯେତେବେଳେ ଆସିଲେ ସେ ତାଙ୍କୁ ବାଟ ଛାଡି ଦେଇଥିଲେ ।
ସେତିକି ବେଳେ ଦିନେଶଙ୍କ ବାପା ସବୁ ଜିନିଷପତ୍ର ଗ୍ରୀଲରୁ କାଢିଦେବା ପାଇଁ ଦୀପିକାଙ୍କୁ କହିଥିଲେ । ଦୀପିକା କିନ୍ତୁ ଉତ୍ତର ଦେଇଥିଲେ ବର୍ଷା ହେଉଛି ଏତେ ଜୋରରେ ଜିନିଷ ସବୁ ଯଦି କାଢିଦେବି ତେବେ କେଉଁଠି ରଖିବି । ମୁଁ ତ ଏତେଦିନ ହେଲାଣି ବସିଛି କେହି ମୋ ଦୁଃଖ ବୁଝିଲନି ବରଂ ମୁଁ ନଥିବା ବେଳେ ମୋର ଖାଦ୍ଯ ସାମଗ୍ରୀ ସବୁଥିରେ ସରଫ ପାଣି ପକେଇ ସବୁ ପୁଚକା କରିଦେଲ ।
ଯଦି ହେଉଛି ତେବେ ମୋତେ ଆପଣଙ୍କ ଗ୍ରୀଲ ଭିତରେ ଯେଉଁ ସ୍ଥାନ ଅଛି ସେଇଠି ଟିକେ ଜାଗା ଦିଅନ୍ତୁ । ଏହାର ଶୁଣି ଦିନେଶଙ୍କ ବାପା ଓଲଟା କହିଥିଲେ, ମୋ ପୁଅ ମୋର ନୁହେଁ କି ମୋ ସ୍ତ୍ରୀ ବି ମୋର ନୁହେଁ । ମୋ ବାପାମା’ ଆଉ ଏ ଘର ମୋର । ଏହାସହ ତାଙ୍କୁ ସେଠାରୁ ଉଠିଯିବାକୁ କହିଥିଲେ ।
ଦୀପିକା କହିଥିଲେ ଯଦି ଆପଣଙ୍କୁ ଏତେ ଅସୁବିଧା ହେଉଛି ତେବେ ଦିନେଶଙ୍କୁ ଡାକି ଦିଅନ୍ତୁ ଓ ମୋ ପୁଅକୁ ବାପାର ପରିଚୟ ଦେଇ ଦିଅନ୍ତୁ ସବୁ ସମାଧାନ ହୋଇଯିବ । ଏତିକି ଶୁଣି କିନ୍ତୁ ଦିନେଶଙ୍କ ବାପା ତାତ୍ସଲ୍ୟ ଭାବେ ହସି ସେଠାରୁ ପଳେଇଥିଲେ ବୋଲି କହିଛନ୍ତି ଦୀପିକା । ଆମ ପୋଷ୍ଟ ଅନ୍ୟମାନଙ୍କ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।