ଦୀର୍ଘ ତିରିଶ ବର୍ଷ ତଳେ ମା ଛେଉଣ୍ଡ ତିନିମାସର ଶିଶୁକନ୍ୟାକୁ ଆଶ୍ରମକୁ ଟେକି ଦେଇଥିଲେ ବାପା । ପୂର୍ବରୁ ୫ଟି ଝିଅ ଓ ଗୋଟିଏ ପୁଅ ଥିବା ବେଳେ ଏହି କୁନି ଛୁଆର ଲାଲନପାଳନ କେମିତି ହେବ ସେକଥା ଚିନ୍ତା କରି ଏଭଳି ଏକ ପଦକ୍ଷେପ ନେଇଥିଲେ ବାପା । ଝିଅଟି ଆଶ୍ରମରେ ବଡ ହେଲା ଆଉ ସୁଦୂର ବେଲଜିୟମରେ ଏକ ଦମ୍ପତ୍ତି ତାଙ୍କୁ ଝିଅ କରି ନେଲେ । କିନ୍ତୁ ବଡ ହେବା ପରେ ସେ ଏବେ ନିଜ ଜନ୍ମ ମାଟିକୁ ଫେରିଛି । ଏହା ଆପଣଙ୍କୁ କୌଣସି କାହାଣୀ ଭଳି ଲାଗୁଥିଲେ ମଧ୍ୟ ଏକଦମ ସତ୍ୟ ।
ଏହା ହେଉଛି କନ୍ଧମାଳ ଜିଲ୍ଲା ରାଇକିଆ ବ୍ଲକ ଗୁମ ମହାପଞ୍ଚାୟତର ଗୁଜାପାଙ୍ଗା ଗାଁ’ର ସତ କାହାଣୀ । ଗାଁ’ର କୃଷ୍ଣଚନ୍ଦ୍ର ରଣା ଏବଂ ଅଜିମନି ରଣାଙ୍କର ୫ଟି ଝିଅ ଓ ଗୋଟିର ପୁଅ ଥିଲେ । ସ୍ତ୍ରୀ ଅଜିମନି ରଣାଙ୍କର ମୃତ୍ୟୁ ପରେ କୃଷ୍ଣଚନ୍ଦ୍ର ତିନିମାସର ଝିଅ ମାମିନାକୁ ଉଦୟଗିରୀର ସୁଭଦ୍ରା ମହତାବ ଆଶ୍ରମରେ ଛାଡି ଚାଲି ଯାଇଥିଲେ । ପରେ ବେଲଜିୟମର ଏକ ଦମ୍ପତ୍ତି ମାମିନାକୁ ପୋଷ୍ୟା ସନ୍ତାନ ଭାବେ ନେଇଥିଲେ । କିନ୍ତୁ କିଛି ବର୍ଷ ପରେ ମାମିନା ନିଜ ଜନ୍ମସ୍ଥାନ ଓ ପରିବାର ଲୋକଙ୍କୁ ଖୋଜିବାରେ ଲାଗିଥିଲେ ।
ଶେଷରେ ସେ ଆଜି ନିଜ ଘରେ ନିଜ ରକ୍ତ ସମ୍ପର୍କୀୟଙ୍କ ପାଖରେ ପହଞ୍ଚିଛନ୍ତି । ବୟସ ବଢିବା ସାଙ୍ଗକୁ ମାମିନା ନିଜ ଘର ଓ ରକ୍ତ ସମ୍ପର୍କୀୟଙ୍କ ବିଷୟରେ ଜାଣିବାକୁ ଚାହିଁଥିଲେ । ଆଉ ତାଙ୍କର ସେହି ଇଚ୍ଛା ହିଁ ଆଜି ତାଙ୍କୁ ପରିବାର ଲୋକଙ୍କ ସହ ଭେଟ କରାଇ ପାରିଛି ବୋଲି ସମସ୍ତେ କହୁଛନ୍ତି । ବର୍ଷକୁ ଏମିତି ଥରେ ଆସି ମାମିନା ନିଜ ଘର ଲୋକଙ୍କୁ ଭେଟିବେ ବୋଲି କହିଛନ୍ତି ।
ସବୁଠୁ ବଡ କଥା ହେଉଛି ବର୍ତ୍ତମାନ ପରିପ୍ରେକ୍ଷୀରେ କିଛି ସ୍ଥାନରେ ଏବେବି ଅସହାୟ ନାବାଳିକା ଓ ଯୁବତୀ ମାନଙ୍କୁ ନେଇ ଅନେଇ ଅନୈତିକ କାର୍ଯ୍ୟରେ ଲଗାଯାଉଛି । ଅଥଚ ମାମିନ ନିଜ ପରିଚୟ ତିଆରି କରିବା ସାଙ୍ଗକୁ ଏବେ ନିଜର ଅତୀତକୁ ଖୋଜି ପାଇଛନ୍ତି । ମାମିନାଙ୍କୁ ଏଥିରେ ଅନେକ ସମାଜସେବୀ ମଧ୍ୟ ସାହାଯ୍ୟ କରିବାକୁ ଆଗେଇ ଆସିଥିଲେ । ବର୍ତ୍ତମାନ ମାମିନା ଜଣେ ଉଚ୍ଚ ଶିକ୍ଷିତା ମହିଳା ଓ ବିବାହିତା ମଧ୍ୟ ।
ପୁନେ ଉଚ୍ଚ ନ୍ୟାୟାଳୟର ମହିଳା ଓକିଲ ଅଞ୍ଜ ପାୱାରଙ୍କ ମଧ୍ୟରେ ସେ ଭରତ ଆସିଥିଲେ ଓ ଏହାପରେ ଓଡିଶାରେ ନିଜ ଜନ୍ମମାଟିରେ ଆସି ପହଞ୍ଚି ପାରିଥିଲେ । ନିଜ ପରିବାରକୁ ଅତ୍ୟଧିକ ପାଖରେ ପାଇ ମାମିନା ବହୁତ ଖୁସି ଅଛନ୍ତି ବୋଲି ପ୍ରକାଶ କରିଛନ୍ତି । ଭରତ ତାଙ୍କ ଦେଶ ଓ ନିଜ ଅଞ୍ଚଳ ଓ ଭୂମିକୁ ଦେଖି ସେ ଭାବବିହ୍ଵଳ ମଧ୍ୟ ହୋଇଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।