ଚର୍ଚ୍ଚିତ ଅଭିନେତା ରାଇମୋହନଙ୍କ ମୃତ୍ୟୁ ପରେ ତାଙ୍କୁ ନେଇ ଚର୍ଚ୍ଚା ବଢିବାରେ ଲାଗିଛି । ମୃତ୍ୟୁର କାରଣ କଣ ଜାଣିବାକୁ ସମସ୍ତେ ଚାହିଁ ବସିଥିବା ବେଳେ ରାଇମୋହନଙ୍କ ଏକ ସାକ୍ଷାତକାର ଭିଡିଓ ବର୍ତ୍ତମାନ ସାମ୍ନାକୁ ଆସିଛି । ରାଇମୋହନ ଜୀବିତ ଥିବା ବେଳେ ତାଙ୍କ ପତ୍ନୀ ଓ ସାନ ଝିଅ ଉଦିତାଙ୍କ ସହ ସେ ଏହି ସାକ୍ଷାତକାର ଦେଇଥିଲେ । ରାଇମୋହନ ତାଙ୍କ କ୍ଯାରିୟରରେ ଉନ୍ନତି ହେବାର ଶ୍ରେୟ ପତ୍ନୀ ରଞ୍ଜିତାଙ୍କୁ ଦେଇଥିଲେ । ବାହାଘର ପରେ ଅଷ୍ଟମଙ୍ଗଳା ବାସି ଦିନ ସେ ନାଗପଞ୍ଚମୀ ଫିଲ୍ମର ଶୁଟିଙ୍ଗ କରିବାକୁ ପଳେଇଥିଲେ ।
ଦେଢମାସ ତାଙ୍କୁ ବାହାରେ ରହିବାକୁ ପଡିଥିଲା । ଆଉ ସେହି ଫିଲ୍ମ ସମୟରୁ ସେ ଲୋକଲୋଚନକୁ ଆସିଥିଲେ । ଫିଲ୍ମରେ ତାଙ୍କ ଅଭିନୟକୁ ସମସ୍ତେ ପସନ୍ଦ କରିଥିଲେ ଓ ତା’ ପରଠାରୁ ସେ କେବେ ପଛକୁ ଫେରି ଦେଖିନାହାନ୍ତି । ପତ୍ନୀ ରଞ୍ଜିତାଙ୍କୁ ସେ ଘରର ଲକ୍ଷ୍ମୀ ବୋଲି କହିଥିଲେ । ଦୁହେଁ ପ୍ରେମ ବିବାହ କରିଥିଲେ ଓ ଆଜି ତାଙ୍କ ବଡ ଝିଅ ଶେଫାଳିର ବିବାହ କରି ସାରିଲେଣି, ଏବେବି ସେମାନଙ୍କ ମଧ୍ୟରେ ଭଲ ବୁଝାମଣା ଓ ଭଲପାଇବା ପ୍ରଚୁର ମାତ୍ରାରେ ରହିଥିବା ନଜର ଆସିଛି ।
ରାଇମୋହନ ପିଲାବେଳର କିଛି କଥା ମଧ୍ୟ ଶେୟାର କରିଛନ୍ତି । ସେ ବହୁତ ଦୁଷ୍ଟ ଥିଲେ ଓ ପ୍ରତିଦିନ କିଛି ନା କାଣ୍ଡ କରି ଦେଉଥିଲେ ବୋଲି କହିଛନ୍ତି । କେବେ କାହାକୁ ମାରି ଦେଉଥିଲେ ତ ଆଉ କେବେ ଝିଅ ମାନଙ୍କର ଚୁଟି ଟାଣି ଦେଉଥିଲେ । ମା’ଙ୍କୁ ଆସିକି କହୁଥିଲେ କି ସେ ଝିଅଟା ତାଙ୍କୁ ଅଭଦ୍ର କଥା କହିଛି ।
ଆଉ କେଉଁ ଝିଅର ମା ତାଙ୍କ ଘରକୁ ଅଭିଯୋଗ ଆଣି ଆସିଲେ ତାଙ୍କ ମା’ ତାଙ୍କ ପାଇଁ ଲଢୁଥିଲେ । ଏସବୁ ସେ ଖୁବ ମଜା ଉଠାଉଥିଲେ । ଦିନେ ତାଙ୍କ ବାପା ତାଙ୍କୁ ମାଡ ମାରିବା ସହ ରୋଡକୁ ନେଇ ଯାଇଥିଲେ । ରାତି ସମୟ ହୋଇଥାଏ ସେ ରାଇମୋହନଙ୍କୁ ଆକାଶକୁ ଦେଖାଇ ପଚାରିଲେ କଣ ଦେଖୁଚୁ । ରାଇମୋହନ କହିଲେ ତାରା ଦେଖା ଯାଉଛନ୍ତି । ସେତେବେଳେ ରାଇମୋହନଙ୍କ ବାପା କହିଥିଲେ ଏତେ ବଡ ଜହ୍ନରେ ଜଳୁଛି ସେଇଟା କଣ ତୋତେ ଦିଶୁନାହିଁ ? ତୁ ମୋର ସେଇ ଗୋଟିଏ ଜହ୍ନ ଭଳି କଣ ହୋଇପାରିବୁ ନାହିଁ ?
ସେତେବେଳେ ବାପାଅଙ୍କ ମନ ରଖିବା ପାଇଁ ସେ ହଁ କହି ଦେଇଥିଲେ । କିନ୍ତୁ ପରେ ବାପାଙ୍କ କଥା ବୁଝିପାରି ସତରେ ଜହ୍ନ ହେବାକୁ ଚେଷ୍ଟା କରିଥିଲେ । ବାପାଙ୍କ ମୃତ୍ୟୁ ବେଳେ ସେ ବାପାଙ୍କୁ ଯାଇ ପଚାରିଥିଲେ କି ସେ ଜହ୍ନ ନା ତାରା ? ବାପା ତାଙ୍କୁ କହିଥିଲେ ତୁ ମୋର ପୁନେଇଁ ରାତିର ଜହ୍ନ । ରାଇମୋହନ ସତକୁ ସତ ଜହ୍ନଟିଏ ଭଳି ଜଳି ନିଜ ଆଲୋକ ସାରା ଓଡ଼ିଶାକୁ ଦେଖାଇଛନ୍ତି ।
ସେ ଆହୁରି ମଧ୍ୟ କହିଛନ୍ତି କି ତାଙ୍କ ଚେହେରା ଓ ସିନେମାର ଅଭିନୟ ଦେଖି ତାଙ୍କୁ ସମସ୍ତେ ଡରିଯାନ୍ତି ସିନା ସେ କିନ୍ତୁ ନିଜେ ବି ଭିତରୁ ବହୁତ ଭୟ କରନ୍ତି । ଉପରୁ ଭିଲେନ ହେଲେ ମଧ୍ୟ ଭିତରୁ ସେ ଭୟ କରନ୍ତି । ଏଥିରୁ ଜଣାପଡେ ଯେ ରାଇମୋହନ କେତେ ନରମ ମିଜାଜର ବ୍ୟକ୍ତି ଥିଲେ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତି ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।