କିଛି କହିବା ପୂର୍ବରୁ ପ୍ରଥମେ ଏହି ଭିଡିଓକୁ ଥରେ ଦେଖି ନିଅନ୍ତୁ ଦେଖିବେ ଆପଣଙ୍କ ମୁହଁରେ ଏହା ହସ ଭରିଦେବ । କୁକୁରର ପାଣି ଖେଳ ଦେଖି ଆପଣଙ୍କୁ ନିଜ ପିଲାଦିନ ନିଶ୍ଚୟ ମନେ ପଡି ଯାଇଥିବ । ଏହି ଭିଡିଓଟି ସୋସିଆଲ ମିଡିଆରେ ବେଶ ଭାଇରାଲ ହେଉଛି । ଦେଖିଲେ ତ କେବଳ ମଣିଷ ନୁହେଁ ବରଂ କୁକୁରମାନେ ବି ପାଣି ଦେଖିଲେ କେମିତି ଦୁଷ୍ଟାମି ଆରମ୍ଭ କରି ଦିଅନ୍ତି । ବିଶେଷ କରି ଖରାଦିନେ ଥଣ୍ଡା ପାଣି ଟିକେ ଦେହରେ ପଡିଗଲେ ଖୁବ ଭଲ ଲାଗିଥାଏ ।
ଇଚ୍ଛା ହୁଏ ସେମିତି ପାଣିରେ ବୁଡି ରହି ଖେଳିବାକୁ । ତେବେ କେବଳ ମଣିଷ ନୁହେଁ ପଶୁପକ୍ଷୀ ବି ଖରାଦିନେ ପାଣିରେ ଗାଧୋଇବାକୁ ଭଲ ପାଆନ୍ତି । ଆଉ ଏହି ଭିଡିଓଟି ଏହାର ଜ୍ଵଳନ୍ତ ଉଦାହରଣ । ଆଗେ ଆଗେ ଚାଲିଛି ଏକ ପାଣି ଟ୍ୟାଙ୍କର, ଯାହା ଘର ଘର ବୁଲି ପାନୀୟ ଜଳ ଯୋଗାଏ । ଏହି ପାଣି ଟ୍ୟାଙ୍କର ଗାଡି ଉପରେ ଜଣେ ବ୍ୟକ୍ତି ବସିଛନ୍ତି ଆଉ ପାଇପରେ ରାସ୍ତା ଉପରକୁ ପାଣି ପକାଉଛନ୍ତି । ଏହାସହ ପାଣି ଟ୍ୟାଙ୍କର ଗାଡିଟି ବି ଆଗକୁ ଆଗକୁ ବଢିଚାଲିଛି ।
ଆଉ ଗାଡି ପଛେ ପଛେ ପାଣି ଖେଳି ଖେଳି ଡେଇଁ ଡେଇଁ ଯାଉଛି କଳା କୁକୁର ଟିଏ । ରିମଝିମ ପାଣିର ତାଳେ ତାଳେ ମତୁଆଲା ହେବା ପରି ନାଚି ନାଚି ଯାଉଛି କୁକୁରଟି । ପାଣି ଯୁଆଡେ ଯୁଆଡେ ଯାଉଛି କୁକୁରଟି ବି ସେଆଡେ ସେଆଡେ ବୁଲୁଛି । ଆପଣ ବାଥରୁମ୍ ସାୱାରରେ ଯେଉଁ ମଜା ନେଇ ପାରୁ ନଥିବେ ଏହି କୁକୁରଟି ତା’ର ମଜା ମାଗଣାରେ ଖୋଲା ଆକାଶ ତଳେ ନେଉଛି ।
ଗାଡି ଉପରେ ବସିଥିବା ଭାଇ ଜଣକ ବି କୁକୁରର ମନ ଜାଣି ତା ସହ ଖେଳିବା ବାହାନାରେ ପାଣିକୁ ଏପଟ ସେପଟ ହଲେଇ ମଜା ନେଉଛନ୍ତି । ଏହି ଭିଡିଓଟି ବର୍ତ୍ତମାନ ଟ୍ବିଟରରେ ଭାଇରାଲ ହେଉଥିବା ବେଳେ ୟୁଜର୍ସ ମାନେ ଏହାକୁ ଦେଖି ଖୁସି ହେଉଛନ୍ତି । ତେବେ ଏହି ଦୃଶ୍ୟର ଭିଡିଓ ତାଙ୍କ ପଛରେ ଥିବା କାର୍ ରୁ ଶୁଟିଙ୍ଗ କରା ଯାଇଥିବା ଜଣାପଡୁଛି । ଯିଏ ହୁଏତ ସେହି ବାଟ ଦେଇ ଯାଉଥିବା ବେଳେ କୁକୁରର ପାଣି ଖେଳ ଦେଖି ଶୁଟିଙ୍ଗ ନକରି ରହି ପାରି ନଥିଲେ ।
ତେବେ ମନେ ରଖନ୍ତୁ ଖୁସି ଏକ ଗନ୍ତବ୍ୟସ୍ଥଳ ନୁହେଁ ବରଂ ଏକ ଯାତ୍ରା ଅଟେ । ତେଣୁ ଯେଉଁ ମୁହୂର୍ତ୍ତରେ ଖୁସି ମିଳୁଛି ତାକୁ ଉପଭୋଗ କରନ୍ତୁ ଦେଖିବେ ଜୀବନ ସୁନ୍ଦର ଲାଗିବ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।