ମୁଣ୍ଡ ଟେକିଲାଣି ଗ୍ରୀଷ୍ମ ଋତୁ । ଆଉ ଆରମ୍ଭ ହୋଇଗଲାଣି ଭୀଷଣ ଖରା । ଏହିଦିନେ ପାଣି ବିନା ବଞ୍ଚିବା ଯେମିତି ଅସମ୍ଭବ ଲାଗେ । ସେଥିପାଇଁ ଖରାଦିନେ ଜଳକୁ ଅମୃତ ବୋଲି ବିବେଚନା କରା ଯାଇଥାଏ । ଶୋଷ ହେବା ମାତ୍ରେ ଆଗପଛ ନ ବିଚାରୀ ସମସ୍ତେ ପାଣି ଟିକିଏ ମାଗି ପିଇ ଦେଇଥାନ୍ତି । କିନ୍ତୁ କଥା କହି ପାରୁ ନଥିବା ପଶୁପକ୍ଷୀ ମାନେ ଖରାଦିନେ ପାଣି ଟୋପାଏ ପାଇଁ ଡହଳ ବିକଳ ହୁଅନ୍ତି । ସେଥିପାଇଁ କିଛି ଲୋକ ଖରାଦିନେ ଘର ବାହାରେ କିମ୍ବା ଛାତ ଉପରେ ପଶୁପକ୍ଷୀଙ୍କ ପାଇଁ ଜଳ ପାତ୍ର ରଖିଥାନ୍ତି ।
ଯାହାକୁ ପିଇ ଆତ୍ମସନ୍ତୋଷ ଲାଭ କରନ୍ତି ପଶୁପକ୍ଷୀ ମାନେ । ତେବେ ଖରାଦିନ ନ ଆସୁଣୁ ସୋସିଆଲ ମିଡିଆରେ ଏହିପରି ଏକ ଭିଡିଓ ଭାଇରାଲ ହେବାରେ ଲାଗିଛି । ଜହ ଆଶ୍ଚର୍ଯ୍ୟଜନକ ହୋଇଥିଲେ ମଧ୍ୟ ଅତ୍ୟନ୍ତ ହୃଦୟସ୍ପର୍ଶୀ ଅଟେ । ଏହି ଭାଇରାଲ ଭିଡିଓରେ ଗୋଟିଏ ସାପକୁ ଜଣେ ବ୍ୟକ୍ତିଙ୍କ ହାତରୁ ପାଣି ପିଉଥିବାର ଦେଖିବାକୁ ମିଳୁଛି ।
ପ୍ରବଳ ଖରା ଯୋଗୁଁ ଶୋଷିଲା ସାପଟି କିଭଳି ଜଣେ ବ୍ୟକ୍ତିଙ୍କ ହାତ ପାପୁଲିରେ ଥିବା ପାଣିକୁଆ ଢକଢକ କରି ପିଇ ଯାଉଛି । ପାଣି ପାଇଁ ସତେ ଯେମିତି ଡହକ ବିକଳ ହେଉଥିବା ଏହି ସାପଟି । ସାପର ଏହିପରି ଭାବେ ପାଣି ପିଇବା ଦେଖି ସୋସିଆଲ ମିଡିଆ ୟୁଜର୍ସ ମାନେ ଆଶ୍ଚର୍ଯ୍ୟ ହୋଇ ଯାଉଛନ୍ତି । ଏହା ଯେ ଏକ ବାସ୍ତବ ଘଟଣା ହୋଇପାରେ ତାହା କେହି ମଧ୍ୟ ବିଶ୍ବାସ କରିପାରୁ ନାହାନ୍ତି ।
ଭିଡିଓରେ ଦେଖିବାକୁ ମିଳୁଛି ଯେ ଗଛରେ ଏକ ସବୁଜ ରଙ୍ଗର ସାପ ଝୁଲିଛି । ଆଖପାଖରେ କୌଣସି ସ୍ଥାନରେ ପାଣି ନାହିଁ । ଏହି ସମୟରେ ଜଣେ ବ୍ୟକ୍ତି ତାଙ୍କ ପାପୁଲିରେ ବୋତରୁ ପାଣି ଢାଳି ସାପକୁ ପିଆଇ ଦେଉଛନ୍ତି । ୪୯ ସେକେଣ୍ଡର ଏହି ଜବରଦସ୍ତ ଭିଡିଓଟିକୁ ଆଇଏଫଏସ ଅଧିକାରୀ ସୁଶାନ୍ତ ନନ୍ଦ ତାଙ୍କ ଅଫିସିଆଲ ଟ୍ବିଟର ଆକାଉଣ୍ଟରୁ ଶେୟାର କରିଛନ୍ତି । ଏହାର କ୍ୟାପସନରେ ସେ ଲେଖିଛନ୍ତି, “ଗ୍ରୀଷ୍ମ ଆସୁଛି । ଅଳ୍ପ କିଛି ବୁନ୍ଦା ଜଳ କାହାର ଜୀବନ ରକ୍ଷା କରିପାରିବ । ଆପଣ ନିଜ ବଗିଚାରେ ଏକ ପାତ୍ରରେ କିଛି ପାଣି ରଖି ଦିଅନ୍ତୁ ।
ଏହା ଅନେକ ପଶୁପକ୍ଷୀଙ୍କ ଜୀବନ ରକ୍ଷା କରିପାରିବ । ସୁଶାନ୍ତଙ୍କ ଏହି ଛୋଟିଆ ଭିଡିଓ ପଶୁପକ୍ଷୀ ପ୍ରେମୀଙ୍କ ମନ ଜିଣି ନେଇଛି । ଆଜିଠୁ ଆପଣ ବି ଏହି ଛୋଟିଆ ପ୍ରୟାସରେ ନିଜକୁ ସାମିଲ କରନ୍ତୁ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।