ସୁମିତ ଓ ତପସ୍ଵିନୀଙ୍କ ମାମଲାରେ ଗତକାଲି ଜିଲ୍ଲା କୋର୍ଟ ଶେଷ ଶୁଣାଣି ଦେଇଛନ୍ତି । ତାଙ୍କ ରାୟ ଅନୁସାରେ ତପସ୍ଵିନୀଙ୍କୁ ବର୍ତ୍ତମାନ ତାଙ୍କ ଶ୍ଵଶୁର ଘରେ ରହିବା ପାଇଁ ସ୍ଥାନ ଦିଆଯିବ । ତେବେ ଏନେଇ ସୁମିତଙ୍କ ବାପା ପ୍ରତିକ୍ରିୟା ଦେଇ କହିଛନ୍ତି ଯେ, ସେମାନେ କୋର୍ଟଙ୍କ ଆଦେଶକୁ ସମ୍ମାନ ଦେଇ ତପସ୍ଵିନୀଙ୍କୁ ବର୍ତ୍ତମାନ ତାଙ୍କ ଘରେ ସ୍ଥାନ ଦେବେ । କିନ୍ତୁ ଆବଶ୍ୟକ ପଡିଲେ ଜିଲ୍ଲା କୋର୍ଟଙ୍କ ରାୟ ବିରୋଧରେ ଉଚ୍ଚ ନ୍ୟାୟାଳୟରେ ମଧ୍ୟ ଆବେଦନ କରିବେ ।
ତେବେ ତପସ୍ଵିନୀ ତାଙ୍କ ଘରେ ଯେଉଁ ସ୍ଥାନରେ ରହିବେ ପ୍ରୋଟେକ୍ସନ ଅଫିସର ସେ ସ୍ଥାନ ଦେଖିଛନ୍ତି । ଆଉ ରୁମ୍ ଦେଖିବା ପରେ ସଫାସଫି ହେବା ପରେ ତପସ୍ଵିନୀ ସେଠାରେ ରହିପାରିବେ ବୋଲି କହିଛନ୍ତି ସୁମିତଙ୍କ ବାପା ତଥା ପ୍ରମୋଦ କୁମାର ସାହୁ । କିନ୍ତୁ ସୁମିତ ଏବେ ମଧ୍ୟ ଦେଖା ଦେଉ ନାହାନ୍ତି । ବାପାଙ୍କୁ ତାଙ୍କ ବିଷୟରେ ପଚରା ଯିବାରୁ ସୁମିତ ରେଷ୍ଟ ନେଉଛନ୍ତି ବୋଲି ସେ କହିଛନ୍ତି ।
ତପସ୍ଵିନୀଙ୍କ ମାମଲାରେ କୋର୍ଟଙ୍କ ରାୟକୁ ମାନ୍ୟ କରି ପ୍ରମୋଦ କୁମାର ସାହୁ ସଂପୂର୍ଣ୍ଣ ଭାବେ ସହଯୋଗ କରୁଛନ୍ତି ବୋଲି ମନ୍ତବ୍ୟ ଦେଇଛନ୍ତି । ତେବେ ତପସ୍ଵିନୀ ତାଙ୍କ ଘରେ ସୁମିତଙ୍କ ବେଡରୁମ୍ ରେ ରହିବେ କି ଅନ୍ୟ କେଉଁଠି ରହିବେ ତାହା ସୁବିଧା ଦେଖି ସେମାନେ ନିର୍ଣ୍ଣୟ ନେବେ । କୋର୍ଟଙ୍କ ସର୍ତ୍ତ ଅନୁସାରେ ତପସ୍ଵିନୀ ସୁମିତଙ୍କ ଘରେ ରହିବା ବେଳେ ଉଭୟଙ୍କ ଘରଲୋକ କେହି ମଧ୍ୟ ତାଙ୍କ ମାମଲାରେ ହସ୍ତକ୍ଷେପ କରିବେ ନାହିଁ ଏବଂ ତାଙ୍କ ସହ କେହି ମଧ୍ୟ କୌଣସି ପ୍ରକାର ପାରିବାରିକ ହିଂସା କରିବେ ନାହିଁ ବୋଲି ଉଲ୍ଲେଖ ରହିଛି ।
ତେବେ ଏହି ସମସ୍ତ ସର୍ତ୍ତକୁ ମଧ୍ୟ ସଂପୂର୍ଣ୍ଣ ଭାବେ ପାଳନ କରିବେ ବୋଲି ସୁମିତଙ୍କ ବାପା କହିଛନ୍ତି । ମିଡିଆ ଆଗରେ ପ୍ରମୋଦ କୁମାର ସାହୁ ସ୍ପଷ୍ଟ ଭାବ କହିଛନ୍ତି କି, କୌଣସି ପରିସ୍ଥିତିରେ ମଧ୍ୟ ଆମେ ତପସ୍ଵିନୀଙ୍କ ମାମଲାରେ କୌଣସି ପ୍ରକାର ହସ୍ତକ୍ଷେପ କରିବୁ ନାହିଁ । ତେବେ ସୁମିତଙ୍କ ସ୍ଵାସ୍ଥ୍ୟାବସ୍ଥା ଖରାପ ଥିବାରୁ ସେ ବିଶ୍ରାମ ନେଉଛନ୍ତି ଏବଂ ସେ ତାଙ୍କ କାର୍ଯ୍ୟସ୍ଥଳରେ ରହିବେ ବୋଲି କହିଛନ୍ତି ସୁମିତଙ୍କ ବାପା ।
ତେବେ କୋର୍ଟଙ୍କ ରାୟକୁ ସମ୍ମାନ ଦେଇ ଘରେ ରହିବା ପାଇଁ ତପସ୍ଵିନୀଙ୍କୁ ଡାକିଛନ୍ତି ତାଙ୍କ ଶ୍ଵଶୁର ପ୍ରମୋଦ କୁମାର ସାହୁ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।